究竟谷定唔谷好?

1712762

原帖由 1712762 於 14-01-17 發表
有水晶球就更容易啦！現在只係個 k3人仔，何來性格可言，好靜等如谷得？定鐘意看書先谷得？，現在佢又鐘意 ...

其實係咪試左谷果間會著數啲，谷倒就帶快人一兩年，唔得先走，但如去間不谷，如成績前列，想去扣二年班，但比份三年級的面試卷你，又何來應付倒。

little_yolky

1712762 發表於 14-1-17 08:11
完全明白求學不是求分數，但係香港dse 無好分數點入好大學。

完全明白有大學學位唔代表乜，但有學位都好難 ...

此言差矣！

大腦同肌肉一樣, 都係身體的一部份。大腦如果太早催谷作為記憶體, 那麼, 創作思考的空間就會被佔用, 如此, 長大以後腦袋就會變成電腦硬件一樣, 只能是一個hard disk。因此, 太早催谷的壞處就在於減弱小孩子的創意思維。

以上是教育家及科學家說的, 不是我生安白造。

little_yolky

1712762 發表於 14-1-17 10:08
我就是諗唔通呢一點, 雖則係谷果間競爭好大，好難長保持前列，但始終都係學快一年，係輕鬆間係可快樂學習， ...

我只可以同大家講, 大部份谷的好學校, 包括中學, 其實都只係精英班的成績比較好, 其他非精英班成績都不是咁標青的, 即是, 可能他們大部份的學生都不適合這種教學方法。

尤其是小孩子, 是不可以教快的, 要按步就班, 不明白就是不明白, 要給他們時間, 他們搞清楚了, 基礎打好了, 以後就跟得上了。所以, 谷唔谷真係要睇睇自己個細路, 唔好下下靠學校。如果小朋友某一方面特別有興趣的, 咪買多啲練習俾佢做囉, 唔得果範, 咪慢慢嚟囉, 得果幾歲人仔, 仲有大把時間追的。

lily233242

回覆 little_yolky 的帖子

教育家及科學家有否提及幾歲可以開始谷?

我就覺得 k3開始可以谷, 我試了, 效果幾理想! 發現囡囡係谷得之人!

Freeb

曾與一個做代課的老師談話....他教過谷及傳統學校, 名校及普通學校...發現谷及傳統學校, 每日要學生做十幾樣功課, 以為操到佢fit哂, 點知D小朋友只懂死記而不懂靈活運用...咁各家長真的要小心選擇喇

saintbernard888

有一篇轉貼文章值得大家去看和反思....


在德國時候沒思考過這個問題，但是發現很多意外的東西：
1、德國幼兒園沒有年級，所有年齡的都混在一起
2、德國學校都是半日制的，下午沒有課，只有課外活動
3、英語3年級才開始學習
4、小學4年級畢業，根據老師推薦升學，學習技工，中專或者上以後能上大學的文理中學。上大學的比例還沒中國高，
5、沒有本科生(後來根據歐盟要求更改了一些)，要麼就讀到研究生，
6、重視實踐課程，抽象的數學學習進度至少比中國晚2年
7、為什麼8200萬的德國人分享了世界上一半的諾貝爾獎？答案竟然是——不要過早過度開發兒童智力。所謂＂輸在起跑線上＂是偽命題，提早讀的都是沒用的，最多給家長[微博]們樂樂，炫耀一下，顯得自己孩子比人家能會外語了、會背古詩了等等，沒用！
德國憲法禁止學前教育。
徳裔獲得的諾貝爾獎人數佔總數的一半。通過國家介入，禁止對孩子過早開發智力，避免將孩子大腦變成硬盤，留給孩子大腦更多的想像空間。孩子在小學前“唯一任務”就是快樂成長。

