一大堆朗誦獎真的有用嗎？

janice007

其實朗誦比賽對入學有無用？是否只在扣門時才有用？
那些小學鐘意收得獎小朋友？他們會特別想收得過獎的小朋友嗎？
是否需要中英普都要參加一下？

我見好多小朋友都拎一大堆朗誦獎，咁普偏周街都係...
那些比較有認受性?

謝謝。

mimi1102

我囡都有參加比賽, 有攞過奬, 老實講, 一路報名, 一路都知某D 比賽係呃家長錢, 沒有認受性的比賽, 但佢讀幼稚園時, 我都有比佢參加, 原因之一係想佢練大個膽, 唔好咁怕差.

好多比賽都係得一個評判, 其實都幾主觀, 所以唔洗睇得失睇得咁重, 最緊要佢有盡力, 同有進步.

我覺得cert, 攞奬依D 野, 對考小一幫助不大, 最緊要睇當日面試的表現, 如果有特異功能就另計.

ppmmbb

回覆 Ka_BB 的帖子

有無內定唔敢講，得獎個幾個小朋友中有幾個發音不準咬字不正、企不直面部表情話你知無信心、細聲(我坐第三行都聽不清，現場無咪，評判坐半山點聽？)、好似讀書咁就有獎！

主持人又話家長在場內用手提電話會取消小朋友參賽資格，結果個位家長的小朋友味又得獎(仲要係朗誦得好差)。

以上只是我觀察。

Ka_BB

原帖由 ppmmbb 於 14-05-27 發表
朗誦及XX推廣協會 全港XX公開朗誦比賽 又係另一例子！得獎個d .............

即係點

ppmmbb

BabyAndre 發表於 14-5-27 10:39
未必，女兒並非GAPSK的學生，在剛完成的GAPSK有幸贏得冠軍。但GAPSK一年舉辦4次，認受性一般。普師會我有 ...

朗誦及XX推廣協會 全港XX公開朗誦比賽 又係另一例子！得獎個d .............

BabyAndre

janice007 發表於 14-5-20 11:08
回覆 sfly97 的帖子

我都有聽過晌GAPSK讀既學生會容易拎到GAPSK朗誦比賽既獎，所以我自K1後都無幫囡囡報名 ...

未必，女兒並非GAPSK的學生，在剛完成的GAPSK有幸贏得冠軍。但GAPSK一年舉辦4次，認受性一般。普師會我有保留，剛與女兒參加完，又初賽又決賽十分麻煩，前五名入決賽後到決賽也是嗰五位自己比賽，而我也親自感受到以往家長說這個比賽評判不持平的現象；所以即使女兒有幸也進了其中一項決賽並拿了個第4名，我也決定不再參加普師會的比賽。反而一年一度的金紫荆盃朗誦比賽，評判團是從中國請來的，所有參賽者不能攀關係，賽果公平很多。至於參賽者水準，普師會和金紫荆比GAPSK高。由於女兒喜歡朗誦，過去一年也與她參加過數個比賽，純粹在此分享自己的心聲。

manmanchubb

回覆 Argyle 的帖子

對，其實參加比賽是信心大增的。獎會更錦上添花

manmanchubb

回覆 Charlotte_mom 的帖子

係，我完全明白，係呢兩年，見盡不少主觀及不公平令人費解的事。我都試過連自己以為穩入三甲卻乜都無，
認為表現失哂準已向小朋友預告有無獎都唔緊要，
下次在邊邊邊方面改善一點有進步便可，誰知三甲內。

在比賽過程內家長引導成敢得失價值觀念也是重要一環

Argyle

原帖由 Charlotte_mom 於 14-05-27 發表
我女玩校際鋼琴都好幾次，有得過獎，我對老師都有信心。最近一次，我覺得佢有認真練習，臨場表現唔錯。點知 ...

其實攞乜獎都很了不起，起碼在自己小時都未試過。一個優異獎，加上誇少少嘅recognition, 可以令小朋友信心大增。

Charlotte_mom

原帖由 Argyle 於 14-05-21 發表
唔好誤會以為萄葡酸的，只不過分享親身感受。如何同孩子溝通也無絕对，有時要帶出一些社會現實信息，也要先 ...

我女玩校際鋼琴都好幾次，有得過獎，我對老師都有信心。最近一次，我覺得佢有認真練習，臨場表現唔錯。點知連基本80分都無（我自己認為有認真練發揮到80分係一個基本recognition），評語話noisy（我女不嬲彈琴唔算大力），我女好多年無試過評語咁差，down左幾日。無辦法丫，藝術就係咁，好主觀，唔開心一定有，但都係人生經歷

manmanchubb

阿囝都有參加朗誦比賽，可以說，
只要唔係迫，而孩子有好感甚至興趣，
在練習至比賽過程事後當中，大人小孩都一定有得著，台下十年功，台上一分鐘，當中所能學習的是自己估唔到。
過程內妳會知道咩方法最合自己及小孩，
同時的確可以透過朗誦鍛煉膽量增加信心，
而當中更可學習好多人以比賽場上相對忽視的尊重，
還有得失成敗價值觀，仲有心理輔導，
我囝囝原本都細細膽，但佢現在屬自信類(當然背後除朗誦之外，還為他做了很多)，
無可否認，有6，7成係係參加朗誦既得著.
所謂的獎同公開考試或證書.
其實有幾多有認受性?
有幾影響小一面試? 我唔太相信會有咩用，
如果面試表現優秀，合校方，無獎都會收，
就算多多獎，面試表現唔理想或不合校方要求，通通也沒用吧

Argyle

原帖由 甘恩 於 14-05-22 發表
恭喜你的小朋友考小一有好好成績。小朋友的潛力無限，家長悉心栽培，必有成果。所以我之前留言，朗誦獎項對 ...

多謝 ， 絕對同意！

甘恩

Argyle 發表於 14-5-22 10:25
我的孩子冇攞過朗誦冠軍，不過考小一入學成功率和总數連我也嚇一跳。



  ...

恭喜你的小朋友考小一有好好成績。小朋友的潛力無限，家長悉心栽培，必有成果。所以我之前留言，朗誦獎項對考小一作用不及面試表現好。只要小朋友面試時主動、有禮、學術優秀，即使沒有任何獎項，大把學校爭住收。

Argyle

我的孩子冇攞過朗誦冠軍，不過考小一入學成功率和总數連我也嚇一跳。