被班主任投訴

lily233242

囡囡成日同同學傾計！影響自己也影響其他同學上堂。

其實我都知佢多嘴，在家裡把口冇停過，但我唔覺佢曳，因為佢言之有物。好奇心重，每事問；對很多事情都很有見解；也愛嘴甜氹人錫人；常跟我說她喜歡班裡甚至其他班的同學，好中意返學，因學校有很多朋友。

我已跟她講上堂不能多言要留心老師的教導，可是到了今天終於被老師來電投訴。看著她的天真無邪，都唔忍心責罵她。點算呢？

JJDBB

好想知你怎樣回應老師？

Jane1983

父母一定覺得自己小朋友出眾，但上堂不停講野真是不合適。

zitaeric

吾尊心自然成績差，
也会影响他人！
每一班都有些常以可爱、天真但
又多嘴的小女孩，
成績，操行大都是中下，
家長唸唸……
不再是BB
都上了小學啦！

wister

小朋友見到同學仔興奮多嘢講好正常啫，每日返學放學提多啲，叫佢錫老師，上堂留心啲，學嘢都叻啲，老師再錫你啲

lily233242

照事實講。請求老師出招、使計收服囡囡，我在家也會訓她！

w_y

我同老師商量好, 安排小女坐單人位, 前後附近都是比較安靜內向的同學, 直至佢改善為止, 效果良好. 最重要係佢明白自己為乜攪成咁, 同埋係為佢好, 佢自己都話上課確係專心左.

stefi

我囡，k3，都俾班主任投訴成日傾計，我唯有成日提佢唔好掛住傾計，又叫老師幫佢調位，希望會有改善

Tata1668

小朋友需要學習 "等待", 即使好奇心重, 每事問或每事發表, 也應學習在適當時候發表意見。老師打電話和樓主溝通, 總好比派成績表時給予操行是 "C"...  

NewHand

應該要認認真真同你囡囡講上堂要專心唔好影響同學，如果佢習慣咗又冇人話佢，後果會好大件事！