孩子們快樂的玩耍
1.不該過度開發孩子智力
原以為在德國只有幼兒園的孩子不允許學習專業知識，後來才發現上小學的孩子也不能學習額外的課程，即使這個孩子的智商超過同齡人。來自科隆的桑德拉寫到：“今年我兒子7歲，我向學校老師提出，能否額外教他一些東西，因為他5-6歲的時候就自己在家學會了基本的閱讀、書寫和簡單的數學計算。老師表示反對並說：您應該讓您的孩子與其他孩子保持同步。一個星期後我再次去見老師，並出示了孩子高智商的證書，希望得到她的理解和支持，但老師用一種奇怪的眼光看着我，似乎我像來自外星的人一樣。老師進而解釋，孩子智力被過度開發並不是一件好事情，因為必須給孩子的大腦留下想像空間。過多的知識會使孩子的大腦變成了計算機的硬盤，常此下去，孩子的大腦就慢慢地變成了儲存器，不會主動思考了。儘管如此，我對德國禁止學前教育的做法還是不太理解。為了搞清楚這個問題，我專門請教了德國的教育人士，他們讓我找《基本法》來看看。翻開聯邦德國《基本法》(即憲法)，我大吃一驚。其中第七條第六款明確規定，禁止設立先修學校(Vorschule)。我還是不明白德國憲法為何這樣規定，只好再請教有關的教育專家。他們告訴我，孩子在小學前的“唯一的任務”就是快樂成長。因為孩子的天性是玩耍，所以要做符合孩子天性的事情，而不應該違背孩子的成長規律。
如果說在上學前對孩子非要進行“教育”的話，那“教育”的重點只有三個方面：
一、基本的社會常識，比如不允許暴力、不大聲說話等。
二、孩子的動手能力。在幼兒園期間孩子會根據自己的興趣參與手工製作，讓他們從小就主動做具體的事情。
三、保護孩子情感胚胎，培養情商，培養領導力。
原以為只有德國才有如此奇怪的規定。後來查了一下歐洲有關國家的情況才發現，他們對待小孩子的做法基本上大同小異。
2.學前教育破壞想像力
與歐洲相反，中國的孩子在幼兒園期間已經把小學一年級的知識基本上都學完了。人們有理由擔心，歐洲的孩子在起跑線上已經輸給了中國的孩子。其實，這樣的擔心是多餘的。歐洲人普遍認為，孩子有自身的成長規律，他們在相應的階段要做相應的事情。表面上看中國的學前教育和基礎教育很紮實，但他們的想像力和思考能力已經被破壞掉，由此造成了孩子被動接受知識而疏於主動思考的習慣。暫且拋開中西教育優劣的爭議和評判，讓我們來關注德國教育的成果：自諾貝爾獎設立以來，德國人(含移民美國、加拿大等國的德裔)獲得的諾貝爾獎人數將近總數的一半。換句話說，8200萬的德國人分享了一半的諾貝爾獎，而全球另外60多億人口只獲得了剩下的一半。難道這是種族的問題？恐怕沒有這麼簡單。讓我們重新審視德國的教育，看看他們的做法是否值得我們鑒借。朋友們，我們要對＂起跑線＂和中國的教育體制有重新的認識了。＂硬盤＂的後果是毀了一切的未來
可惜香港考小學遊戲的規則卻不容許小朋友快樂遊戲

loveDD

運動員，谷谷谷，俾佢谷到了個金牌，但往後他人生有意義嗎?  如果一個人的人生只為要入大學，我唔認同。

Cottonbb

1712762 發表於 14-1-17 10:10
但無入場卷，口才幾好，轉數幾快都無人知，香港現實就是這樣。

認同, 雖然無奈, 但這是事實。

我公司請人, 幾百個人申請, 選人時, 好似會考咁, 以成績計分俾你入圍做筆試, 之後先面見。成績無睇頭, 支筆唔夠好, 你幾醒目, 幾勤力都無用。

一係就靠識人囉, 識人就可以打橫入........

TOLAM

我認為不過份趨谷, 又能夠應付到公開考試就OK...

谷的定義是你要拿高分? 定係要考第一?

如果只係為左讀好書, 應付考試, 谷同唔谷既 都唔係重點...

如果係要拿高分, 考得好, 咁你實要谷啦... 因為你要做精英中既精英...

但其實重點都係要教得其法... 同埋小朋友的吸收能力(即係佢本身天賦).

