講講保良局陸慶濤

kacap

（因為陸慶濤學校網站改版，所以以下很多連結失效！要花時間整理，敬請見諒！）

眼見很多家長都聽說陸慶濤是:1. 校舍很舊
2. 較傳統小學
3. 好谷
4. 好多功課

作為陸慶濤初小家長想講現實情況.
1. 校舍的確很舊, 有超過廿年歷史, 應該是香港第二代的小學校舍, 現在的80後90前應該多數在這種校舍讀書. 但以前一班四十多人, 一級5班, 現在陸慶濤一班25人只收4班. 相信校舍仍然夠用的. 不過就一定比不過其他直資小學. 但是就讀其中的小朋友, 特別是低小的同學他們不會覺得校舍細, 反而會說要孭住書包行咁高樓梯好辛苦呢! 千金難買少年窮, 希望就讀陸慶濤的小朋友將來更學懂珍惜. 珍惜現時羅氏基金中學的新型校舍. 不過那時可能這種校舍也已經過時了. 其實介意學校細舊只是家長而已.

2. 較傳統學校: 不清楚什麼是傳統教學, 那些是新式教學. 現時學校是分組上課, 一班約5組約5人. 上課時會有分組討論. 老師會使他們分組競賽亦間中有小禮物.

3. 好谷? 可以咁講, 如果貴子弟未達標(即是唔合格PS:60分合格), 咁學校係唔會放過你個仔/女的. 所有唔合格的同學一律要補考(但分數不會再作調整), 即係學校要你讀到識為止. 唔合格要補課!學校會用早上早會, 中午午飯或功課堂時間同貴子弟補課! 更見過暑假期間有老師回校和成績較跟不上的同學補課. 總之,如果貴子弟跟不上學校係唔會放過/放棄你! 如果中英數其中一科不合格是要留班的.

4. 好多功課: 平均每日5-6樣功課(初小, 高小我唔知). 抄寫功課很少, 可能一星期才1-2次寫詞語. 學校每日最尾那節為導修課, 時間30分鐘. 如果小朋友能好好利用這導修課, 回家後應可以30-60分鐘內完成家課. 而老師在導修課亦不是坐着不動, 他們會巡視小朋友的家課冊看看他們有沒有抄齊! (雖然家長是可以在綱上查看家課冊)

其實有好多時D功課都是有關改正(我估計佔1/3), 假如同學能認真做功課,不用次次都要改, 咁功課壓力也會大為減少!

[ 本帖最後由 kacap 於 11-10-26 14:09 編輯 ]

kacap

雖然陸慶濤的網頁的款式和編排有些舊, 但其實當中提供很多資料,而網頁也能經常更新.

1. 各級開設的科目及教學語言:
以普通話教授: 中文
以粵語教授: 數學,通識,視覺藝術,體育, 德育
以英語教授: 英文, 科學, 音樂
http://www.plklht.edu.hk/index.php?option=com_content&view=article&id=93&Itemid=98&lang=zh
2. 拔尖課程:
學校在2011年開始年拔尖課程, 學生可自由選擇是否參加.
以下是2011年全面評鑑報告(P.7)關於拔尖的內容:
學 校 投 放 大 量 資 源 照 顧 學 生 的 學 習 差 異 ， 近 年 著 重 發 展 資 優 課程 ， 成 效 良 佳 。 為 照 顧 高 能 力 學 生 的 需 要 ， 學 校 安 排 拔 尖 班 ， 於中 文 、 英 文 和 數 學 科 編 排 資 優 課 程 ， 能 按 年 逐 級 推 展 ， 有 系 統 地發 展 資 優 學 生 的 潛 能 ， 進 展 穩 健 。 語 文 科 透 過 不 同 體 裁 的 寫 作 訓練 ， 如 詩 歌 、 小 說 和 戲 劇 等 ， 能 提 升 學 生 的 寫 作 能 力

拔尖詳情問參閱（P.39-44)：http://www.plklht.edu.hk/images/M_images/ABOUTUS/SCHOOLPLAN/pdf/1112/11-12_schoolreport.pdf

3. 小博士計劃
同學在中英數三科任何一科獲很80分以上得一太陽印.有3個印成為小博士.

