去面試定去學校旅行?

suki224

小女而家讀救世軍N1, 半日個隻, 想同佢轉好一些既k1, 但in 左6間,包括九龍塘同港島區名校,  都無人收, 自己好多晚都訓唔著, 亦曾傷心到喊, 而家有另一間有面試, 但呢間唔係d咩名校, 只係區內d人話幾好既其中一間, 如果要in就要放棄學校旅行,

自問阿女有d學校係in得差, 但有些in得好好的都係唔收, 覺得再in 落去, 都好似無咩意思, 又令到阿女無得去旅行, 但唔in, 佢就要繼續係而家呢間讀,

問心, 而家呢間校長, 同老師都好, 見到老師係真係有心對待小朋友, 我個女返左學個幾月就自己介片, 佢食茶點少左, 老師會寫紙仔話我知, 無返學2日, (其實已打左去校務處請假), 老師會親自再打黎問, 又成日抱佢地玩,

相對我問過其他朋友既, 都未必係甘, 只係好公式化甘教書, 形容好似文員打份工甘,

另外, 小女而家雖然學多左野, 但肯定比其他淺, 佢學校教佢地唱有隻雀仔落水, 一星期只得15mins english for 28 students,

以上種種令我好煩惱

emilywks

我阿仔今個星期六都係學校旅行, 咁啱撞正培正interview, 我選擇放棄唔interview, 而去學校旅行, 畢竟第一次學校親子旅行, 大家都好期待, 而且而家學校又唔係差, 咪當同佢冇緣

annayu

原帖由 suki224 於 13-11-26 發表
小女而家讀救世軍N1, 半日個隻, 想同佢轉好一些既k1, 但in 左6間,包括九龍塘同港島區名校,  都無人收, 自己 ...

去in啦。
旅行將來多的是。
你報名應該都有吸引處。
也許，你就抱輕鬆點心態，亦當比小朋友見識下其他well trained小朋友interview的表現。做得好吾好答得ok不ok, 都take it easy和為小朋友加油。

當去園遊會玩一會。平常心面對，得吾得都好。
加油！

lutang

遇到一間好學校真係好難得，如果唔想放棄又經濟許可嘅話，可以出去上興趣班學多樣嘢呀！老實講，除非你入到冇學券嘅英普班啦，否則單憑上堂嗰幾個鐘真係學唔到d咩㗎，大部分都要出去再補。我諗好視乎你個小朋友係咪肯學、吸收力好唔好，如果有d天份嘅我都建議你去考下其他學校提升自己。

Winnie~meow

原帖由 suki224 於 13-11-26 發表
小女而家讀救世軍N1, 半日個隻, 想同佢轉好一些既k1, 但in 左6間,包括九龍塘同港島區名校,  都無人收, 自己 ...

我會揀去學校旅行，因為將會去考嗰間又唔係你心水。
另外，心儀的K1係米waiting呀？遲啲又有位放返啫，你有冇寫求位信呀？
唔得米K1/2考插班囉！

NICOLE123

自己問下自己 目標小學是什麼 ??

我想講 我怕你開心3年 小學會日日喊..真心的........

THSo

emilywks 發表於 13-11-26 12:27
我阿仔今個星期六都係學校旅行, 咁啱撞正培正interview, 我選擇放棄唔interview, 而去學校旅行, 畢竟第一次 ...

我之前都係放棄 interview 而去學校旅行~~~
雖然係區內名校，但d 位極之少，又唔係話大機會，所以放棄左而去學校旅行，話晒第一次，大家都好期待，考唔到出面d 學校係會繼續升班，俾佢地投入d好.... 另外有兩個同學仔媽媽都係咁樣選擇

winnietingting

我上年放棄咗學校旅行去面試，我現在諗返，都幾後悔，囡囡成班同學第一次一齊旅行，肯定非常歡樂，但miss咗啦，唉！

藍藍媽

原帖由 suki224 於 13-11-26 發表
小女而家讀救世軍N1, 半日個隻, 想同佢轉好一些既k1, 但in 左6間,包括九龍塘同港島區名校,  都無人收, 自己 ...

我諗我只會為龍校放棄去旅行…… 又或者睇下可否in完join返旅行，或早走去in…… 成班小朋友去旅行好開心……睇返d相都好開心……

dogudiva

如果唔係乜野龍校, 而媽媽你又覺得有機會的話! 咪放棄旅行去IN囉! 俾個機會個囡的同時, 都俾個希望媽媽自己!! 媽媽, 放鬆D啦!! 唔好咁緊張! 小朋友宜家至幼稚園, 前面仲有大把難關! 唔好將自己拉得咁緊!
TAKE IT EASY~

^GGmami^

如果係心儀嘅，就去in啦，旅行大把機會

文文豬豬

我同你一樣，個女讀救世軍，學校旅行當天，我女正正撞左面試！我仲有個細仔，同日又有N班面試。。。
我同老公一定唔會放棄學校旅行，因為這正是學校當月尊題硏習主題。如果唔去，豈不是成個月都冇得同同學分享？我地最後取捨，就係去旅行早少少走，interview係遲左少少，但都oK！
阿女去旅行的勁開心同興奮嘅表現，延至面試！結果，其中一間面試學校St Cat offer左am 班俾個女！另一間未出result!
我同個女個日仲係sporty look,阿女又係細b！所以有時真係唔諗得太多！樓主，加油！

winy629

我係上午去完面試，飛的士入去 join 學校旅行。
有啲同學仔係去完上午旅行，自己離隊走，去下午的面試。

webpaupau

原帖由 winy629 於 13-11-26 發表
我係上午去完面試，飛的士入去 join 學校旅行。
有啲同學仔係去完上午旅行，自己離隊走，去下午的面試。



  ...

Good idea. So smart. 樓主考慮下

jollyshandy

回覆 emilywks 的帖子

我個仔同你小朋友同一間學校，都係有SN offer , 星期六都會去旅行呀

suki224

Winnie~meow 發表於 13-11-26 13:27
我會揀去學校旅行，因為將會去考嗰間又唔係你心水。
另外，心儀的K1係米waiting呀？遲啲又有位放返啫，你有 ...

求位信有用嗎? 我都有念過k2同佢轉校, 但怕影響佢, 又驚新學校跟唔上, 總之就煩,

Winnie~meow

原帖由 suki224 於 13-11-27 發表
求位信有用嗎? 我都有念過k2同佢轉校, 但怕影響佢, 又驚新學校跟唔上, 總之就煩,  ...

如果收 waiting list , 可以試下send 求位信。 另外，好多jm都叫你可以就下時間，旅行interview兩樣都做，未唔會後悔囉！
其實，你可以諗下自己想比啲乜嘢個女，想保證佢開心，咁宜家呢間救世軍一定得！想個女有＂競爭力＂，米努力嘗試比佢去＂教得深＂嘅K囉！自己都比多啲時間教，如果唔得閑同唔識教，都真係要諗下，因為，唔係話交比"名幼稚園＂，教得深，小朋友就可以一路順風順水
如果心水學校，宜家考唔到，K1都可以試下插班嘅

totorobus

文文豬豬 發表於 13-11-26 21:57
我同你一樣，個女讀救世軍，學校旅行當天，我女正正撞左面試！我仲有個細仔，同日又有N班面試。。。
我同老 ...

救世軍算是一間好幼稚園，考到龍校當然會轉，如果係其他出名D、摧谷學術的幼稚園，是否都為提升考小一競爭力而轉校？