我囝囝是否有自閉呢？

三眼怪

朋友提一提我，我又好想問下大家~~
囝今個月2歲：
1。好多時都冇同人眼神接觸，但又唔係絕對冇；
2。喜歡車，會反轉玩碌，但不是經常；去反斗城睇玩具車，會摸個碌，但亦不是每次。
3。歲半前有見佢成日走去玩坐地風扇，但依家好少 、好少咁做
4。講野唔叻，有詞語組合，eg唔該媽媽、open奶咀、eat橙、冇鸚鵡學舌，問佢野佢會講＂唔得／得＂，提出要求講故事。。。
5。去playgroup可以坐定定，自己上堂，有時會人地圍住老師唱歌，佢會行埋一邊，老師話佢會有唔集中，不過可接受
6。睡覺可一次瞓9~10小時，另加午睡1~2小時
其實佢冇大脾氣，有時會扭下，但話得聽，試過幾次出街唔抱就坐響地，拖番佢起身又無野；亦冇偏食，只係唔為食
不過Eye contact 好似好中，係咪冇眼神接觸就一定係A呢？同埋朋友會覚得佢少講野~~有D擔心，希望大家可以給我一D意見，thx

三眼怪

想講多少少，佢知自己叫咩名，中、英都知，亦聽過佢講（不是每次），不過有時聽指令要講幾次，唔知佢唔明定選擇性扮聽唔到

zhfl729

像你描述的应该不是 不过大家都不是医生 真想放心就找专业人士睇下

samsammami

Hi 三眼怪, 我估你主要是因為囝囝很少同人眼神接觸所以很擔心有自閉傾向.

我2歲半個月大囝囝都是差不多情況, 他回答別人時..很多時吾望人及眼神很飄.

我已經常提醒他要望人, 情況比半年前是有進步…但跟其他小朋友比較是明顯眼神接觸不理想.

另外, 當我囝囝自己玩耍時..我們叫他名字..他很多時都望我們一眼及不回應的 (他經常靜靜自己玩puzzle / lego 約 30mins或以上)

Playgroup老師也說..他的專注情況有點像只在自己世界裹. 但有些朋友又說只是他專心在玩而不想回應我們.

而其他方面(學習, 語言, 情緒..是正常), 但他未懂跟小朋友玩.
所以我也是同你一樣不確實及擔心.

三眼怪

原帖由 samsammami 於 13-07-31 發表
Hi 三眼怪, 我估你主要是因為囝囝很少同人眼神接觸所以很擔心有自閉傾向.我2歲半個月大囝囝都是差不多情況, ...

咁你有冇去check下？結果係點呢？

三眼怪

我早2日去左睇開個兒科，佢話唔似係，因為佢都有開口講野，不過眼神呢點好值得注意，叫我再覌察3個月搵佢，但我會再入紙排協康做評估，以免自己估估下

samsammami

朋友介紹了一位言語治療師, 現一星期上1hr. 因她也有接觸A 仔經驗, 而她都說呀仔吾似.

但她也不夠譫說呀仔一定不是自傾呢, 因為只有2.5years old
我想如不是嚴重自閉, 都很難在這皆段確診.

一般都建議先做training 以免浪費時間
(正所謂做多無壞)

我都會再觀察多幾個月..這期間也會在家居訓練他的眼神接觸 (e.g. 跟他玩眼對眼望數1-10)

如你見了協康之後, 能否告知我進一步資料. 謝~

三眼怪

咁你小朋友言語治療做D咩？或者可以講下佢的說話能力係點？因為我呢排放假同佢日講夜講，的確多左講野，所以都諗下要再帶佢訓練嗎？

alexcmlam

可以不妨參考吓協康會有關自閉症嘅書, 睇一睇有冇所提過嘅徵狀, 讓自己先做一些初步訓練.


http://www.heephong.org/webprod/ ... d_training_packages

sonmummy

照咁睇未必係自閉症，可能只係社交弱,同學習遲緩…言語比同齡弱