有很多小朋友谷了, 也拿不到高分.. 有小朋友你不勉強他, 他反而有好表現.

所以就很難說囉.

1712762

原帖由 loveDD 於 14-01-17 發表
運動員，谷谷谷，俾佢谷到了個金牌，但往後他人生有意義嗎?  如果一個人的人生只為要入大學，我唔認同。 ...

目標當然不是大學啦！係香港呢個社會學位只是入場卷，未來的小朋友要在香港生活，如而家真是順住走，不跟人谷，輕鬆快樂學習，入唔入倒大學無所謂，咁佢會在未來的香港會有舒適生活嗎？我知有啲國家，不可以某歲以下不可谷，要有輕鬆童年，如全國人都咁做梗係快樂童年好啦！但是香港不是，有人把戰線推前，如你不跟，會否是不面對現實，只是把問題留比廿年後的兒子自己面對。

Charlotte_mom

Cottonbb 發表於 14-1-17 12:04
認同, 雖然無奈, 但這是事實。

我公司請人, 幾百個人申請, 選人時, 好似會考咁, 以成績計分俾你入圍做筆 ...

我以前公司請人, 秘書都見5 round, 睇下性格各樣, make sure你岩公司文化至請, 唔岩的話, 話之你係博士

Charlotte_mom

TOLAM 發表於 14-1-17 12:19
我認為不過份趨谷, 又能夠應付到公開考試就OK...

谷的定義是你要拿高分? 定係要考第一?

我成日都同個女講, 我要張入場劵, 佢而家f2, 鐘意中文打算讀中文教中文, 好呀, 我無所謂, even我同佢去睇演藝開放日, 問定要咩prerequisite, 佢如果將來話要讀戲劇靠果行搵食, 我一樣開心, 最緊要你知自己想點, 然後望住目標做好佢

我唔駛你永遠名列前茅(到我迫嗎?), 但佢總有佢人生要過, 我唔讚成太hea, 我唔會係滿足於"小朋友童年最緊要開心, 第2時做人正正直直已經可以"果種, 無本事搵食, 唔通我養佢過世咩? 就算我養得佢起, 生個仔出黎唔係想佢勞勞碌碌搵朝唔得晏下話? 但亦唔讚成太谷, 人生應該要balance, 都係果句, good enough就好

布來夫

回覆 little_yolky 的帖子

非常同意此情況。其實在香港的教育大方向是一個淘汰賽，學校最終只是篩選出具有讀書智能的人，其餘的一律會被淘汰出賽事。但人除了讀書智能外，還有很多其他智能需要發展，如社交知能，語言智能，音樂智能，運動智能，財務智能等仍需靠父母去發掘及培養，這些都是構成一個完整的人的必要元素。但不幸地，很多父母及社會會以成績來定輸贏，埋沒了很多在其他智能上具優秀表現的能力者。
為何香港在運動，音樂，創作等領域的人材總是給外國比下去呢，反而在炒炒賣賣等卻勝人一籌？我相信這類在炒賣成功的人仕中，很多是讀不成書，早早出了社會工作，在耳濡目染下，培養出對該產品的市場觸覺，故能早著先機。反而很多在其餘領域的人，由於其專長可能要有優秀的成績作為後盾，才能再更上一層樓，但徧徧成績未如理想，其優秀智能亦被埋沒。

朋友的兒子在田徑上一直都有較優秀表現，雖未至次次冠軍，但總是前三常客，但學校竟以成績未如理想為由，要讓他必需參加補課而缺席比賽，結果如何可想而知，更嚴重打擊其自信。試問如小孩問：點解我成績唔好就唔可以參加跑步比賽呢？跑步同讀書有咩關係呀？考１００分會跑快啲？我相信大部分家長都會語塞。而徧徧這類學校很多就是大家趨之若鶩的所謂名校。

在人生的成長路上，父母最重要要做的事，其實是保護好小朋友，包括其對事物探究和自我求學的信心，因為整個社會都是在找機會攻擊它，而只有父母能用真愛去保護它。共勉之。

little_yolky

Charlotte_mom 發表於 14-1-17 12:48
我成日都同個女講, 我要張入場劵, 佢而家f2, 鐘意中文打算讀中文教中文, 好呀, 我無所謂, even我同佢去睇 ...

