你們子女的小學可以放書在學校不帶回家嗎?

Marcus06419

由於書包非常重，阿囡放一些不用的書在學校，被老師警告，話一定要帶哂所有書回家溫習。好激氣，她60磅重，要背起15磅重的書包.......

ysnmama

我們學校不可以.

Marcus06419

即是學校只注重學業，對於學生的身心健康都冷理

huba

有沒有問/理解學校不能留低書的原因?

Marcus06419

話expect帶哂所有回家溫習，如再被發現，成績表的操行分會很低。有學生問有一兩天很多堂數，要帶7科的書，很重，怎辦?老師答，重都要帶。咩學校黎架?

snugglechums

原帖由 Marcus06419 於 13-03-15 發表
由於書包非常重，阿囡放一些不用的書在學校，被老師警告，話一定要帶哂所有書回家溫習。好激氣，她60磅重， ...

可以，考試前才提醒學生带袋回校清櫃桶，等佢哋帯整野返家温習。

gisoleung

如比放書學校，一唔見書d家長又閙啦！邊個賠呀~其實我自己也不放心留書在學校！除非有儲物櫃~

dorway

其實我個女學校比留書在學校，但問題是試過幾次亞女唔記得帶書返屋企，做唔到功課，結果要第二日一早趕返學校做！自此之後，亞女自己唔夠膽留書係學校！
點都好，學校都應該容許學生留書在校，初小唔比都ok, 反正太細未有能力判斷要留什麼，但是中小以上，學生要自己負責要帶什麼要留什麼。

旦仔

同學校講，自己買咗兩套相同嘅書，一套留校用後用，一套在家用。咁就解決咗問題

旦仔

Btw, 我自己真係買咗兩套書，一套新書一套舊書。

sumyee

我囡學校盡量放書係學校，所以書包約3磅重，星期五會再重D。

laiyuen

我仔學校可以留書在學校，因為佢地每人有一個locker，老師都話有d書太重就留在學校，不用每天帶來帶去

Marcus06419

我囡學校都有locker，即書包櫃，其實只是放在這處，又不是櫃桶，不會影響放學後要用課室的活動。她小四了，學校由始至終都不準學生放書在學校，小一至小三膽小，書也少啲，所以沒有放。但現小四太多書簿了，偷雞放。初頭時常忘記帶回家做功課，但漸漸學懂有判斷力及責任，已很少漏書。但老師現在要清場，向學校投訴？好怕做這些事，老師不能得罪...

jollyma

好多學校都唔得，試下抽起部分用袋抽住囉

Marcus06419

終和班主任及副校長傾過，她們話是學校政策。不過，如我所料，老師不能得罪，班主任每天check我囡囡書包，還叫了全校第一的作證，用她書包的重量和我囡囡作比較....我心裏很痛.....其實囡囡之前body check脊骨有點問題，我才這麼緊張，老師反而覺得我們多此一舉

dlh525

小四開始可以, 所以我會叫囡囡中英數常要每天帶回.  其他music, IT可以放在學校.  

lakesilver

原帖由 Marcus06419 於 13-03-19 發表
本帖最後由 Marcus06419 於 13-3-19 15:50 編輯

終和班主任及副校長傾過，她們話是學校政策。不過，如我 ...

我小朋友间學校，若孩子身體有不適可告知學校，學校會定排校工和小朋友坐𨋢上班房。

Marcus06419

學校十足是梁振英政府，老師當著全班同學面前check我囡囡書包，其他同學不知什麼事，以為我囡囡偷東西。對學校有意見的，反被排斥，不被尊重.......

w-w

老師喺全班同學面前check佢書包真係唔係太好哦. 如果再咁做, 你要同老師傾傾, 會影響你囡囡的.
我阿仔間學校都唔可以留書喺學校. 書包好重. 依家啲小朋友都幾可憐.

Marcus06419

回復 w-w 的帖子

我怕講完後又一次公報私仇，是否有什麼事都要唖忍?否則我囡囡在校無運行，操行分又低啲，升不到自己中學，這事屈在心裏，好難過，囡囡也很氣憤