感恩

kittypmlau

今日係仔仔最後一間幼稚園放榜，雖然收reject letter，但仍然非常感恩，仔仔是8月BB，唔大偏細，我係返工媽媽，無去聽乜姨姨講座，無帶仔仔去上面試班，仔仔亦無特異功能，我都係靠工餘時間教佢基本常識，同理上BK搜集資料，幸運地考8間中4間， 其中1間重係非常心儀！希望仔仔未來3年有愉快的幼稚園生活。

beyondcontrol

原帖由 kittypmlau 於 13-02-06 發表
今日係仔仔最後一間幼稚園放榜，雖然收reject letter，但仍然非常感恩，仔仔是8月BB，唔大偏細，我 ...

恭喜唒，你就好la, 我囡囡都係八月b, 但得2個offers， 都不是最心儀的！

kellywu

我囡囡都係8月BB，我係全職媽媽，都係冇上過面試班，冇聽過么姨的講座，冇讀N班，報佐十幾間，有5個offer，雖然唔係最心儀，不過都好感恩了，從來唔覺得阿囡差過人，好為佢感到驕傲。終於完結啦，輕松晒

kittypmlau

你囡囡無讀N班有五個offer，好叻叻

kittypmlau

原帖由 beyondcontrol 於 13-02-07 發表
恭喜唒，你就好la, 我囡囡都係八月b, 但得2個offers， 都不是最心儀的！

遲的可能有你心儀幼稚園call waiting, 8月BB要同的大B爭位，唔容易架

Lingfung813

我都好感恩、感謝神！亞仔8月B,有N班。因上年in 好多PN都reject,今年考11間有7間收，有1間等消息！
我已經call 學校放位比有需要的小朋友，希望大家有好消息啦！

sylviawang

我囡也是8月b，報7間，有3個offer，3個waiting, 最後培正rejected了。無讀n班亦無面試班;阿囡說話比較早，我們堅持只同佢講廣東話，希望佢先講好母語；性格比較外向超活躍對友善陌生人都笑一餐，3間有offer的面試老師都好nice有心機同佢玩，所以佢表現也較好；3間都是心儀的，有offer的幾間學校面試時都有問家長問題，考小朋友的問題也是合理的程度。我覺得最重要小朋友表現開心，老師也會喜歡。

joycelynmama

我囡都是8月中b，有返N班，很感激N班老師的教導，在這幾個月學到了很多，特別是在生活上的事情，最終囡囡考到一間最心儀的。要離開現在N班的學校實在覺得很可惜，但作為香港家長，我們真是很無奈，一人之力根本敵不過這個制度。加油呀，各位家長們！

kittypmlau

我有一点想補充，在今年整個考K1過程中，仔仔無流過一滴眼淚，包括要獨立見的培正！證明佢大過仔啦

Doris_Ray

我哋都in 晒啦，10月尾細囡，報咗10幾間，見咗10間左右，有4間offer，雖然唔係大熱或龍校，但都有同屋苑 LH 英普班offer，好感恩啦。
其實呢個遊戲真crazy，上星期六in SPK 時，囡囡剛剛病好，遇上比較嚴肅的老師，佢同爸爸話 "我唔想INTERVIEW 呀，我要返屋企 "，爸爸轉述比我聽，搞到眼濕濕，早知就唔去，搞到佢咁唔開心。。。依家要同佢開開心心過新年，玩餐飽

chichiho

我同意St Paul 老師可能較嚴肅令我囡驚，我囡返N班冇咩哭，去in培正亦冇哭，但去St Paul 居然第一個哭住出來

kittypmlau

我成日覺得小朋友會自已選擇適合的學校，原來SPK的老師甘嚴肅？培正的老師年紀較大，我老公無話佢地嚴肅

Doris_Ray

回復 chichiho 的帖子

尋晚同同事傾開，佢兩個女係SPK 由細讀到 F7，佢話學校係嚴格、但教得佢女女好乖，好純，亦讀到書，順利考入大學，所以係一間好好的學校，但都認為不一定是每個小朋友都適合，他最深印象是女兒小的時候，曾經在學校邊喊邊跪的認錯，我聽到覺得好驚。。。不過相信現在應該已無之前咁嚴

BeeBee1129

回復 Doris_Ray 的帖子

邊跪邊認錯, 聽到都好驚, 真係會有童年陰影, 我都有帶女女去考st. paul,知道機會唔大亦冇期望, 都係平常心.

Doris_Ray

回復 BeeBee1129 的帖子

那是很久以前的事，不用太介懷，我同事想表達 SPK 是一間好學校、可教得小朋友好乖，但也有很嚴厲的一面

chichiho

要跪低認錯我唔認為係好方法