>

ykwong

兒子上小學後，幾乎不曾看過醫生。近日天氣反覆，時寒時暖、時濕時燥，終於病倒了。據他說，班中大半人都有喉龍痛、咳嗽等狀況。昨天還嚷著要帶口罩回校。

各位網友的寶貝的學校情況如何？分享下！

evelyn317

我女女今日都請

ykwong

有時冇辦法，好像我兒今天做 assessment，怕影響成績，有 d 咳都照返！

麟媽媽

早兩日先收到風，亞仔班有一同學出水豆，各方家長紛紛致電問亞仔有無打水豆針，真係有心。
個仔上左小學，touch wood都無咩病過，不過呢排都要小心D，流感高峰期。

ykwong

出水痘冇得避喎！基本上實中。你見到病徵前已傳晒出去。除非已出過或打左預防針。舊年尾我個姨甥女一班七件中哂。

toffeeli

ykwong,

你改個標題幾好聽!.....我咁回應算唔算好"拉雜"呀?

toffeeli

judy

YK，

你這個題目很難寫。難處在於要在一正正經經的地方"拉雜"。寫住咁多應酬住你先，有"雜"才来你這里拉。

ykwong

judy 寫道:
有"雜"才来你這里拉。

我個咁好既標題俾你咁解法 :evil:

toffeeli,

呢個 topic 分三部份，你的回應屬第三部份。新開張，最好加小小學校同做教育，咁就 prefect 勒！

toffeeli

ykwong,

雖然材疏學淺，然而不完全同意我的回應只屬第三部份。

當「請教」你"算不算拉雜"時已有「教育」成份，而學校何需有特定型式，榕樹頭也可是大學堂呢!

初到貴學堂便胡亂"拉雜"，請見諒!

toffeeli

ykwong

有理！

請多多惠顧。

看來流感問題不太嚴重。各位若有新話題，不妨在此提出。開此欄志在方便有感而發，又懶得自己開新欄而設，絕非私人園地。

TWMa

新開張，最好加小小學校同做教育，咁就 prefect 勒！

"被殺" 之後既心理陰影? "拉雜談"... 冇咁揚!?  
上星期五都帶左個女睇醫生, 上星期三已聽佢講一起坐校車既同學仔有兩個流鼻水, 到左星期四, 連佢都入埋 "鼻涕黨" 一份子, 搞到成晚鼻塞、流鼻水, 訓唔到! 好彩今次食完藥仲好好精神, 胃口亦冇差到.
星期日天氣預測又出寒冷天氣警告, 家長同埋小朋友們, 保重.

Bambi

Oh! 原本我都以為自己個仔好渣, 上星期病左2日, 昨晚又發燒, 但看見各位的言論, 好似而家病都好應份o甘喎! 但今天見呀仔幾精神, 雖然重有少少燒, 我都比佢返學, 雖然佢只係k3, 但唔想佢覺得請假好閒o甘, 9月上小學後少少事就話唔返學就唔好啦.

BKU

可能我見過鬼怕黑，試過個囡剛剛病好就叫佢返學，點知再病過，重勁過上次，所以以後要見到佢地完全好哂連nose水都無先比佢地返學。

judy

張文光斥教局停敬師日資助

「教師今聽《良師頌》流屈辱淚」

【 明 報 專 訊 】 曾 承 諾 「 投 資 教 育 絕 不 手 軟 」 的 特 首 董 建 華 勢 將 離 任 ， 由 他 發 起 「 敬 師 日 」 、 政 府 資 助 的 慶 祝 活 動 或 成 絕 響 。 政 府 在 2003 年 停 止 資 助 敬 師 日 ， 敬 師 運 動 委 員 會 現 僅 剩 100 萬 元 ， 若 不 獲 「 加 碼 」 ， 再 無 力 舉 行 敬 師 日 慶 祝 活 動 。 立 法 會 教 育 界 議 員 張 文 光 批 評 ， 政 府 連 敬 師 運 動 也 無 疾 而 終 ， 根 本 不 尊 重 教 師 ， 難 免 令 教 師 感 到 難 過 、 屈 辱 。

