"近"係咪大家揀學校的優先考慮?????

野人好索子

好似我咁,自行的時候選左一間要搭短程車再行少少路至去到的學校,不過都屬於網內的,但好多時同其他家長分享的時候佢地會問點解要揀咁遠??又話如果天雨/風球/小朋友唔舒服再接走就好麻煩,當然佢地係有佢地的道理我絕對明白(有D係依靠老人家湊/有D又湊住個細的),不過都有少少動搖我的想法,因為當時覺得心儀的學校好啱阿囡,再加上自己湊,個人黎講又唔介意搭多程車再行少少路返去喎,當傾下計都唔錯呀,而且到升中的時候總無可能跟埋去掛,她FING甩你都FING唔切啦,唔知大家點睇呢??????

dlee_ca

yes

Jane1983

你講的路程絕對係接受範圍之內。

marcuscyrus

我唔一定要好近，但順路同短車程是我的考慮，現在大兒子小一，上校車至到校約20分鐘(因每天拍咭所以我知道時間)，小兒子k2也是類似的車程，但如車程需超過30分鐘我又覺得有點太長了

野人好索子

補充:搭車15分鐘左右再加上行5分鐘路程,一係搭另一架車就直頭落車對面就係啦,兩個方法我都OK喎!!!!!!(哈哈,好似講到已經入到去讀咁樣^^)

qwe2132007

原帖由 野人好索子 於 12-12-11 發表
好似我咁,自行的時候選左一間要搭短程車再行少少路至去到的學校,不過都屬於網內的,但好多時同其他家長分享 ...

我同意妳的講法。
我女出年小一我都諗住唔搭校車自己送，之後先返工。原因都係想有多啲親子時間。
妳唔駛咁擔心住，真係翻風落雨，有病接送，搭的士都可考慮。

chanwendy

唔係, 但唔係太遠.  eg 我住九龍, 我一定唔去屯門元朗同港島, 就算沙田對我來說都唔近, 但可以接受.

lokyinma

小學我覺得要就近返學, 因太細個了, 返風落雨真係幾辛苦, 再加上住得遠好多課外活動都冇得參加. 就算參加左都會好遲先返到屋企, 返到去又要做功課, 溫習, 食飯, 沖涼等等, 搞到好夜先有得瞓...
反而我覺得到左中學就可以返遠d, 畢竟6年後都大個仔/女好多啦...

小曳人

我揀學校係：有校車到！
而我地亦响近年由郊區邊沿，搬到極近市區(如果有校車到附近，就必到嘅屋苑)

其實車程同距離未必成正比，我地新居同舊居之間，大約$100 的士，但現時返學上車時間，相差5分鐘！
不過落車就好好多...

bbforever

我住旺角，所以九龍灣，將軍澳，港島的學校都唔會考慮

Nightman

The objective is not always the same, but 30 minutes will be acceptable. I hope I am right with it.

sammilcm

近就當然好啦!  但15分鐘我個人覺得絕對可以ACCEPT, 而且你自接, 唔駛坐校車, 我就更加覺得冇問題囉.

sammilcm

回復 siutingto 的帖子

AGREE, D校車時間真係可以好誇張嫁.

MrBeast

Commute 短些多些時間作息和做其他野，30mins對我來說都acceptable, 比佢地發下白日夢。

喵媽

我唔會揀太遠, 30min車程可以接受!

chunyatmama

Within 30 mins travel time is acceptable to me.  Thus, I live at mid Kowloon, I won't go for NT or HK Island.

skmibb

新界出九龍，校車要兜成個鐘。

Yanamami

野人好索子 發表於 12-12-11 22:36
補充:搭車15分鐘左右再加上行5分鐘路程,一係搭另一架車就直頭落車對面就係啦,兩個方法我都OK喎!!!!!!(哈哈, ...

OK呀. 唔遠oＹ. 大把人由新界出九龍/ 由九龍過HK讀.

mandy304

我很幸運, 心儀學校就係屋企樓下.  "近"絶對係很大的因素. 樓主二十分鐘內到校, 我覺得可以接受喎..