個女中文差, 點解決

BB200200

想問下有物野方法可以惡補佢既中文? 因為每次測驗同考試都係唔係甘理想, 佢就話今次考試因為有7頁紙, 所以做唔晒,甘就.........唔合格, 而家我諗緊係唔係我個女有問題, 因為佢其他科都O.K. 爭係呢科唔得, 佢已經有去補習都唔得, 有無人可以幫下我, 因為佢明年要升小五。   

Thanks

Sheila

BB200200,

個人認為看課外書有好大的幫助, 囝囝好鐘意睇課外書, 鍾意到考試時候我唔俾佢睇, 佢就扮肚痛入廁所睇, 因此佢嘅中文唔錯,識好多深字, 好似去年常識題問新任衛福局新局長係邊個, 好多同學都唔識寫個"嶽"字, 由於我個仔睇過武俠小說的"三山五嶽",佢就識寫la!

我在仔仔的床尾安排了一個櫃,係佢嘅小小圖書閣,去親街都去書局逛,佢想買嘅書任佢買,久而久之佢都好鍾意睇書,希望幫到你la

sheila

WYmom

Read and write more comprehensions, my girl also has the same problem, but she improves a bit after reading and writing more. This of course takes some time...

BB200200

Sheila,

你比個意見我都曾經做過, 佢班主任都有教過, 但係佢好唔原意去睇, 鬼死甘懶, 我諗要強迫佢  :evil:

DoReMi媽媽

係呀! 個個性格唔同. 我囡鈡意睇文字o既書, 好細已經要我買書佢睇, 囝鈡意睇漫畫書, 所以啲文字寫出嚟都好口語化, 而家我唔比佢睇漫畫書, 佢就睇三國演義, 因為暑假時玩過<三國無雙>(PS2游戲game), 對啲人物好熟, 咁我諗三國演義點都好過漫畫書啩! 咪由佢睇.

Sheila

我個仔都有玩三國無雙, 加上之後睇埋三國演義, 而家佢對三國時代的歷史不知幾熟, 另外, 佢玩過PS1的射雕英雄傳之後都睇金庸, 所以用佢地鐘意果方面的野去吸引佢地睇書都係一個方法

BB200200你不妨諗諗佢鐘意睇咩戲,打咩機,再買果類書俾佢睇下law! 另外,我建議你買D書放在廁所,等佢大大冇野做的時候, 佢可能會睇, 唔好迫呀, 等佢慢慢黎,一次睇一頁,兩頁都好,希望佢慢慢培養到興趣

DoReMi媽媽

Sheila

<射雕英雄傳>好唔好玩o架? PS2有冇呢? 撩起佢啲興趣等佢睇吓金庸啲書都好噃. <哈里波特>嗰系列啲書又冇興趣, 擺喺度掂都唔掂吓.

BB200200

唔該晒各位媽咪, 佢每次去廁所都羅老夫人去睇, 而家佢都好咪漫畫書, 個兩樣我都有比佢睇, 但係佢爭係睇公仔唔睇字, 所以我諗左今日開始同佢一齊睇公仔書, 等佢讀比我聽。 :-x

Sheila

我冇玩過呀，淨係見阿郭靖周圍搵路行，攞秘笈，遇到敵人又打下架果D game law!　PS2好似冇wo！你個小朋友有冇睇＜神雕俠侶＞卡通片呀，都可以引發佢嘅興趣架，因為我同囝囝講，小說版故事更精采，更好睇

DoReMi媽媽

Thanks Sheila!   

hotdogpapa

BB200200 ：

bk們講得o岩：
一)多睇(閱讀可以多認識生字~減少錯別字、從組句子就容易得多、認識下人地修辭手法…)
二)多寫作~而家學校對於作文並不熱衷(可能係老師怕改卷就真…聽過有老師話，有d作文根本改無可改…求其一個剔 或者“閱過”又不負責任云云…)，其實作文o係練習中文之最佳方法…如果學左唔用，進步不會太大…“熱狗”年幼時家境不太好，所以小學時期經常參加甚麼《小童群益會》作文比賽，希望拿點文具幫補一下零用錢…一篇唔掂二篇又如何…最後文具多到可以向同學“拍賣”…一笑…)至於題目，可由小朋友自行選擇，例如：假如我是xx、xx來我家作客…
三) 仲有要了解部首(唔會咁易錯別字...)、認識同義詞、相反詞、重組句子、標點符號、成語、修辭、量詞、副詞、形容詞、關聯詞、閱讀理解、聆聽...唔記得咁多...真係唔野少...邊個話中文容易？

goat

我不太清楚小四/五的考試內容。但我想大多數學生對中文的問題都是很多字不會寫､執筆忘字。我在小學時要寫書法(大小楷),臨摹的都是字貼。當然, 這些字貼的內容很深, 不適合小學生, 因此內容大可不必理會,。但卻可以因此而認識很多字, 這些字不一定很難。
其實學中文的方法都是「聽講讀寫」,特別在基礎階段, 而現在的新會考中文課程都著重這些(當然,三三四之後我就不知道了),不再像以前比較注重課文內容, 多些練習就可以了。