原來面試係靠運氣㗎！

Jayann

我又唔覺單靠運氣wor...我好多朋友有offer都唔係純粹靠運，佢地D小朋友平日都好乖好叻，當然佢父母由出世開始都花左唔少時間心機去灌輸知識同禮貌。

1) 好簡單，小朋友A入房主動同所有老師打招呼，同小朋友B入到房，直到坐低，老師同佢打招呼，佢先講句good morning，大家都講早晨，但已經有分別。

2) 老師問顏色，小朋友A答完黃色，仲識主動講埋yellow，有時比較心情好補多句：香蕉都係黃色！小朋友B答黃色，靜黙... 無錯，兩個都答啱問題，但作為老師，邊位小朋友impressed，大家心中有數。

3）派貼紙講Thank you.. 小朋友A好開心，拎完主動望實老師講thank you。拖住媽咪先行。小朋友B拎完無表情，機械式只望貼紙唔望人講左句thank you...大家都有講thank you wor~~ 但分別就大。

我一位幼稚園朋友，佢之前講過好幾樣比我聽，我只係講出三樣好基本嘅例子比父母反思，無錯運氣當然重要，但人地小朋友有offer，唔係單單靠運氣，老實講，學校有得揀，當然想收個醒目，個小朋友行出去達佢朵架wor...

但小朋友A點解interview 咁主動打招呼？點解將黃色link到去香蕉？講嘢望住人對眼？天生嘅？
我明白好多父母都因為工作忙，未必有時間下下慢慢教，靠play group係train唔出多少禮貌，因為playgroup當你係客仔，唔會幫你教仔，所以真係要靠父母自己。我身邊好多在職父母朋友一樣教到個B非常醒目，因為你肯放工就陪玩，放假做呀四，旅行都唔會丟低呀B比老人家兩個去relax差電，付出幾多自己諗下。

Jayann

回復 wtvictortong 的帖子

如果我講呢番說話令妳難受，我真心道歉...我明白無offer父母嘅傍惶，凈係睇大家講嘅post都感受到...如果唔係點會有咁多家長即刻申報放返D offer出黎，目的唔係要認叻自己有幾多offer可以放，係想無offer嘅家長得到一點安慰，好過D...講真，佢地要hold要放唔駛同大家交代格，咁佢真係考到嘛....

我深信每個小朋友都聰明，真係靠父母（唔係老人家，playgroup個Ms.乜乜，或者N班個老師去教），托賴，我小朋友真係做到以上嘅例子，因為我平日真係花好多心機去教，唔係為interview，係為小朋友整體發展去教佢，望住人講嘢呢樣我教左年幾，因為佢地好容易比外界distract左，但望住人講嘢係基本禮貌，同自信嘅表現，所以我好著重。