有OFFER先諗?

ky201105

其實只係有感而發, 見好多家長問喱間好定果間好, 總會有好多人出嚟講”有OFFER先諗啦!”
其實, 一個咁o既reply有咩意思? 對作為出帖的家長見到咁o既reply係無幫助, 唔理人地係咪有offer, 出帖就係想問意見, 你咁答, 就好似同人講”你發吓夢先啦~” 可能人地就係諗緊in邊間好呢, 或者人地時間只許可in一間呢? 喺喱度唔洗交代咁多嘢呀? 有意見咪俾lor!

poodlema

無錯, 當傾下計都得啫。

oooasis

最奇怪係，叫人地有offer先諗
但等人地hold住兩個offer來問，又話，唔係報之前做好功課咩，現在先來問。
究竟應該幾時問？

Holam920

諗in邊間，同in完個人主觀願望間間都收，係兩種問法，同兩種答法，我諗每一年都好多in完 SC同KV，諗簡邊間好，最終無一間收嘅家長，不如收咗先諗！

breadbb

同埋其實有d好熱門o既比較你可以search..其實大概會知道一二sc vs kv..一年都唔知有幾多個post問呢個~or sc vs km/ km vs kv/ km vs lh,到真係有offer再開post問大家會更好~~

yokeeland

其實可以先在學校睇資料，認為心儀就報名，在面試時可以實地視察環境和老師和教職員的態度。在收到確認信後，從之前學校給予你的印象，自行決定。

iamiris

agree

Crystalspman

我諗個point係你問之前有冇做定功課先？報之前有冇預先了解間學校係咩類型啱唔啱你style？定係見好多人報你又驚執輸報定先？

到真係有offer喇，先上黎問其實呢間學校好唔好架？會唔會好淺架？俾其他好想入但入唔到嘅JM睇到呢啲post真係火都黎！

我自己報之前會爬文睇返邊類型學校啱自己小朋友，揀啱先報，然後整個排名表，問自己如果全部都收，最想入邊間呢？由1至1X咁排，撞咗時間嘅就放棄排名較低嘅唔去，有offer之後排名低過offer嗰間唔去，唔知其他jm有冇其他方法？

mimwing

現在諗係浪費時間, 到有OFFER大把時間你諗, 都係$660 留位費..

marcuscyrus

但往往問呢啲都係in完問，如果是撞期不會這樣問吧。

kittyland06

首先冇人知你 background, 亦冇人知你小朋友性格，又唔知你著重乜，就咁問 xx vs xx 其實冇人答到你。我會比幾個 criteria 我老公 rate 重要性再揀，有校舍，宗教，師資，學費，地點/校車，龍校，英普/兩文三語....etc, 諗清楚圥可以比較！

aokiwong

cherryird 發表於 13-11-12 10:50
早幾年我小朋友考k1時都好似你, 想問人呢間同個間, 邊間好些呢?原來發覺係自尋煩惱, 人地都唔收

其實我真 ...

kittyland06

原帖由 mimwing 於 13-11-12 發表
現在諗係浪費時間, 到有OFFER大把時間你諗, 都係$660 留位費..

你咁樣即係 keep 幾間 offer 比哂留位再慢慢諗，難為 waiting 嗰啲家長

isolg_ying

而家好多係。。唔理咁多，報左先諗。in左先諗。有offer先諗。留左位先諗。註左冊買左校服先諗。結果係開學果刻先決定到。當然，錢唔係問題，但hold住左個位就害其他人冇書讀，又令學校衍生行政問題。所以都係有offer前諗定好啲！

其實in完後除左學校有資料點揀學生，家長亦應該從in嘅過程多留意學校環境同老師，仲有自己仔女對該學校嘅態度，或多或少其實自己心裏有數，人地嘅評價點都唔及自己觀察所得，排名係你自己嘅先作準

^GGmami^

原帖由 kittyland06 於 13-11-12 發表
首先冇人知你 background, 亦冇人知你小朋友性格，又唔知你著重乜，就咁問 xx vs xx 其實冇人答到你。我會 ...

同意，如果自己都唔清楚自己邊間幼稚園適合自己個小朋友，咁都真係

   所以應該問得具體d，唔係求其問邊間好！