在這裡可以看到陸慶濤很多學生都能有80分以上,特別是初小, 高小可能因為課程難度大左,要取得80分以上不易了.

待續......

[ 本帖最後由 kacap 於 11-10-28 12:11 編輯 ]

kacap

戶外學習活動:

學校每年都有戶外學習活動. 這不同於去旅行, 在活動前各科(無錯是各科,包括中,英,數,科學,通識,德育)都會就這次戶外學習活動做相關的知識教授, 活動期間同學要收集資料,活動後要交功課.
小一, 小二家長可一同參予, 小三開始就請各位家長放手樣自己的孩子獨立面對了.
教材是老師們自已編寫的, 而各科間的配合亦十分好,睇得出老師們很用心辦這戶外學習活動.

小一:是到公園去 http://www.plklht.edu.hk/chinese ... &groupname=none
小二:是西貢蕉坑http://www.plklht.edu.hk/chinese ... ;groupname=TsiuHang

以下是學校通告內容:
為配合本校活動教學的特色，現安排全體二年級學生到西貢獅子會自然教育中心（蕉坑）進行戶外學習活動，好讓他們從實地觀察中，認識和欣賞自然環境中的動物和植物。此舉可配合通識科的單元設計，亦藉此將學習和生活連結在一起，為學生提供一個愉快、生動而有趣的學習經驗。

這是2010-2011戶外活動的網頁: http://www.plklht.edu.hk/chinese ... istic/fullstudy.htm
活動前有家長會, 活動後有問卷. 問卷完成後有檢討有問卷結果. 可見學校是很有系統很有條理地舉辦學習活動.

可在這看看家長心聲:
http://www.plklht.edu.hk/chinese ... 0/questionnaire.htm

待續......

[ 本帖最後由 kacap 於 11-10-26 13:57 編輯 ]

Lawrence_suen

真你好好的分享!!

kacap

鼓勵閱讀:

我覺得是鼓勵閱讀,或可說是強迫閱讀. 所以"谷唔谷"就是家長你自己點睇!

這是陸慶濤的閱讀奬勵計劃:
http://www.plklht.edu.hk/chinese/library/Reading%20Fun.htm
基本上小朋友每個月月尾都要提交閱讀紀錄給班主任, 最低消費是中英數,科學,通識各一本圖書. 但如果只交最低消費, 班主任會叫你睇多些. 起碼中英各3本圖書.
小朋友只須寫上書名交家長簽名核實再交班主任檢查. 所以我小朋友上年小一已經閱讀過百本圖書. 他還很自豪呢! 其實佢睇過百本我地作為父母咪又係睇過百本囉!
約每二至三個月做一份讀書報告. 請放心是有guideline的, 老師會給一份讀書報告的材料,跟着做便可以, 不是太難! 但都要家長從旁協助, 如果你想交貴子弟給學校, 然後就大安旨意唔理, 咁陸慶濤不適合你!

待續......

[ 本帖最後由 kacap 於 11-10-26 14:30 編輯 ]

kacap

中文科:

陸慶濤小一開始便以普通話授課, 課本用高效識字一, 二冊及現代. 一年教成30課書.

課前要做"親朗"親子朗讀. 係無錯!又有我地份, 每課都要做親朗, 小朋友讀,我地聽. 我地負責簽名証明小朋友讀了幾多次, 讀得有無感情, 是否用心,讀音準唔準等等. 家長唔識普通話唔緊要, 學校已經幫大家準備左錄音
http://www.plklht.edu.hk/index.php?option=com_content&view=article&id=261&Itemid=181&lang=zh

我見小一小二網上才有錄音,我諗小三時我地家長可以休息下. 希望經過兩年時間,小朋友會習慣上堂前備課啦! 想當年自己讀書都無咁乖. 現在報應來了!

每2-3星期有普通話護照, 又係要我地簽, 小朋友讀父母簽. 除了我們之外小朋友還要向同學讀, 向老師讀. 內容會是一些詩詞. 得到簽名多的學生有奬. 這過方法下最懶的學生都會識讀, 因為你唔讀, 人地都會搵你簽名讀給你聽, 最懶都要聽廿幾次.

