純粹吹水, 不喜勿插, 歡迎討論...

spmok1999

1. 一廂情願 111 會有叩門機會或者有誠意分加? 是否有 backup 才作出這決定? 有否考慮風險的大少? 又有沒有為叩門作預備?

2. 追捧神級學校所帶來的影響或後果? 又是否有心理準備迎接末來的挑戰? 會否考慮到對將來親子的關係有所影響?

小曳人

backup好重要！
但對於10-15分一族，1-1-1無風險，只要小心放乙二乙三就無問題
我揀外區學校1-1，係俾多個機會自己，雖然，成功機會唔高，但好過無！

神級唔駛1-1-1呀！
但地區龍頭嗰d先難搞！

lovebb2

我想問填自行階段時(9月尾)，邊間學校已出offer？(我剩係知音小).  if so(得咁少學校已出offer), 即事話多數人填自行階段時，皆沒有backup?  我有冇錯? thanks

Charlotte_mom

原帖由 spmok1999 於 13-09-29 發表
1. 一廂情願 111 會有叩門機會或者有誠意分加? 是否有 backup 才作出這決定? 有否考慮風險的大少? 又有沒有 ...

完全同意

Jane1983

回復 lovebb2 的帖子

聽friend講聖瑪加利都出左。

dannyyau302

原帖由 spmok1999 於 13-09-29 發表
1. 一廂情願 111 會有叩門機會或者有誠意分加? 是否有 backup 才作出這決定? 有否考慮風險的大少? 又有沒有 ...

真係有幾多知音人會明解這遊戲規則…到頭來得不償失又何苦！所以有私小後備先好博3條煙。

chanti

其實好多家長既111並非神校，只係地區好既學校,睇下隔離有個topic 講kwun tong 區都知.至於111，我覺得首輪既1有二十分一定會博好少少既學校，吾通選間就殺校咩，得十五分都吾會一選選間派位吾放佢入去都派到既學校la。甲1就反正都係當買六合彩，選邊間分辨不大，係lucky 既好d係net 14 都入st joe, marymount, 我朋友個女派入甲一st rose, 完全無唸過，係無運既都有家長放德信，寶血甲一都吾入。至於最後個乙一真係好睇邊區同有無backup，有既話博到盡及只填一間都無問題，沙田91區無backup 填呂明才及培基就係吾知死，相反41無backup 就算甲一放聖家都無問題。其實至緊要就係家長知吾知行情，有無做足功課先玩呢個遊戲。

spmok1999

我阿女今年都派了一間都算有少少名氣o既津校, 不過唔知係抽中甲一或乙一?
未開學已經有暑期作業比小朋友拿回家做, 我覺得題目都不是容易解答的, 有些題目我相信對一個剛升小一的小朋友來說可以說是相當困難的, 不知是否學校方面要測試小朋友的程度? 但我相信若沒有家長從傍協助的情況下單憑小朋友的能力確實是非常困難去完成的, 可能在另一方面也測試家長是否會投放多些時間在小朋友身上? 從開學至今已一個月, 開始由很輕鬆慢慢變得覺得有些困難及繁複, 但對自己的選擇心裡早已有一定的準備, 由開學第一天已安排小女去補習, 回家仍要繼續溫習和做家課, 每一天都只有少許時間可稍作休息, 希望能夠追得上未來小一的進度, 因為幼稚園和小學真係兩個完全唔同o既世界, 轉變確實是很大, 如果沒有心理準備對家長及小朋友可算是很辛苦... 到目前為止小女的成績尚算可以接受, 但我相信課程會越來越深及困難, 這是長期作戰, 家長及小朋友都不能放鬆, 若自問沒法投放太多時間陪太子女讀書的話希望各位家長應詳細考慮如何選校, 唔想大家開心一時痛苦多年...

*純粹吹水, 不喜勿插, 謝謝高抬貴手!

lam_brenda

我都有心理預備，及衡量過親子關係，已決定唔搏地區龍頭。你要加油努力呀！

bckwong

回復 spmok1999 的帖子

iantsang

原帖由 spmok1999 於 13-09-29 發表
本帖最後由 spmok1999 於 13-9-29 12:30 編輯

我阿女今年都派了一間都算有少少名氣o既津校, 不過唔知係 ...

真係唔駛補習住嘛，從小依賴咗補習幫手，重有十幾年噃⋯

啲暑期作業係要家長幫，因為幫小朋友set expectation之外，更重要係幫家長重新了解現今小學課程，唔好做井底之蛙，只係同自己細個比較。因為根本依家成個學習方向已經唔同咗，唔係深淺比較，而係起步點同方法都變咗，唔明嘅家長只會投訴課程深，因為同細個唔同咗，其實問題係想贏在起跑線嗰批冇贏到反而起錯步，終於要用更多力修正又唔認得衰；唔做嘅就真係乜都唔做，全部依賴哂學校完全唔理⋯

