觀塘幼兒學校

warmchi

回覆 alanphoebe 的帖子

yes, offer letter.

ntlovebb

回覆 warmchi 的帖子

Yeah!  

  
祝各囝囝囡囡取得offer!一齊做同學仔!

karinawong1031

theclacheng 發表於 13-12-4 17:26
當向其他家長學下野囉，我個Group有個家長話：我兩公婆都係教書既，所以我地好明白做教育既對小朋友幾重要. ...

都係WAITING...
我個GROUP有個家長話佢全家係基督徒，話希望小朋友响耶穌基督既愛裡成長....

dollylash

我嗰組啲家長講啲嘢我毛管梀

問小朋友有無爭嘢玩？
絶對唔會，我小朋友唔會做出呢啲咁嘅事，絶對唔會發生

點解揀我哋學校？
你哋學校喺197x年成立，教學經驗豐富，師資優良....bababa....仲有，我本身係基督教嘅，我嘅宗教同人生理念同你哋學校完全吻合......

如果你報嘅學校間間都收，你哋會點揀？
根本唔駛揀，你哋一定係首選

Oppss......咁假嘅嘢我講唔出，我聽到爭啲笑出嚟，但我估學校想聽呢啲答案啩，我就答吓因為住區近呀呢啲，所以waiting囉

但我覺得唔應該group in囉，有兩個家長就學嗰個家長講嘢，而最後一個問題，未輪到我答就closing

ntlovebb

回覆 kccp 的帖子

相信囝囝同父母 面試都有計分!  

Elenalan

原帖由 dollylash 於 13-12-05 發表
我嗰組啲家長講啲嘢我毛管梀

問小朋友有無爭嘢玩？

咁人地可能係講真話呢。我自問當日係真心直說。
我果組第一個答嘅家長都話佢小朋友一定唔會搶玩具，有人搶會走開。第2個家長就話自己情況同第一位家長一樣。我第3個答，我話我囡仲好細（9月細B）佢見有小朋友玩緊乜野都會哄埋去，我會喺隔離觀察，冇危險咪由得佢同人玩/爭，小朋友係咁架啦，社交嘛。我答完之後兩個家長又話贊成我講法。

我真心首選呢間學校，無論係因為宗教仲有教學理念，開放日我已問老師有冇兒童崇拜，得知每星期有主日學，我好buy！基督徒揀番基督教學校好合理，反而唔係教徒或反基督教仲乜要迫自己揀教會學校呢？

我仲坦白同老師講我小朋友比較曳、所以覺得呢間行projects重啟發嘅學校好適合我囡。

可能我真太坦白，但其實我明白阿囡係細B，唔收都係合理賽果。我真心欣賞呢間學校，所以下年會再報K。

theclacheng

Elenalan 發表於 13-12-5 18:58
咁人地可能係講真話呢。我自問當日係真心直說。
我果組第一個答嘅家長都話佢小朋友一定唔會搶玩具，有人搶 ...

好似基督徒變左個SELLING POINT咁,但就算係都希望係個內殮的基督徒,唔係下下掛係咀邊,以基督徒身份去加分,我相信係基督的世界人人平等,每個小朋友都有機會(即使係非教徒都有權選擇入讀,無話迫自己選擇自己唔中意的學校),反而讓一些未有信仰的小朋友有機會認識和接觸,而唔係排除異見人士

Elenalan

theclacheng 發表於 13-12-6 10:27
好似基督徒變左個SELLING POINT咁,但就算係都希望係個內殮的基督徒,唔係下下掛係咀邊,以基督徒身份去加分, ...

那個是面試問題, 不是「下下掛係咀邊」, 老師問點解揀學校, 家長認同宗教信仰表明教徒身份好合理。
我絕對鼓勵非基督徒揀基督教學校, 這是一個很好機會讓非教徒認識信仰。只係o係BK和EK都見唔少家長話俾小朋友返學後遭宗教洗腦, 又見有家長覺得人地表明基督徒身份係「咁假」, 先奇怪家長報學校唔係應該認同學校背景和理念先揀嗎? 點解答認同和欣賞學校會係「虛假」表現?

我報左名o既六間學校都係我認同o既學校, 無論係宗教定係教學質素/理念, 唔係人報我報。面試結果唔係自己控制, 我囡雖然冇呢間學校offer, 但我相信學校選o既學生一定有佢入選原因。如果呢間係「擦下鞋」就可入讀o既學校, 我相信學校唔會有咁好口碑, 我自己都唔會報。

theclacheng

Elenalan 發表於 13-12-6 13:04
那個是面試問題, 不是「下下掛係咀邊」, 老師問點解揀學校, 家長認同宗教信仰表明教徒身份好合理。
我絕對 ...