中文無黙書, 每教2-3課書要測驗. 滿分140分, 有20分是黙寫. 黙寫的字在通常
在詞語功課內找到. 另外120分包括重組句子, 普通話發音, 標點符號, 認字等等. 我見學校的大方向是希望同學多認字多過黙寫.

錄音功課, 老師給工作紙, 小朋友做完工作紙要讀出來錄音, 再交工作紙. 而我地就負責錄音同email個file給老師改.

待續......

kacap

英文科:

英文科以英文為教授語言(上堂講廣東話老師會話), 都係無黙書, 每教完1課(約2-3星期)要測一次驗, 有教Grammar, 有閱讀理解, 認字同串字等等.

好似中文科普通話護照一樣, 都係要找同學朗讀英文攞簽名. 小一下學期尾, 全部小一生要參予英文話劇演出.
2011年http://www.plklht.edu.hk/chinese ... p1musical/index.htm

這是由上年開始學校指定的網上英文活動。當功課交。
http://www.funlearning.com.hk/site/fnf/
（唔易做的）

一二年級每星期有1節（1小時）由NET老師教Phonics. 三年級以上就唔太清楚了。

四年級會用這套英文書：
http://www.mmpublications.com/Ca ... id/103/Default.aspx

數學科:

數學科以廣東話授課, 每教2課書左右測驗一次, 平時做課本習作外還另加工作紙做.

中英數三科平時的功課測驗佔10%, 考試佔90%

待續......

[ 本帖最後由 kacap 於 11-10-27 18:43 編輯 ]

kacap

科學和通識科:

陸慶濤科學科是老師自編教材. 科學科平時無咩功課, 亦沒有測驗. 一年只得兩次考試. 學校的評分準側是平時分30%, 考試卷30%, 考試實驗40%. 校長話唔想學生讀科學好似讀多科英文咁. 所以佢試卷唔駛黙寫生字, 只做些選擇題. 同埋實驗分佔多些. 亦因為考試卷只佔30%, 教育局唔接受陸慶濤小五小六呈分. 所以陸慶濤的小五小六生是不會呈分到教育局的. 到時家長可以選擇中學讀羅氏基金或自己出去考學校.

通識科:

通識科亦是老師自編教材, 以學習單元教學. 功課唔多, 但每個單元有指定圖書閱讀及寫少少讀後報告. 最麻煩係個指定圖書List一出, 將軍澳圖書館就借哂這些書. 經常要到他區圖書館借書.

通識科的評分是平時分佔60%考試佔40%

待續......

kacap

音樂科:

學校推行一人一樂器計劃, 小朋友可以選擇一樣樂器學習. 你可以報學校的樂器班或外面自己報. 而鋼琴亦算樂器之一. (真不太明白有些學校為什麼不視鋼琴為樂器)

音樂科會計樂器分, 小一上學期不計樂器分. 其他年級樂器約佔20%-25%.

體育科:

學校迫你子女學游水, 因為計10%體育分. 不過學校無得學, 你要自己出面學.

學校就係咁古惑. 這些制度就使家長俾小朋友學樂器學游水。

視藝科

視藝科都見老師真係有教野. 小朋友話老師會講下某某藝術家生平, 作品然後先叫佢地畫畫. 又會教他們用"馬賽克"的方法來創作。

待續.......

kacap

學術篇我講的就是這麼多了, 至於谷唔谷就家長自己評吧!反正我就唔覺得很谷. 現在小朋友還能維持9:30上床, 遲些就唔知了. 陸慶濤學術方面很又要求, 但亦唔會放棄學生踢學生出門.

總括而言, 陸慶濤小一小二的家長係唔會輕鬆的, 因為很多方面都要家長配合. 淨係借還圖書,睇圖書都花上不少時間. 報讀的家長要有心理準備!

