給同是天涯淪落人的一封信：

Heyheyjoyjoy

路過，我仔還小，希望他曰後能負起責任學習。
我聽同事講過，佢從小二開始就唔睇功課，由得佢自己安排溫書、執書包，仔仔話做完就完，溫完就溫完，凈係睇手冊，等老師評價有冇做好，等仔仔從小對自己負責任，因為小朋友識依賴，如父母唔比佢挨住就會自己企好。當然，佢話最初仔仔成績會差d，當佢學懂就迎頭趕上，父母要接受到先行得這套，佢仔仔現在是中學生，人品學業俱佳。
父母當然希望孩子品學兼優，但樓主別忘記孩子的能力、際遇不是父母能控制的，亦不是量度到底父母有多好的工具，別人所謂的家教只是多管閒事，最緊要你的孩子知道你有多愛佢，多努力幫佢，不如同孩子傾下，聽下佢講，瞭解下是力有不逮，還是其他原因，再調整下心態何謂「好」，相信每個孩子有獨特的能力，都希望被父母讚賞，當佢做到「好」時，別忘記大加讚賞，逐步提升「好」的定義。互勉之！