我只係見你寫:反而唔係教徒或反基督教仲乜要迫自己揀教會學校呢？
我相信無人會迫自己選擇自己唔喜歡的學校啫,成間學校,或者全世界的人都係基督徒,無宗教,無種族之分就當然最好啦
又假設你的小朋友入到喇沙小學(天主教),但又與你的宗教不一樣,你又會否因此而放棄好學校的學位呢?

Elenalan

原帖由 theclacheng 於 13-12-06 發表
本帖最後由 theclacheng 於 13-12-6 16:15 編輯

天主教學校我有保留，但我老公認為冇問題，這是可以再了解探討，但我報的學校暫時冇天主教。但我底線係唔會報異教（即基督教以外的宗教，如佛和道教）。
至於你舉例的“好“學校，從來不是我考慮之列。
我當初揀觀幼係欣賞佢唔鼓吹“谷“學生、重視啟發學生、全能發展、適齡教育，培養自理、品德，屬靈培育，少功課嘅happy school, 唔係標榜用NET、英普語言、學術果D名幼。

我自己都係自細讀屋村學校平民中小學，本地升讀大學和研究學位，我幫阿囡揀學校重視校風和老師有愛心、學校教育理念為先。

happybbpig

theclacheng 發表於 13-12-4 12:35
Totally agree!收Waiting = 收reject,咁難先考到,點會咁易Release offer 出黎丫,就算有都唔多囉 ...

係咪基督教服務處的? 我沒報呢間，但有報李鄭屋和石硤尾，今天in左，收20-30人，觀塘係咪大d? 收60?

kccp

唔知有冇人會放棄個位呢

offer 咗應該14號要搞手續，如有人放棄，應該14號後就會通知後補😔

chikelen

waiting

kbi

其實大家唔洗唔開心，黎間學校係做社會服務，所以佢唔係要揀叻既小朋友，佢扡要既係聽教聽話既，如果唔乖係要留堂架

dollylash

theclacheng 發表於 13-12-6 16:09
我只係見你寫:反而唔係教徒或反基督教仲乜要迫自己揀教會學校呢？
我相信無人會迫自己選擇自己唔喜歡的學 ...

算啦~佢都唔明個問題喺邊，無謂同佢拗啦
因為xx徒而入xx教學校呢個理念，未就係鼓吹啲人假信教嘅元兇囉。

我從來只奉行港校港人優先呢一套，其他條件嘅分類，造就社會分歧！

karinawong1031

dollylash 發表於 13-12-5 16:15
我嗰組啲家長講啲嘢我毛管梀

問小朋友有無爭嘢玩？

其實家長group in都幾奇怪，可能真係太多人報。講真，報得當然係覺得呢間學校好或者啱自己理念，或者方便接送，理由不外乎呢幾個，輪流講一次真係冇乜意思。出力講又肉麻，平常心講又唔夠outstanding。雖然我都唔算好出力，不過講完都有少少毛管恫。

dollylash

karinawong1031 發表於 13-12-9 18:40
其實家長group in都幾奇怪，可能真係太多人報。講真，報得當然係覺得呢間學校好或者啱自己理念，或者方便接 ...

我都覺得group in好無謂囉，講出嚟嘅又未必係真話，亦唔見得睇得出個家長嘅"誠意"，但如果做哂功課刷哂鞋咁就叫"有誠意"，我諗我個仔唔係好啱讀呢間學校。
不過我諗深一層，可能"交足戲"嘅家長手頭上未有offer，所以會比較著緊，如果我未有offer而又知道呢間學校咁玩法，可能我都會做足少少功課，但七情上面咁講"絶對唔會"嗰啲說話我真係講唔出。

theclacheng

dollylash 發表於 13-12-10 11:08
我都覺得group in好無謂囉，講出嚟嘅又未必係真話，亦唔見得睇得出個家長嘅"誠意"，但如果做哂功課刷哂鞋咁 ...

我都覺GROUP IN好無謂,如果學校除左選小朋友之外,連家長的質素的要篩選埋,使乜IN丫,IN之前選晒D住私樓,做高級職位的家長咪得囉,無謂要我地陪跑,其實我地只係幫緊學校增加佢地的氣勢

dollylash

theclacheng 發表於 13-12-10 11:32
我都覺GROUP IN好無謂,如果學校除左選小朋友之外,連家長的質素的要篩選埋,使乜IN丫,IN之前選晒D住私樓,做 ...

同埋而家呢啲所謂普通學校都搞到咁aggressive，講真學校揀我時我都揀學校，唔會因為個offer而去阿諛奉承