呻下唧，係EK識咁耐唔係話你千祈唔好誤會，有感而發想提啲家長唧！

MGPAPA

樓主的學校點只係少少名氣o既津校。這間學校每年暑假都是補習補習再補習。我朋友女兒補了6年，終於可上中學。但好多同學都要out.

spmok1999

因為我阿女讀o既係有學劵o既開心幼稚園, 唔好話同小學比較, 就算同其他有學劵幼稚園比都還要淺...
其實都唔係想咁細個就比佢去補習, 因為我阿女在家的學習態度真的不太好, 事倍都沒有功半, 真的很難教... 以前聽其他家長講呢D錢真係唔慳得, 我依家都唔可以唔相信...

iantsang

其實真係唔想家長以幼稚園深淺、有無學券嚟做理由，因為揾緊幼稚園嘅家長都在看我地嘅分享，會認定呢啲係同小一銜接嘅影響。

事實係你都講出咗問題所在，係在家中嘅學習態度問題，既然補習社佢做到，咁即係同讀邊間幼稚園無關啦！ 問題出於佢自小無係屋企撥出時間、空間培養專心學習嘅習慣（呢啲唔可以入幼稚園數㗎）！，所以適應唔到，而唔係做唔到，只係多數家長無呢種耐性俾佢地慢慢適應，寧願選更有效嘅但治標唔治本嘅補習罷了！

只係剛開始小學，要追番嘅唔係學術程度，係學習嘅習慣，開始分數真係唔好太在意住，趁依家執番好個心態先更重要。

早一、兩年完全唔會估到同你講呢啲勸勉嘅說話，不過依家大家都係一間小學嘅家長，難得有這種緣份先出自關心提醒一下。如果有得罪，先向您說句對不起！

iantsang

我都有小朋友讀緊，無補過習，入小一同升小二兩個暑假都係玩！一樣可以開心番學，又學到野，學業都尚算應付到。

spmok1999

iantsang 發表於 13-9-29 21:24
其實真係唔想家長以幼稚園深淺、有無學券嚟做理由，因為揾緊幼稚園嘅家長都在看我地嘅分享，會認定呢啲係同 ...

多謝!
你話同讀邊間幼稚園冇關係...在我個人就覺得並不是完全冇關係, 只係對小朋友的影響係大定少的...其實我都只係想講只靠幼稚園係唔足夠應付小一的課程, 如果可以當然係自己可以及有能力去教導好自己的小朋友, 但係每一個小朋友都有其獨特o既性格, 唔可以一本通書睇到老, o係某d情況下用某種方法只可能對某些小朋友有效, 我們現在還是在摸索階段, 希望能盡快找出有效的方法...

大家都要加油, 努力!

iantsang

Sorry 其實我諗我離咗題！

一齊努力加油！

dannyyau302

原帖由 spmok1999 於 13-09-29 發表
多謝!
你話同讀邊間幼稚園冇關係...在我個人就覺得並不是完全冇關係, 只係對小朋友的影響係大定少的...其實 ...

大家也同樣地上了寶貴的一課，我小囡已讀小二。回想一年前今日，痛苦盡在眼前，從沒試過打拼功課和默書，測驗及考試等；要捱到農曆新年後才可克服。從活動教學轉型讀傳統學校，普中教學才令我們傷神。不知從可指導或講解作文要訣。再加上聽力有毛病，高音英文完全消失，只單靠學術基礎來彌補後天缺失。補習一環望提升普中弱點和英語詞彙應用；老師教學太快，未必每人都易如反掌吸收課本知識。當測驗後就知道力有不逮境況，從而惡補那個不熟習課文。父母只想子女在考試前，能裝備好自己上戰場打拼一番。結果是好是壞，都讓他感染到，做學生和做成人一樣，都有份內事要去面對和承擔。我們也作出妥協，完成後便大玩一頓或外遊，以便舒緩一下緊密地獄課程。

spmok1999

dannyyau302 發表於 13-9-29 23:04
大家也同樣地上了寶貴的一課，我小囡已讀小二。回想一年前今日，痛苦盡在眼前，從沒試過打拼功課和默書，測 ...

小朋友做得o岩做得好或多或少都應該要獎勵下, 獎勵的形式都只是帶她到公園玩踏下單車之類, 但小朋友都已經覺得很開心, 橡筋拉得太緊很容易斷, 適當的放鬆能夠有支持小朋友的動力, 好讓她能夠明白一分付一分收穫的道理, 獎勵係要靠自己爭取, 但亦唔想太急攻近利, 過份催谷可能會適得其反....
共勉之!

MASAYA

iantsang 發表於 13-9-29 21:24
其實真係唔想家長以幼稚園深淺、有無學券嚟做理由，因為揾緊幼稚園嘅家長都在看我地嘅分享，會認定呢啲係同 ...

十分認同剛開始小學係執正學習既習慣/態度/節奏, 先有良好習慣; 後自然會出成績, 不過身邊太多一出世就衝線速度跑去起跑線, 有幾多人可以唔受身邊既人影響按自己腳步前進? 不過同學家長唔會話你, 如果有權威性既親戚指導你先最難按步就班...