你真係開通。我囡囡學緊粵劇, 粵劇老師同佢講, 啱啱有位大師姐, 唱得好好的, 考咗入演藝學院讀粵劇學位, 我阿囡聽到原來有粵劇讀, 對眼閃閃發光, 我就嚇到心慌慌。讀完粵劇, 可以做啲咩? 希望我囡囡F2時, 我可以改變自己有你一般的胸襟。

little_yolky

布來夫 發表於 14-1-17 13:00
回覆 little_yolky 的帖子

非常同意此情況。其實在香港的教育大方向是一個淘汰賽，學校最終只是篩選出具有 ...

你朋友可以同囝囝講：運動好呢, 我哋都要讀書喎, 因為我哋要做個有文化既人, 讀書可以培養我哋既修養, 堅定我們的意志, 訓練我們的心理質素, 對以後做一個出色運動員都好有幫助嫁。

唯有咁講。

BTW, 我只要求小朋友合格就得。跑步叻, 都要合格, that's all。

hecabb

原帖由 Charlotte_mom 於 14-01-17 發表
我成日都同個女講, 我要張入場劵, 佢而家f2, 鐘意中文打算讀中文教中文, 好呀, 我無所謂, even我同佢去睇 ...

非常認同。

1712762

原帖由 little_yolky 於 14-01-17 發表
你朋友可以同囝囝講：運動好呢, 我哋都要讀書喎, 因為我哋要做個有文化既人, 讀書可以培養我哋既修養, 堅 ...

我都好認同合格就夠，有大學入場券就夠，但有一班人谷而我行輕鬆學習，唔十二年後果個試，夠唔夠合格或囉倒入場卷，我就是諗不通這問題。

boboapril

個人認為除左睇資質同性格亦要睇家長配唔配合到谷的學校、亦即是陪太子讀書，無理由小朋友就日谷夜谷，爸爸媽媽返屋企就玩電話、上網同睇電視。另外、一般我認為女仔初中前較為谷得（雖然早谷真是未必好、學習長路漫漫）、因為女仔較為聽話、服從性高、只要父母老師加以鼓勵及俾多d時間及愛錫支持（正面）、再唔係威迫利誘（負面d),基本上都受谷。但男仔天生好動、坐唔定、需要發展體能、有太多精力要發洩，呢個係天生的男女差異不是歧視、男仔較為低服從性、心智較女仔遅熟、俗語腦囱都未生埋、小學就要受谷、會不會不得其所、反作用力更大？通常d男仔真係高中忽然開竅後來居上。谷唔谷的學校都好，最緊要保持到中等成績、唔好影響自信、成績下游一定要跳船。有朋友是老師、個仔好乖好定、聽話又喜歡閱讀，以為谷得、點知讀好谷的津小、大人小朋友都頂唔順、成績唔太差、但阿媽身為老師知道這樣對兒子不好，小二就轉校了。

w_y

讀書當然要捱苦, 咩叫十(二)年寒窗? 但唔係一開始就苦, 點都要有些甜頭引小朋友有興趣, 方才捱到落去.
文狀元唔得, 咪去考武狀元囉!
唔谷, 唔代表乜都唔做, 唔係道上跑, 可能走左去鍛鍊筋骨柔軟道, 練耐力, 練運動心理, 等佢將來一發力時發得更驚人. 起步係咁谷, 因住要因傷退出.

唔好講咁遠, 我見唔少愉快學習幼稚園小朋友上到名校考得好前, 人地之前幾年唔係狂操練習卷, 只係家長引導閱讀合適的課外讀物, 語文和創造力由此而來. 不信, 看看作文成績, 是其中一個指標, 絕對對將來考DSE 有幫助!

中國人講求中庸之道, 不過香港家長乜都要第一, 我自己認為, 身在香港, 唔可能唔睇分數, 求個平衡方才是長遠求生之道.