香港真光幼稚園(堅道)是否百份百升上大坑小學部的問題

edu_father

我女女剛畢業於真光幼稚園(堅道), 所以較清楚真實情況,
其實堅道真光之學生, 肯定唔係百份百升上大坑小學部.
K1班主任大多好好照顧各學生, 冇嘜特別野需要注意.
K2-K3班主任開始留意各學生進度. 只要佢地留意到學生出現三種情況便會向家長多次發出警告.
1. 學生追不上學習程度.
2. 學生操行有問題如太活躍.
3. 學生性格太過文靜, 因校方話唔知學生個腦諗緊嘜.
校方講如學生未能改善上述問題, 將來就唔會獲派小一入學回條(即相等於小一入學證).

但統一派位後之真實情況係, 操行被評有問題者小學部就真係點都唔收, 因真光係好注重操行. 而另外兩個問題之小朋友, 只要學生之家長同學校關係良好, 肯不斷多次求學校比機會, 基本上校方都會肯最終發出小一入學回條. (有啲家長得知校方發出上述警告, 唔肯接受事實, 反而鬧返班主任者例外)

雖然大坑同堅道幼稚園同上小學部, 表面上看似學位唔夠分配, 但事實上獲派小一入學回條之幼稚園學生, 真光係仍然准許佢地參加大抽獎. 所以兩間幼稚園之學生, 如大抽奬時抽到其他更理想學校, 必定會放棄真光小學學位. 而又有一批學生會扣門考其他學校, 如成功扣門者又係會走人, 最主要係真光要交學費囉. 所以只要操行冇問題, 又冇鬧學校的話, 只要你想上小學部就一定比你上. 以我所知我女女果班最終上小學部人數不足三份一人, 相信堅道同大坑幼稚園其他班, 同樣情況都係差唔多, 所以絶對係有足夠學位比學生入讀小學. 而大坑真光幼稚園只收大B, 堅道真光就唔係, 我女果班大半班都係細B, 所以有興趣入真光之細B家長可考慮堅道.

好文章推介
關於真光幼稚園(堅道) 作者Obiepapa
http://www.edu-kingdom.com/forum.php?mod=viewthread&tid=2572422
資料詳盡, 值得一看

manjay

開放日都有問過老師，新制度是需要學生到小學部面試，但不會同公開面試的學生同一日，會由老師帶去，家長不須參與。如不幸面試當日表現不佳，老師亦會跟據平日表現，再由老師交報告到小學部。老師亦強調，只要小朋友能力正常，操行合格，照常都可直升。而公開面試的一定揀最top的學生。

edu_father

最近收到校方消息，真光堅道幼稚園由本年度起新收o既學生，係需要經由小學部校長接見後，先至決定學生係咪可以上小學部，咁即係話堅道學生絶對唔係百份百上到小學部。

edu_father

kikichan0814 發表於 13-10-4 19:14
我小孩是仔仔，是否適合讀真光？會否得超少男仔？

上年我女個班房30人中有8個係男孩子. 如果你仔仔係好活潑果類型就唔太適合堅真O既標準.

Obiepapa

原帖由 kikichan0814 於 13-10-04 發表
我小孩是仔仔，是否適合讀真光？會否得超少男仔？

好少，一班得三五個。

Obiepapa

堅真教小孩品行是一流，同握手。

BeeBee1129

原帖由 豬POOHPOOH 於 13-09-10 發表
請問我住九龍， 黎緊我個女想報大坑真光K1，如果咁好彩收左， 到時派位升小一時，咁派位跟反我住果區去派， ...

真光小學係私校唔關大抽獎事， 如你入到幼稚園而又願意每個月交學費係可以直升真小。

豬POOHPOOH

咁如果報k1佢地會唔會考慮，因為我住九龍誇區

Mandy74

回復 豬POOHPOOH 的帖子

大坑真光係直上真小的

豬POOHPOOH

請問我住九龍， 黎緊我個女想報大坑真光K1，如果咁好彩收左， 到時派位升小一時，咁派位跟反我住果區去派，到時我個女有無機會讀到真光小學？謝謝

chk1128

原帖由 Kaibaby 於 13-09-05 發表
請問堅道真光指定日期交表格，需要排隊嗎? 會唔會要派籌限收幾多表格？

上網download佢表格連所需文件係本月9-13號親身交表。

edu_father

Kaibaby 發表於 13-9-5 22:40
請問堅道真光指定日期交表格，需要排隊嗎? 會唔會要派籌限收幾多表格？

唔好意思, 依個問題我答唔到你. 因我囡囡報讀時係可以郵寄申請, 現在似乎已改變咗遊戲規則. 請問有冇知情人士可回答? 謝謝.

Kaibaby

請問堅道真光指定日期交表格，需要排隊嗎? 會唔會要派籌限收幾多表格？

edu_father

kerobobo 發表於 13-9-5 12:29
請問大坑真光定堅道真光有咩分別？邊間好D？分別幾多成上小學？thx！

邊間好啲好難有客觀嘅比較同定論，因好難會搵到有人啲子女兩間都讀過。我會建議你選擇近你屋企果間會較佳，又或兩間都報考，睇下你仔仔或囡囡同邊間有緣份。
我女讀堅真，果班約有三份一人上真小。其餘三份二人，絕大部份係抽到其他心儀學校，或扣入其他學校，而放棄真小學位。

kerobobo

請問大坑真光定堅道真光有咩分別？邊間好D？分別幾多成上小學？thx！

edu_father

Minnaau 發表於 13-9-3 11:32
需唔需要做PORTFOILIO,申請果陣?

我當時沒有準備.

Minnaau

cherriehahaha 發表於 13-8-30 14:28
回復 spmok1999 的帖子

我都聽過喎, 我朋友個女k1時買3份禮物, 兩份班主任, 一份校長, k2時, 5份禮物, 兩 ...

送乜禮物呀?

Minnaau

edu_father 發表於 13-8-21 09:00
我女女剛畢業於真光幼稚園(堅道), 所以較清楚真實情況,
其實堅道真光之學生, 肯定唔係百份百升上大坑小學 ...

需唔需要做PORTFOILIO,申請果陣?

edu_father

Sumyeema1 發表於 13-9-1 10:23
通常爸爸肯放時間在仔女讀書方面， D仔女多數標青

其實大人自制能力都未必強, 小朋友就更加唔好講, 所以父母如肯花啲時間落去小朋友度, 啲小朋友係會進步得快啲.