[ 本帖最後由 kacap 於 11-10-26 16:27 編輯 ]

c3616

請問學生的英語水評？
科學科是否很出色？
平日放學後有無留校上課外活動？

kacap

原帖由 c3616 於 11-10-26 23:56 發表
請問學生的英語水評？
科學科是否很出色？
平日放學後有無留校上課外活動？

我覺得學生的英語水平是好的，起碼唔會比將軍澳區其他直資差。我相信即使陸慶濤不是英文小學，但英語水平不會比將軍澳區學校差。我諗我講無咩公信力，我亦不過是初小的家長而以。但閣下可參考2011年的陸慶濤全面評鑑報告：http://www.edb.gov.hk/index.aspx?nodeID=8721&langno=2
報告內p.12 2.4學生表現
學 生 在 中 文 、 英 文 及 數 學 三 科 的 表 現 良 好 。

科學科是否很出色？
我唔覺得特別出色。但小學有科學科不常見。老實講，一二年班的科學科都係D簡單野。但重點是小朋友們喜歡上科學堂，他們可以從小習慣做實驗的模式，利用科學方法找尋答案，引發他們對科學的興趣。而不是被那些難串的科學詞語打激，我就覺得很夠了。回想小學時代的“社自健”（社會，自然，健教），咪就係拿着課本死背難背。到中學初中時代又係咁背詞語。現在小朋友們幸福多了，唔講他們是否喜歡讀書，起碼唔會憎先。
此外，可以提一提現在陸慶濤科學科自編教材已經發展到出左本書了。唔使用散裝工作紙。

這是科學實驗課資料：

http://www.plklht.edu.hk/index.php?option=com_content&view=article&id=44&Itemid=186&lang=zh

平日放學後是否有課外活動？

在課外活動篇講！

[ 本帖最後由 kacap 於 11-10-27 12:59 編輯 ]

kacap

學校放學時間是15：45。課後是有課外活動，就睇你子女是否參加。課外活動後都有校車，不過而睇路線是否配合你，而車費要自付。

我自己覺得陸慶濤比較辦得好的課外活動有：管樂團，弦樂團，泳隊，田徑隊，柔道等等，其他課外活動我地比較小接觸所以不太清楚。如果其他家長有資料可以講下。

你可以參考一下陸慶濤的課後時間表：

http://www.plklht.edu.hk/index.php?option=com_content&view=article&id=113&Itemid=129&lang=zh

但小一學生能參予的不多，大部份都要二年級才可以參加。

陸運會﹠水運會
學校每年還會舉行陸運會和水運會。陸運會上下午舉行，而水運會上午舉行。我們看得出學校是很認真辦這些活動的，過程順暢有序。你可以看見有校園小記者著記者背心拿着相機拍攝，可以看見校園電視台拿着攝錄機，記者持咪採訪。每項比賽都有幾輪賽事，可見同學擁躍參加而不是小猫三幾隻。試想想全校學生只有600，他們的參予率使我驚呀！想想比起當年自己學校過千人的學生， 真是有些慚愧。

水運會花絮： http://www.plklht.edu.hk/swimmingteam/index.htm
陸運會花絮：http://www.plklht.edu.hk/chinese ... hoto7/b/page_01.htm
音樂天才表演：
學校每學期都有音樂天才表演。學生可自由報名參加，每班5人。這已經是20﹪的學生了。這可以給予小朋友多些機會上台表演，即使小朋友在學業或其他方面不是太出色，但學校給予足夠機會你小朋友表現自己的才能。

待續......

[ 本帖最後由 kacap 於 11-10-27 11:44 編輯 ]

mimisan2

Thanks for sharing ! Very useful !

kacap

原帖由 mimisan2 於 11-10-27 11:45 發表
Thanks for sharing ! Very useful !

多謝！希望幫到你了解陸慶濤。

kacap

專題研習日：

先講講呢個，因為我好喜歡這個！

睇睇學校通告點講先：
專題研習是課程改革的四個關鍵項目之一，其推行目的在於發揮學生自主學習精神，培養學生的共通能力，以及待人接物的態度，學生更可透過專題研習主動建構知識、擴闊視野。因此，本校已選定四個上課日為本年度的專題研習日。

