孩子讀得開心左嗎?

Febeona

這裡有70後的父母和我經歷一樣嗎?

不知名幼稚園: 就近入學, 大過問阿媽點解揀呢間唔揀第二間? 一個字平d!
沒有讀N班, K1, 一讀就K2. 因為阿媽話K1喊得犀利, 所以遲一年先返學.

村校小學: 家姐讀邊間便讀邊間. 中文為主, 本地的英文老師自然是港式口音, NET是更加不可能. 返上午半日. 學科有中英數社科健, 除了中英數, 其他科只要是小學老師都可以教. 體育就更加唔專業. 課外活動星期六返, 玩左幾年公益少年團.

村校中學: 經過學能測試, 填自願考入. 英文書廣東話授課, 接著要會考, 高考
靠好成績入本地大學

那個年代外面太易搵$, 有一些老師是有熱誠的, 但亦有一批是逼住做, 打份工.那是一個老師面試學校要送叉燒飯o既年代.

現在對教育有熱誠, 沒有周身刀, 可以連一個教席都搵唔到. 老師質素是好了, 學校大左, 設施好左, 孩子讀得開心左嗎?

明明是學校爭學生的年代, 但變成學位緊張, 營造有$到讀唔到o既局面. 選幼稚園已經令人頭痛, 還有直資, 教學語言, 銜接小學, 銜接中學等問題.

贏在起跑線? 輸在終點? 我們這一批已經是大學生, 俾$讀一兩年又是Master, 咁小朋友咪應該有PhD才算是超越我們這一輩? 工作呢? 二十年後的職場又會是怎麼樣?

最後, 返璞歸真, 還是給孩子一個愉快的童年吧!

kittyland06

同意，我覺得幼稚園應該係去玩，玩完返屋企咁，我比阿女讀 n 係因為我係 working mom, 唔想佢成日响屋企對住工人睇電視，所以比學費佢去玩咋

tiffany_319

kiukiu1017

童年得一次、過去左就沒的了。

HelloNBaby

絕對同意！！

teambuilder

你人生是不是只有讀書？不是吧。你想你的子女行你行過的路？還是他能獨當一面？我也是讀村校入大學，番學唔開心。幼稚園已要考試，講緊三十幾年前。

Febeona

30年前一般幼稚園教師都沒有幼兒教育培訓, 又沒有課程指引, 仲可以有體罰. 除時把孩子身心摧殘, 唔再鍾意返學.

我們的舊路在教育質量上並不理想. 只可以說比天台學校, 升小有考試o既年代幸福. 猶幸我們能在有限的資源下自強不息和樂天知命, 尚算擁有一個愉快的童年.

現在, 資源好了, 我們應該讓孩子懂得珍惜這個得來不易的學習機會. 包括從小可以接觸純正的英語和普通話, 有更多種類的課外活動, 有更多見識世面的機會. 但水能載舟亦能覆舟. 如何能為子女作出合適的安排確是一太學問.

童年確實只有一次. 當每年公司晚宴時有同事表演呢樣表演個樣, 我都會諗點解細個父母唔摧谷下我作多方面的興趣發展呢? 不過我又會諗, 付出咁多時間又值唔值呢? 我反而懷念係同家人一起過o既每一個節日. 熱熱鬧鬧. 未有小朋友前有空閒還可以去學習自己真正有興趣的東西. 冇錯, 係真正o既興趣, 因為係自己俾o既真金白銀和付出寶貴時間.

今時今日, 我又會諗, 為左入名校而做好個portfolio, 參加咁多活動, 犠牺親子時間, 到頭來又值唔值呢?

cathygum

非常同意你的觀點，你的孩子好幸福。

muimui2012

原帖由 Febeona 於 13-11-12 發表
這裡有70後的父母和我經歷一樣嗎?

不知名幼稚園: 就近入學, 大過問阿媽點解揀呢間唔揀第二間? 一個字平d!

Can't agree more

ccjm

agreed

lilyrico

我果個年代，小學先學ABC.

Potato001

我係八十後，一樣係讀最近屋企嘅幼稚園，跟姐姐讀屋企附近官小，年年考頭幾名，計過可以入到在第二區的直屬官中, 或者區內名校，但最後選了跟姐姐讀區內的band 2中學，因為我阿爸話，池中無魚蝦蟆最大，去到band 1學校，只會是中游份子，去band 2可以年年考頭幾名。最後，會考有幾個A, 入本地大學first hon 畢業再讀埋master，有份收入穩定又唔太忙嘅工作。

其實唔一定要讀"最好"的學校，讀二線學校輕鬆又開心，之後出來搵工，都冇人睇你邊間小學中學，只係睇邊間u和公開試成績。成績表只是搵第一份工有用，之後的都是靠工作態度 經驗 待人接物等，不是谷就能學懂的。

Febeona

lilyrico 發表於 13-11-12 21:47
我果個年代，小學先學ABC.

我也是小學先開始學ABC
小一中文的第一課書課文我到依家仲記得: 花 紅花 一朵紅花 這是一朵紅花

Joball

原帖由 Febeona 於 13-11-12 發表
這裡有70後的父母和我經歷一樣嗎?

不知名幼稚園: 就近入學, 大過問阿媽點解揀呢間唔揀第二間? 一個字平d!

Agree

我也是七十後！

分享我的故事！

姐姐小時同我一起讀名牌小學，佢大我幾年！

佢考入名女子中學
但會考二十多分也入不到這中學預科！

之後，佢去左某名中學讀預科，最後因頂不住學習壓力, 讀左poly high dip ！
最後沒有degree 畢業！

佢Down 左幾年，再讀本地名大學full time MBA！

MBA 畢業後，又因找不到好工作，患上情緒病兩年！

相反，我在名小考試已不合格，派左入band 2 中學！
會考得16分，全班尾二讀預科，最後我1 take 過入本地名牌大學！
我個班有三十二個人，九個人入不到大學，扣埋入poly city 的，全班得十幾個入傳統大學！

今日我算是個小中產，但係大學只係大部份工㮔入場卷，EQ重要過一切！

我姐姐中英文也比我好，小時想笑我英文不入流！
但EQ和逆境智商低，所以工作一直不順利！

我地起跑線一樣，中間佢贏我好多，但係我之後又追過她！

希望我這個例子會俾媽咪們有D啟發！

Potato001

原帖由 lilyrico 於 13-11-12 發表
我果個年代，小學先學ABC.

我小學一年級，中文第一課書係 "上學去"，英文係 "hello", 數學係數1-10. 而家有啲小學面試已經要識計乘數，幼稚園n班面試要識聽英文故事。

mamaishere

原帖由 Joball 於 13-11-12 發表
Agree

我也是七十後！

good sharing! it's very inspiring!

irisban

我小一第一課都係花，紅花，一朵紅花，這是一朵紅花，我好同意你的看法，亦很懷念小時候考試個日先讀嘅日子

Febeona

回復 Potato001 的帖子

謝謝分享!
今時今日如果有C6提出"池中無魚蝦蟆最大", 要小朋友棄band 1讀band 2, 肯定會家變.

Febeona

回復 Joball 的帖子

謝謝分享!
我們真的不能忽略EQ的訓練. 報紙報道小學生已有情緒病. 可見讀書壓力之大.

conniewktang

Totally agree,本人冇讀過Kg，直接讀小學，最後上大學，然後也一樣碩士畢業。