- 在線時間
- 14 小時
- 最後登錄
- 19-6-12
- 國民生產力
- 0
- 附加生產力
- 1089
- 貢獻生產力
- 0
- 註冊時間
- 11-10-29
- 閱讀權限
- 10
- 帖子
- 805
- 主題
- 33
- 精華
- 0
- 積分
- 1894
- UID
- 823160
|
引用:志蓮放乙四都穩陣呀?我仲諗住放佢乙三。
原帖由 Lilian_lee 於 16-09-24 發表
志蓮放乙四都穩陣呀?我仲諗住放佢乙三。
今日去聽過佢嘅簡介,課程都唔算差,奇怪點解冇乜人揀呢
... 志蓮比較少人提,可能係因為佛教. 好多人覺得佛教迷信,但其實燒衣拜神係中國民間信仰,唔係佛教,佛教係無神論。
我今年去咗8個簡介會可以做少少比較。
非熱門學校只看了兩間,基德和志蓮兩間學校比較,我會揀志蓮,行政安排好,而且學生乖啲。基德開放日及簡介會同日舉行,大部份參加者都是在校小學家長,仲帶埋小朋友入去聽講座,啲學生好嘈,玩攤位又同幼稚園小朋友爭野玩。
志蓮簡介會參加人數唔多,但有安排小朋友去課室參加活動,讓家長專心聽介紹和參觀。(宣基,田小,聖安都係咁安排)
志蓮課程的確幾吸引,中文科是粵教中,以讀帶寫(跟學習語文的次序,聽講讀寫),觀課時見學生(小二)能放能收,討論時認真討論,要停止時也能做到,好踴躍舉手答問題。基德,馮晴都是粵教中,田小有粵教中和普教中班,明道就分粵/普單元。
英文用RWI, 冇記錯的話,馮晴都係用呢套教材。有兩個NET, (大部份學校都係2個通常每星期兩堂,但明道只有1個),初小每星期三堂,高小兩堂。
課外活動: 田小/黃永樹/王余都係量多範圍廣,有60項以上。志蓮課外活動唔算多,但會放不同類型活動在多元智能課,人人有得學,俾所有學生有得接觸,唔會精英制,遊學團也是。如果真係有興趣/潛能,就自己參加課後的免費/收費活動,做法和以上三間小學不同。
田小,馮晴,黃永樹,宣基,志蓮都著重討論和說話,有啲學校話說話技巧和表達能力好重要,志蓮就話而家多獨生子女,好多小朋友唔識同同齡小朋友相處,透過討論可學習到,冇得成日做小霸王,目的似乎較全面和長遠。
冇精英班,平均分班,著重鼓勵,學生答完問題,會全班拍手讚賞,有啲似宣基。
宗教方面,在學校要素食(訂飯和自己帶飯, 小息也是), 但可以出街食午餐。冇獨立宗教科,但會把部份內容生活化,放在生活教育科,果課仲包括公民教育,環保等。
升中派位: 志蓮簡介會話50%派 band 1(但網頁冇資料,印象中學校外面有通告/海報提過), 王余傳單寫 80% 派band 1, 比較起上來唔算差,不過唔明條數點計。
缺點/隱憂:
1. STEM: 今年才第一年推行,明道已推行很多年,還會舉辦比賽,幾間熱門學校這方面都很出色,有些很早已經有
2. 課外活動少
3. 校長年紀大,是個慈祥的伯伯,但應該就快退休,換校長後辦學理念唔知會唔會變
4. 遂步加班, 之前三班小一,去年四班,17/18會開五班,人手和資源唔知夠唔夠,但應該係辦得好所以加班。
|
|