英華小學2014-2015小一再次接受報名

donutbaby

咁做對一早趕起portfolio交嘅家庭極不公平及尊重。如果過哂deadline先打電話去求交表，咁即係冇留意學校消息，講真對報呢間學校有幾大誠意？ 而家學位爭硼頭，學校就採取“我鐘意點就點”嘅姿態去收生，好無奈！

hyto

回復 anlywan 的帖子

是可以於面試日補交的。

sadsam

2ndsister 發表於 13-5-15 08:27
咁不如唔好set deadline, 想幾時申請就幾時申請...

係囉...............年年都有人MISS架啦~

anlywan

原帖由 hyto 於 13-05-15 發表
回復 anlywan 的帖子

是可以於面試日補交的。

但請問個日是仔入去見架！是否俾仔帶入去？定我個日到校交俾校務處？

taktakchichi

一早諗住睇一個仔邊日 Interview, 見到呢個 News, 真係唔俾個咩反應好?!

老實講, 最大感覺係: 無奈, 即係又多一班人同個仔爭.... 唉!

覺得學校體諒個班之前無留意有得報名而報唔到名個家長? Sorry, 我無咁
諗過.

大家個仔都5歳(或就嚟)啦, 2年前報幼稚園又唔係未試過, 真係咁有心報,唔好同我講話會留意唔到個報名時間囉!

發洩完!

maxtimma

回復 rc1407 的帖子

請公平少少....英華小學今年由第一次公佈至收表(2013-03-01至2013-04-13)有成個月時間，今次再俾未報名o既家長報名，由公佈至報名(2013-05-14至2013-05-25)都係得十一日...cert多一兩張意義唔大…因為校長係睇小朋友面試表現、家教及家長身教

可能報o左名既家長覺得多o左人爭…(俾我都會唔開心)…但係正面咁睇如果你o既小朋友水準係入到學校o既水平，你都想同佢一齊入o既都係精英(身邊越了多聰明既小朋友自己既小朋友都會更聰明)，多d人報，從中搵到更優秀o既小朋友就會更多…對學校百利而無一害，對他日入讀o既小朋友及家長都好

再者…我諗都無乜邊間學校會因為有家長報唔到名，而重開報名…同埋今年係早o左報名，如果諗住好似往年5月先有小一消息o既家長，錯過報名好平常，難得學校重開..大家應該覺得間學校好有人情味...請多d欣賞少d指責，香港已經好多負能量

小朋友對家長o既言行學習已經開始….所謂小一準備…其實由出生、家中培育、日常溝通、態度等等…已經開始，請大家中庸、持重及正面睇每樣事物，深值正向思維俾自己o既小朋友，他日面試、長大出社會做人做事都必有裨益

hyto

回復 anlywan 的帖子

沒記錯,應該係有老師/STAFF收的，到時你會見到的。

donutbaby

我覺得多咗人爭唔開心係另一件事，跟本擺明學校今次安排非常失當，點解仲要講什麼有實力唔怕再多d人加入競爭呢？公平點吧！

lyhv

老實講，我都對學校今次決定好失望!  多人報預左，但政策點可以話改就改?  佢究竟截止後收到有幾多查詢/要求?  多到要再招生?  太兒戲了!

mummyWai

Relex !!, I think most of parents have submitted the forms, only a few might miss the deadline. I don't think there're large number of submission in this log. YW is the  religious school. The spirit should include tolerance.

calbee6

如果真係如家長講再接受報名為了吸納更多叻仔，我會覺得英華咁做實在太貪心，不知足。已經有3千幾人報名，扣除首選去SPCC & DBS都仲有3千人俾校長選啦！始終deadline 就係deadline, 如果又有d家長又miss左5月deadline交form, 咁學校又改deadline? 改黎改去只會引起世界大亂

taktakchichi

donutbaby 發表於 13-5-15 10:33
我覺得多咗人爭唔開心係另一件事，跟本擺明學校今次安排非常失當，點解仲要講什麼有實力唔怕再多d人加入競 ...

