我仔仔現在2歲9個月, 1歲半時曾講到爸,媽,花等單字, 但後來就消失晒, 完全冇單字, 唔肯講話, 比野食佢叫佢講食食, 佢即刻lur 地喊同唔食, 2個月前去東華三院雷詠祥兒童中心睇ST, 個治療師話可能佢係失語症(唔知同失用症係咪一樣) 跟住個轉捩點係佢比左支叫KAZOO 的東西(當然要比錢, BUT 好似$2X, 好平), 係一支笛黎既, 但係唔係就咁吹就會响, 吹反而係唔會响, 而係要"出聲"至會响, 即對住支KAZOO 叫柯(O), 佢就會响, 就係咁, 治療師叫每天叫10次, 慢慢我個仔就試到有聲, 跟住我地好開心, 勁讃佢, 佢又當數數字咁, 日日叫10次, 之後開始大聲叫, 同埋可以叫長D (即用氣多D), 突然間, 佢多左叫聲, 例如玩玩下會叫烏鴉(U同A), 又或者勁高音嗌, 我覺得好神奇, 因為本身佢自己玩時係靜英英冇聲架, 即使唔係D 咩有意義既字, 我都已經好開心, 我諗對於有言語遲緩既家長都會明白我既心情, 重點係佢自己自發出聲音, 而唔係我叫佢叫至出聲。 跟住而家KEEP 住一星期一次ST, 佢又會比D 類似雪條棒既東西(不過係膠同有突點係上面, 唔係木) 比我仔咬, 去發個E 音, 因為我仔講到個A, 但E 都係發A音, 口部沒有E開, 所以用雪條棒去幫佢WET開個口, 試左2星期佢又真係E開個口講E音。 所以原來真係用對既治療係會對小朋友有幫助既, 同埋有時唔想比咁貴去上堂, 自己係屋企做, 唔係唔得, 不過因為環境同手法問題, 我仔係上堂個度不停有玩具引佢開口, 佢又會照做不停講, 係屋企佢講2下就肯定lur 地同走左去第2度啦。 不過我希望對有遲語兒的家長會有D 幫助。 PS 仔仔2歲4個月時在CAC 做評估, 其他都符合同齡除了言語遲緩(我都知), 但所有支援都冇, 冇得排I,E,S位, 話我仔未夠差可以申請, 淨係有得排ST, 但排期到2015年6月!!!! 其實我係好想排架, 知道呢D 資源係有排至有得訓練, 我唔係話要爭, 但之前都睇左好多BK forum都話邊做私人邊排政府, 同埋D case 都同我差不多, 所以我聽到都好失望, 覺得好似係咪自己做錯左, E生都話遲D 再觀察下, 可能會好D, 係自己緊張要個仔咁快做治療。不過後來都係覺得唔好等, 試下資助ST練習先啦, 結果係正面既, D 錢都駛得值既, 不過要成$600 /35MINS1堂, 但係都要KEEP住做, 唔做佢退步番咪SIDE 左之前D 心機. |