真道vs 德望

ozoz

原帖由 atirw 於 14-03-26 發表
可否講下你家教法的理念是怎樣的？

簡單講我家教格言有2個，1：凡事無對錯，只有影響別人令人worse off就係錯。eg唔小心倒瀉水不是錯，麻煩別人執先係唔啱，要自己執返就ok。如果故意倒即係故意麻煩人，呢下先唔啱。2：邊個乖就錫邊個，逐日計，何謂乖，有好行為就係乖。2個都有好行為就2個都錫。有超好行為有大獎勵，就係話比所有親友知你做呢件好事，全部人都知。我之前煩惱女兒爭嘢打交問題，自從一次大女讓妹妹，輪流玩，得大獎之後女兒無再打交了，個過程攪咗成年，完滿解決，現在算係相親相愛。

我讓女兒自主學習，自己經過思考做決定，承擔後果，我着重佢思考過程多於結果。人生係佢嘅，我只可以喺佢年幼時比d引導，我亦尊重佢選擇。每次assessment ,做功課，收成績表等等，同佢review,會先由叻地方開始睇，訪問下佢秘訣同原因，等佢欣賞自己之後再睇不足之處，佢當然想滿分，自然會想方法解決困難令弱項進步。唔駛好耐，佢自然滿分，不過不會自大，因為下次學新事物又可能由完全唔識開始。我深信人人有強項，總有樣嘢叻，讀書只係其中一樣。最重要同自己比較，名次只係benchmark 而已。

另外我無請工人，我女k2開始我做ftm決心令佢甩公主病同埋訓練佢抗跌力，頭家人人有份，要一起建立包括家務，將來長大，希望佢對社會同對家庭一樣有建設。

我嘅家教方式，明顯唔容易有即時結果，要空間時間，個女先可以冷靜思考，我先有時間同佢傾，達成共識，向一d目標進發。真道教法同我好多相同地方。我女兒好怕羞，用成年時間令佢增加自信，上課時時舉手發問，如果學校傳統大班，未必能包容。而且如果要一分一分咬住，我同女女未必捱得住。要注意一點，活動教學並非逃避辛苦，只係方法不同，並非hea住學。

llkllkllk

唔睇呢個post都唔知真道咁堅, 同德望有得揮.   咁真道難考入嗎? 他們愛收邊類型學生?

ozoz

原帖由 llkllkllk 於 14-03-26 發表
唔睇呢個post都唔知真道咁堅, 同德望有得揮.   咁真道難考入嗎? 他們愛收邊類型學生?  ...

呢2間完全不同教法，真道歷史短，要放長雙眼先知，中學亦唔係band 1A, 有興趣的話，要多了解理念先好決定入讀，免得同自己期望有出入時後悔。有人用blue chip形容GH呢類學校，概念股黎形容真道呢類。至於難唔難入，現在間間幾千人考，唔太易，不過當然無傳統名小咁難，我覺得佢主要睇小朋友性格是否合適，interview有問學術嘢，唔係極易，但無d重學術學校問得咁深。

hkparent

原帖由 jjson 於 14-03-26 發表
本帖最後由 jjson 於 14-3-26 13:07 編輯

Should not reduce its average IB score because it is taking the most difficult Chinese (Chi A), while many other schools only take Chi B which is easier. Please see the post about IB results in the international school forum.

Cutemom0808

llkllkllk 發表於 14-3-26 16:58
唔睇呢個post都唔知真道咁堅, 同德望有得揮.   咁真道難考入嗎? 他們愛收邊類型學生?  ...

跟本係2類唔同學校沒得比較

Cutemom0808

如想考本地U, 請問真道成績如何？

jesusloveyiu

今年德望每曰平均只有3-5樣功課，默書也少了很多，為何要做到十一、二點呢
學校改革後也沒有想像中那麼谷，課程也比想像中淺了一些（本人覺得）。另外，他們也鼓勵同學多閱讀！
利申: 小女也是GHP.1學生

jesusloveyiu

Sorry! 更正為何做到十點半

littlefaith

兩間根本完全走不同教育路線，有什麼好比較？真不明白。

hkparent

原帖由 Cutemom0808 於 14-03-26 發表
如想考本地U, 請問真道成績如何？

A friend listened to a recent rthk interview of logos students. They went to CUHK quantitative finance, HKU psychology and hkust business.

ayvicki

德望！除非你諗住讀IB

yuene

小女今年都係德望讀小一, 佢讀得好開心呀, 功課比起佢朋友仔例如真光, 輕鬆好多喎, 小女日日放完學自動做功課, 食晚飯前一定做得哂, 之後就同妹妺玩o各!

德望牌頭夠亮, 校園和各項支援好到你真係無話可說

ac917

原帖由 yuene 於 14-03-27 發表
本帖最後由 yuene 於 14-3-27 10:22 編輯

小女今年都係德望讀小一, 佢讀得好開心呀, 功課比起佢朋友仔 ...

係，我都唔明點解會做功課做到咁夜，我女同班上d同學，9點已經陸續瞓緊覺，而且我日日問呀返學點呀？佢日日都話好開心！

ozoz

原帖由 ac917 於 14-03-27 發表
係，我都唔明點解會做功課做到咁夜，我女同班上d同學，9點已經陸續瞓緊覺，而且我日日問呀返學點呀？佢日日 ...

如果要加埋體藝訓練，重有各科補習，10點半唔奇呀。

ac917

原帖由 ozoz 於 14-03-27 發表
如果要加埋體藝訓練，重有各科補習，10點半唔奇呀。

明白，不過我體藝訓練，少量補習放星期六，閒日完成功課後用來看書、玩，因為希望佢可以夠瞓，我唔求考第一，呀女暫時中上，喜歡返學、學習，我ok啦！

ozoz

原帖由 ac917 於 14-03-27 發表
明白，不過我體藝訓練，少量補習放星期六，閒日完成功課後用來看書、玩，因為希望佢可以夠瞓，我唔求考第一 ...

我見有d小學生，未必係GH,操水一周8小時又練2個樂器又入樂團，weekdays返到屋企已經開飯，即使補習放weekend，一日48 小時都唔夠啦

ac917

原帖由 ozoz 於 14-03-27 發表
我見有d小學生，未必係GH,操水一周8小時又練2個樂器又入樂團，weekdays返到屋企已經開飯，即使補習放weeken ...

同意，我都識唔少，我會諗：佢地好叻，無論家長同小朋友，而我自己...本身唔係特別出色，盡力做左就可以！