專題研習日不用上課，一二年級返半天放13：00，三至六年級照常放15：45

咁唔上堂在學校做咩呢？
一年級：
好孩子活動：共建和諧校園
好孩子活動：守紀有禮盡責任
好孩子活動：整潔儀容、微笑行動
提升自律行為活動：聽指示、玩遊戲

二年級：
好孩子活動：禮貌孩子逐個捉
情緒管理活動：我是情緒的主人
好孩子活動：自尊自信成長樂
好孩子活動：自律孩子人人讚
好孩子活動：營營式式健康營

學校就是用以上活動和遊戲幫小一生適應小學生活和進行訓育輔導。

小三至小六：（其實這個我唔係好知）

以下是學校通告：
由兩至三位老師指導進行專題研習，重點有：
        認識專題研習的基本要求
        利用腦圖、概念圖等組織意念
        落實子題及擬定探討範疇
        進行分組
        建立研習計劃，編寫『研習方案』等

想了解清楚可看這個：

http://www.plklht.edu.hk/index.php?option=com_content&view=article&id=56&Itemid=132&lang=zh

待續......

[ 本帖最後由 kacap 於 11-10-27 12:16 編輯 ]

kacap

陸慶濤之星選舉：

每班有七位分別是：
勤學進步生
盡責小領袖
愛心小天使
禮貌模範生
才藝至叻星
體育小健將
服務小先鋒
http://www.plklht.edu.hk/chinese ... ntaward/1011/08.htm
一班7人獲奬，分上下學期兩次。即是約28﹪的學生可以獲奬。而奬項亦廣泛分於不同領域。學生可以透過這些獎項增強自信心。

其他：
Superfriends 小組：http://www.plklht.edu.hk/chinese ... 1_P2Superfriend.htm
訓輔活動：http://www.plklht.edu.hk/chinese/discipline/disAct/1011disAct.htm
陸慶濤的德育課也很不錯的：http://www.plklht.edu.hk/chinese/discipline/parentcivicedu.htm
四年級學生要參加領袖訓練營：http://www.plklht.edu.hk/chinese/discipline/leadertraining.htm

待續......

[ 本帖最後由 kacap 於 11-10-27 12:45 編輯 ]

kacap

現時陸慶濤是沒有分精英班的。小一隨機分班。小二開始按名次分班，使每班學習能力平均。

每年分上下學期，每學期兩次考試。期中考只考中英數三科。期考全部科目都考。

每次考試都會派成績表，其中詳列各科成續班裹名次和全級名次。每次考試後都會向全級頭25名發學業奬，和向成績進步的同學發進步奬

對這名次我又愛又恨。愛是可以知道自己小朋友到什麼程度。恨當然就是當自己子女考得不好時要面對的壓力。

當然學校唔公佈名次愉快過渡咁就唔駛煩啦，但是如果到五六年級先知自己子女唔得，到時又驚太遟了。我只好趁現在教導自己小朋友如何面對結果，將來到社會做事都係咁現實的！

希望陸慶濤的家長都能輔導自己子女，使其勝不驕敗不餒！

[ 本帖最後由 kacap 於 11-10-27 13:39 編輯 ]

kdpeter

d               de eeee

[ 本帖最後由 kdpeter 於 11-10-27 15:53 編輯 ]

kacap

學校行政及管理良好. 各項安排都整整有條.

學校網頁有資料有經常update. 我上面所寫的大都可在學校網頁找到. 而學校在消息發佈都好快, 想知道學校近期有什麼活動可經常留意網站的最新消息.

學校亦善用內聯網, 每學生都有其內聯網戶口,而家長亦獨立有一個內聯網戶口. 我們可以透過內聯網知道學生何時回校何時離開學校. 當然要你個小朋友記得拍卡先得啦. 而每天的家課冊都會拍下黑板照片,我地可以對對小朋友有沒有抄錯家課冊. 特別是一年級學生的家長最有用. 我都唔知我爹娘當年無呢D科技點搞.

學校九成九的通告都是用電子通告發放, 我們只需在內聯網簽通告, 還可以搜尋以往的通告. 所以大家見我上面引用學校通告就是用這方法找來的. 唔好睇小這電子通告, 佢既環保又大大減輕校方行政壓力,提高效率. 試諗諗如果還用紙張通告, 要計戶外活動日有邊個會參加, 那個有家長倍同, 邊個改唔搭校車. 既浪費時間又唔準確.我地又唔駛收收埋埋D通告, 唔見左又搵餐死!

待續......