董 倡 議 年 擲 百 萬 慶 祝

董 建 華 1997 年 首 份 《 施 政 報 告 》 提 出 ， 定 每 年 9 月 10 日 為 「 敬 師 日 」 ， 每 年 均 「 豪 擲 」 100 萬 ， 載 歌 載 舞 舉 行 大 型 慶 祝 典 禮 。 敬 師 運 動 委 員 會 前 主 席 區 伯 權 昨 日 出 席 教 育 專 業 人 員 協 會 2005 年 周 年 研 討 會 表 示 ， 教 統 局 於 2003 年 以 引 入 「 行 政 長 官 卓 越 教 學 獎 」 為 由 ， 停 止 資 助 敬 師 日 。

區 伯 權 慨 嘆 ， 1998 年 首 屆 敬 師 日 ， 董 特 首 和 當 時 教 統 局 長 羅 范 椒 芬 齊 唱 《 良 師 頌 》 ， 此 刻 「 人 未 走 ， 茶 就 涼 」 。 他 說 ， 新 增 「 行 政 長 官 卓 越 教 學 獎 」 標 榜 最 優 秀 教 師 ， 但 希 望 默 默 耕 耘 的 普 羅 教 師 也 獲 尊 重 。

設 卓 越 獎 敬 師 無 疾 而 終

身 兼 立 法 會 議 員 及 教 協 會 長 張 文 光 批 評 ， 教 統 局 敬 師 政 策 「 無 疾 而 終 」 ， 「 昔 日 聽 《 良 師 頌 》 ， 教 師 感 動 流 淚 ， 今 日 聽 《 良 師 頌 》 ， 教 師 流 的 卻 是 屈 辱 淚 水 。 」 敬 師 運 動 委 員 會 主 席 儲 富 有 則 說 ， 今 年 教 統 局 額 外 發 放 30 萬 ， 委 員 會 約 剩 100 萬 基 金 足 以 應 付 今 年 敬 師 日 ， 長 遠 會 繼 續 爭 取 資 源 ， 支 持 敬 師 日 慶 祝 活 動 。

教 統 局 回 應 ， 局 方 在 去 年 新 辦 「 行 政 長 官 卓 越 教 學 獎 」 ， 由 2006 年 起 將 增 至 每 年 一 次 ， 表 揚 優 秀 教 師 。 局 方 強 調 ， 政 府 一 直 重 視 教 師 ， 在 建 立 教 師 形 象 和 鼓 舞 士 氣 方 面 ， 力 求 多 元 化 和 照 護 各 方 需 要 。
-------------------------------------------------------

各位，有咩感想。

lam2hei

發燒 at o over 38 ...唔會
比佢返; 但
有d咳或鼻...都會
要佢返. 如果唔係, 佢可能成個月都
無得返學!

噚日起, 同佢地吃番d
保健物, 希望可加強
免疫力!

    

ykwong

良師頌是乜東東，有冇辨法貼來看看。如何教人流淚，真要見識一下。今天又如何令人覺得屈辱流淚，更想知道。

我說了一些見解，但很快便察覺有錯，但卻有人大讚真知卓見。聽到自己都會臉紅。

怎會有人要政府撥款來敬自己一番呢？

麟媽媽

咁大家希望子女如何替你慶祝母親/父親節？我唔望佢花錢跟我慶祝，只要乖巧比心機學習，將來可以照顧自己做一個有用既人。如果是一個熱心教育的老師，我想他所希望得到的是學生認同自己是個好老師，學生努力學習教出品學兼優的學生。
好教師會介意無左大型慶祝活動嗎？  

ykwong

真是好教師，怎耐煩去看歌舞表演。須要人認同和肯定的人，大多沒人認同和肯定吧！

TWMa

囡囡學校規定每日都要量體溫, 上校車前會 Check 體溫簿, 發燒係唔比返學架.


以前的敬師日如果是 "載歌載舞舉行大型慶祝典禮", 身為教師的, 真的會認為比設立「行政長官卓越教學獎」意義大嗎? 可能我迂腐, 總覺教師一職應屬"清高"行業, 那又怎會欣賞歌舞式的形式慶祝!
張文光講這些話, 就當 "他人在其位, 總要拉些什麼出來" 看待便算 (看來, 我們隨便 "拉雜" 都比張生 "拉x" 值得一看 )

TWMa

yk:
比你搶先一步添  :evil: