評估要排幾個月, 而家有啲咩訓練可以做住先?

fishcowcow

阿囝就黎26個月, 歲半時返健康院見醫生話唔似自閉, 叫我再觀察, 到岩岩星期五再返去見醫生, 咁岩因為一啲野, 我囝一入房就大發脾氣, 完全唔理醫生, 後來settle down後傾左一陣就話寫紙俾我排CAC, 其實我覺得我囝都好大機會係, 不過佢識講野(識講短句子例如我要飲水, 唔該媽咪抱...), 同埋佢同大人會有眼神同言語溝通, 佢最大問題係唔show同齡既小朋友, 同埋有自轉既問題(仲要係對眼側埋一邊), 脾氣就一時時, 可能我係ftm, 我知道咩情況佢會發脾氣, 我就盡量唔俾機會呢啲情況發生, 所以平日我單對單同佢一齊佢情緒尚算ok的...

其實我想問下各位經驗父母, 在等候評估期間, 因為都要排6-9個月, 有啲咩course/家居訓練可以幫下佢? 有無啲好書可以推介? 私人評估我都有諗過, 但又怕佢地好commercial, 係咪都會話小朋友有事(為左賺錢)...個心都好亂, 去見醫生時我自己都有哂心理準備, 但係返到屋企都忍唔住喊(雖然未證實係, 不過好擔心), 個囝見到, 同我講"媽咪喊, 下次唔好"(佢以為激嬲左我所以我喊), 聽到佢咁講我更加想喊

JenniferC

如果你唔想等咁無長時間，你可以試下邁步 (Steps)做私人評估。

david1031

你個仔識講嘢，未必是自閉的，小朋友有很多發展問題，你在這裹看看其他人的post  會識到很多嘢，
小朋友時間寶貴，可以就去私人做著training 先

fishcowcow

多謝回覆, 我會去問問私人評估, 因為聽聞政府真係要排好耐

anan3388

去做感統訓練，又或睇書學一些感統運動，如: 小孩不苯，我不是故意的