本帖最後由 elhihihi 於 13-6-25 22:00 編輯
又俾一個實例 小朋友就讀著名英文小學,考呈分試時係唔容易拿高分(A) ,曾經試過半級學生英文唔合格,差不多半級學生數學唔合格,但係份英文卷其實深到可以作中五會考卷用。 那小朋友拿到B/C或入了Band 2/3組別唔代表他於公開成績會差,但礙於遊戲規則,入唔到心儀學校,而成績表重要唔見得人,去叩門時申請表都唔收。 終於小朋友入了一間非著名的英中直資,大獲!留班!點解話留班?因為在S1時全部教返P4至P6的知識,完全唔讀書都有超班成績……. 其後,小朋友於S2考入另一間B1英中直資學校,過返同程度的學習,但因為在普通直資中學,蹉跎了一年,追得頗為辛苦但可以應付。亦証明該小朋友就算在小學入唔到B1組別,事實他的根底唔弱,唔係一般的B2/B3材料。 代表乜? Band 1 學校 Band 2/3 學生並非差,只不過在同一班同學比賽時有所落後,家長應該想想方法,讓小朋友入到一間適合程度的學校。
**不要迷信入名牌小學,上述例子可見如果做唔到人上人,科科A,就算點叻,在遊戲規則下,會有失敗的感覺** 反之部份學校會把學生成績全面提升,唔係A就B,績級大貶值。
**關於計 grade A / B /C,無統一標準,有學校90分以上才有A,有學校85分都有A,有學校50分合格 = C,但亦有學校60分先合格。份卷深、淺存有很大的差異。
所以單睇成績表係代表唔到小朋友的真正能力。正如清華大學、劍橋大學成績最低的一個都比較一般大學大部份學生優秀一樣,主要是家長怎樣處理及同小朋友一同面對這樣的結果。
|