- 在線時間
- 3 小時
- 最後登錄
- 13-12-17
- 國民生產力
- 15
- 附加生產力
- 88
- 貢獻生產力
- 0
- 註冊時間
- 13-11-5
- 閱讀權限
- 10
- 帖子
- 64
- 主題
- 8
- 精華
- 0
- 積分
- 167
- UID
- 661555
 
|
可分享一下嗎?
我暫時in 左三間, 兩間有 offer. 第三間未有公報, 但機會很微, 微到近乎零.
我個仔好 cool, 除左家人, 佢係唔會同其他人講早晨. 所以第一間面試見10:00, 一樣都係唔同任何人講早晨.
第一間有 offer
初初去到喪玩學校設施, 玩到連件衫都飛左出黎, 諗住好難叫佢企定定排隊入去等面試, 點知果日佢又幾合作, 企定定望住人玩, 完全無扭, 係房門口分組入, 咁我地係最後一個入去面試, 但係第一個出返黎.
做到：
我個仔好快做哂啲指令, 砌 lego, 分顏色比老師, 認圖片眼耳口, 貓魚雀仔 都無問題.
最後有推返好張椅子先離開.
做唔到：
老師問佢叫咩名?佢就舉手講: "咩名"
叫佢指鼻, 佢就指左去咀,
認唔到狗狗, 平時佢見到都係玩具貴婦類的小型狗, 老師比左張金毛尋回犬佢就立即唔知係乜.
老師比張笑笑口貼紙佢, 無講多謝, 但有講 "笑笑口貼紙, 好靚"
話咁快就出返黎, 睇錶, 5分鐘.
第二間有 offer (一次好好笑的經歷)
尼間係兩個小朋友一齊 in
今次依然是老師問 "你叫咩名呀?" 佢就答: "咩名" <--- 今次真係無奈, 但好笑, 因為覺得小朋友迫佢都無用, 佢都係會依自己意願作答.
老師問小朋友A: "邊個係紅色呀?"
小朋友 A 正係度睇緊時, 都未答...
我阿仔就搶住答, 離遠指住: "尼個尼個"
咁小朋友A 先指過去
咁老師再問小朋友A: "邊個係黃色呀?"
我阿仔又搶住答, 離遠指住: "尼個尼個" <-- 係尼一刻我笑左出聲
老師見阿仔反應咁好, 就問佢: "邊個係黃色呀?"
阿仔立即指住黃色, 但好慢咁講 "尼... 個..."
老師就指住綠色問阿仔: "咁尼個係咩色呀?"
佢用萬聖節聲線答老師: "綠~~~ 色~~~" <---當時我真係滴哂汗
之後老師推個波比阿仔, 老師再叫阿仔推個波比小朋友A, 但我阿仔太大力, 成個波飛左去小朋友塊面度. 我果一刻真係超唔意思
跟住就係砌 lego, 拎個小BB公仔出黎, 叫阿仔同佢輕輕力扼手, 問佢邊個係眼同鼻... 唉! 我個仔又係指左落咀囉.
老師拎左兩張大貼紙(一張入面有十幾二十個小貼紙那種) 出黎, 先給小朋友A 揀, 但我個仔就見到其中一張入面有米奇就大叫 "米奇呀", 仲一手搶左人, 老師叫我阿仔唔好咁緊張, 一陣先到你, 但佢都唔理, 尼一刻我忍唔住出手 (其實我知我咁做係會扣分) 拎返張貼紙比小朋友A, 再同我個仔講, 比小朋友揀完先到我地, 真係到佢揀時, 佢又唔揀米奇, 揀左高菲狗, 立即自已貼係心口, 仲要話 "靚靚"
今次我要叫佢講多謝佢先肯講多謝, 見到小朋友 A 推返好張椅子, 佢先記得推.
其實小朋友A應該好醒目, 只係入去面試前扭計要媽咪, 但面試只能一個家長帶入去, 而另一個家長要去聽家長會, 入到去面試耍脾氣
第三日
今次係老公帶阿仔入去, 而且各自同老師傾計同面試, 而我老公又好專心咁答老師問題, 所以阿仔考左啲乜係唔清楚
只係有小小印象係砌四塊的拼圖 (田字果款, 但唔知拼出黎係乜), 另一個係三塊拼圖, 砌出黎係一條恐龍
其他就真係唔知喇
最後係唱歌, 我個仔唱左兩句, 有啲驚, 就望下Daddy, 再望返老師佢又唔記得唱到邊, 老師叫佢繼續唱, 佢就唱左太陽伯伯, 但都係唱左兩句後又驚, 又再望下 Daddy. 跟住老師就叫佢地兩父子走得喇. 阿仔去拎糖, 拎完就走人, 無講多謝, 無講 bye bye.
所以 feel 到衰硬.
|
|
發表於 13-11-7 02:27