上次簡介會網上登記安排已經出事, 今次又咁, 真係有D失望...........

都唔知遲D如果有入唔到2nd round/3rd round o既家長嘈下, 會唔會又整個"復活賽"

yeungyeung88

對MISS咗報名既家長, 實在系一大喜訊! 但對積極關注英華消息而又報咗名既家長實在有欠公平.  所以兩面都一定有支持.
如果講到話要教導小朋友, 我覺得教導小朋友保持原則為重要, 應該時刻關心身邊重要的事情, 把握及留意每個機會, 要清楚機會不會等人.  現在唯有告知我地系改變不到政策, 要知道現實世界往往系會有累似不公平的事件出現. 既然改變不了, 唯有平常心吧!

maxtimma

donutbaby 發表於 13-5-15 09:31
咁做對一早趕起portfolio交嘅家庭極不公平及尊重。如果過哂deadline先打電話去求交表，咁即係冇留意學校消 ...

我同意…英華係處理呢件事上係粗疏，但係校方既然明知加推報名日期會有好壞差半o既評價都推，就一定權衡過輕重先做，一間有人情味o既學校得益既係所有報讀o既學生及家長(包括未來小一家長)，平心而論如果係我都會唔開心，但係要快快處理，只有正面積極才能好好成為自己小朋友o既榜樣

anlywan

原帖由 hyto 於 13-05-15 發表
回復 anlywan 的帖子

沒記錯,應該係有老師/STAFF收的，到時你會見到的。

好謝謝

donutbaby

原帖由 maxtimma 於 13-05-15 發表
我同意…英華係處理呢件事上係粗疏，但係校方既然明知加推報名日期會有好壞差半o既評價都推，就一定權衡過 ...

我同意！相信你一定係個好榜樣。

kaboBB

截止申請之後再收表,真是聞所未聞!
我唔知事實上有幾多人打去學校要求,但事實上學校就此斷送了學校的行政!
雖然學校本身出於好意,讓錯過了的申請者有多一個機會,但那三千幾個準時交的申請者又如何?申請了的人一定比錯過的人多,如果你是一個男孩的家長,除非地區太遠或不喜歡男校,否則你一定不會錯過上一次的報名。機會是留給有準備的人,連報名也錯過了,是否顯示出英華不是他們最心儀?學校是否應把第二次報名的人分開處理,以對一早交表的申請者有一個公平的機會?

agnesmomo

我對學校今次決定極之失望，完全冇原則，隨風擺柳，完全不知所為，鐘意點就點，佢哋點教小朋友呀，不能以身作則，佢吔點解釋比學生聼呀，話因為有開放日，報名提早咗，有人報唔到名，所以要加開日子報名，根本就係找籍口，如果可以咁講，佢哋啲學生做錯咗事，一樣可以找籍囗比佢哋過骨，間間學校每年報名時間都唔同，由N1開始已經係咁，唔通間間都話報名日子唔同上年，有人報唔到名，所以要加開日子報名，咁咪大亂，真係好以依家啲人嘈下就乜都有，真係想像唔到英華都變成咁，佢吔就唔好成日話自己用乜乜方法，乜乜態度來教學生，根本佢哋連專重都唔識，冇專重過已在4月9至13日報咗名或已做profile 啲3千幾個家長，佢吔一樣要返工，要請假去交form，要用工餘時間做profile，點解要3千幾個做到啲家長去遷就一啲冇心，冇準備啲家長，乜唔係機會係比啲有準備啲人咩，如果香港人人係咁，香港會變成點，學校真係做錯，如果林校長真係咁有heart，就唔應該咁做，咁做係會令學校聲譽受損

yktso

我也覺得很不公平, 為了個profile日趕夜趕. 但到最後居然miss左交表的可以有更多時間去預備份profile,做得更好.應該遲交表的要扣十分, 因有關係的會加分, 為何遲交的不扣分. 這樣才稍為公平一些. 如報了名的全打電話去學校投訴, 那學校又會否取消第二次報名呢? 應以多數服從小數, 何況這是原則問題.