沙田中學 - 呂明才及曾肇添的比較

ohnono

sonsonmama 發表於 13-9-24 14:16
想請教沙田中學家長，關於 : 呂明才及曾肇添中學的情況

例如功課，測驗多嗎?  注重學術多，定運動多? 校規 ...

功課多與少真係好視乎個人，有同學只需要一個小時來完成的功課，有同學卻可以用兩三倍時間來做。而且，我地而家係講緊沙呂和沙曾，那些好學校跟本不在乎測驗多與少，難道我地還要等到測驗考試才讀書嗎？
好奇怪你問校規嚴嗎？你諗住會經常犯校規嗎？我明白好多小朋友在小學時經常忘記做這樣、做那樣。連寫家課冊都寫漏，本家課冊紅筆多過藍筆！原來小朋友升上中學後，只要家長適時地配合和放手，跟本就沒有問題！小朋友成長的同時，家長都要成長，不過係心態上既成長！

ohnono

壓力大與否，或者讀書愉快定辛苦，有時都係建基於家長。

只要家長能輕鬆面對同學的考試成績，同學就可以讀書愉快。若家長一定要同學考第一既，去到band 3都一定有壓力。

不如睇下大家和小朋友所定的目標是否一致，若是一致的，攜手共對前路的障礙，可以輕鬆好多。假若目標是不一致的，分岐越來越多，壓力亦越來越大。若要再闖高峰，不是找一間好谷好谷的學校或者只追求愉快學習的學校就可以。

先調較好家長的心態，再一起定下目標，同學就會發覺間間都係好學校。

ohnono

yhk329 發表於 13-10-18 13:36
但係想知呂中及曾中, 中一學位多少,每年有多少人退學/插班
因聽講兩間都係勁有拔尖無補底的,年年勸退好多追 ...

我反為覺得你提出了一個好好的反思，姑勿論真實係有沒有勸退、留班、插班等都好。試想如果小朋友係一間絕對唔適合的中學裡讀書，我覺得是弊多於利，身心發展都會有障礙，倒不如找一間適合的學校還好過白待六年，而且這種影響還會影響日後工作或做人的思想行為和信心。
選學校之前，做定少少功課，作好心理準備是必需的。一間程度咁高既學校，要脫穎而出絕對不容易，要追趕的亦很困難。叻的同學唔需要拔都可以成尖子，但差的同學卻要用補才追回一部份的成績，時間一耐，相距只會越來越遠，吃力而不討好！

最緊要大家清楚每一間學校的收生情況、成績水平。有信心自己的成績和努力勤奮的，硬闖一次無妨，楊州夢醒就要知難勇退，何苦還待別人來勸退！

ohnono

almondlatte 發表於 13-10-19 12:58
回復 October. 的帖子

我個仔依家係入面讀緊都唔清楚過D網友?

你的小朋友有實力，絕對是開心的事。有時小朋友唔清楚都唔出奇，因為你的小朋友那一班沒需要分班上堂的時候，同學可能真係唔知隔離班原來一到英文堂是要分開兩小班上堂的。學校唔會刻意跟其他同學宣佈有一班同學是要分班上堂，所以其他班的同學都唔知。
還有一個情形係就算小班的班別也未必全是要補底的同學。有時學校會在第一年安排英文成績最好的同學跟成績最差的一同上堂，希望藉著好成績同學的推動力來幫助其他同學，到第二年又將全部打散，所以就算要小班的同學也未必一定是差的同學，目的除了唔想標韱同學之外，有部份同學經過第一年的適應年之後，有的成績大有進步，有的又會變成落後，初中時的班級越高，分差還會越來越大。一間負責任的學校，持續既補底工作還確實需要的。