比你, 你還會選宜資嗎?

heismama

大仔本身工人湊, 而家K3, 出年小一,
細女出年1月出世, 大仔讀P1時先9個月
大仔APPLY左2間直資, 自行面試入左區內TOP3既小學,亦即係我母校(有20分)
但我中意誇區小學多,
因怕大抽獎唔知去左邊, 所以入左我母校backup, 到時6月再叩誇區小學
直資已interview, 而定諗緊直資如果收, 究竟讀唔讀

1/ chk過直資校車只到地鐵站, 即工人日日要帶9個月細女搭車去mtr接送(約15分鐘車程)
2/老公把口就話知直資好, 但佢覺得政府免費教育無理由唔用要自己比學費, 即暗示佢唔會因此加家用, 我要全數負責(每月3-4千蚊)
3/本身話大家share一半家庭開支,各7千共萬四 但實際上佢比既都唔夠, 萬四只夠cover工人+租+煮飯+學費錢,
我每月最少要拎9千-1萬出黎,先比到水電煤+大仔興趣班錢, 到時細女出世我相信佢都係會比多一千家用, 老公一路唔主張迫小朋友學咁多野所以興趣班唔會比$
4/而家我地都係租樓住. 如果比埋直資的話, 已經無咩錢剩, 即一係比個仔讀書, 一係買樓

如果比大仔讀直資, 基本上我人工都仲岩岩好cover到, 比你地, 咁既情況下, 直資收還會讀嗎??
我好想比呀仔讀好書, 其實我地家庭收入唔少的, 要供個仔讀直資係夠的,
無奈老公成日唔主張迫小朋友, 如果我要呀仔咁既我就要自費....

Michelle_Hung

樓主你唔開名好難比較架喎! 都唔知兩間學校有咩特色點比?
不過講真如果仲有個細的而津小又係口碑唔錯, 比我會揀津小, 大人細路都輕輕鬆鬆! 有o的野勉強無幸福啊!

無氣同你講

我係你, 會等仔仔考到直資先再同家人商量, 暫時唔好諗太多先

heismama

因為自行同直資差不多時間宣佈(都係11月), 如果直資收, 我覺得呀仔好叻, 我真係唔想miss左個機會....

夢B

我每月最少要拎9千-1萬出黎,先比到水電煤+大仔興趣班錢
你仔仔學咩要咁貴????

abioole

其實咁辛苦, 都係想d仔女好姐, 兩公婆應該行為一致, 為仔女付出, 何必計住計住呢! 但係身為父母, 當然要為成個家庭著想, 如果因為要讀直資, 而成個家庭負擔增加, touch wood講句, 如果是但一個冇咗份工, 又或者要一d特殊開資.  到時因為咁, 兩公婆有分歧, 開始追究責任, 咁咪仲衰.

所以若果已考慮種種因數, 及盡可能預計可能發生既事情, 亦可以負擔得起, 咁更係要比最好既教育給子女啦.

Sumyeema1

我個人唔鐘意太大經濟壓力。

你應該攤開屋企盤數， 同先生一起研究下，睇下各種消費是否合比例 （包括子女教育， 兩公婆自己年老時即儲蓄）.

個家/小朋友系夫妻倆人即，兩公婆一定要有共識。 一系你講到你先生 buy 你果套教育理念，令到他可以付多 d 家用。

gowgowgow

I am thinking it might be an issue about your marriage. Sharing the responsibility for financial support of the family, whether the kid should go to private or govt subsidy.. all of these should be sat down and discuss about this. I don't want a mother living as the life of a single mom. Take care.

cat_house

我覺得你都係唔好讀直資。
1) 要工人日日要帶9個月細女搭車去mtr接送唔好。
2) 你老公唔贊成。除了你要自己負擔阿仔學費﹐將來你兩公婆會常為阿仔教育問題argue。
3) 讀得好唔好﹐有好大部份是看小朋友。並不是讀到直資就一定讀得好。不要人云亦云。
Btw﹐你老公都好mean﹐咁樣同你計家用…

kirstyau

我都同你有同樣憂慮

ParcoBabyBaby

樓主
直資，話就話千幾﹣幾千學費
但仲有好多錢要比，什麼興報班，功課吾掂又要補下等等
最慘系如果興趣班發現佢有潛質，又要死頂條數落去，洗濕左個頭就大件事啦
細B又就來出世，留返D錢比細果個做準備會好好多
讀津校，可能教學質素會比直資差一點，但絕對不是讀津校＝死路，讀直資＝天才
只要努力和你們有心去教好佢，讀津校也會上到BAND1 中學的。

marcuscyrus

如果兩公婆得唔到共識，我覺得最好唔好咁行，否則日後，有咩都係你自己受，隨時加多句：一早都話唔好xxxyyy架啦

ac917

其實直資都有十分唔同既教學方法，如果你講果d直資係谷既，咁同而家d傳統官津都會一樣，只係學校既資源配套好d，而家其實有好多傳統官津怕殺校，都改變左方向，唔谷都變谷，我地d一般香港小朋友就係咁慘！

Good-Luck

我計吓計吓，細囡讀k3時，哥哥是否已讀完小學？這樣細囡不是可以直入讀哥哥那間小學的（資助 / 官立）。

我有沒有計錯？

原帖由 heismama 於 12/10/2011 13:28 發表
大仔本身工人湊, 而家K3, 出年小一,
細女出年1月出世, 大仔讀P1時先9個月
大仔APPLY左2間直資, 自行面試入左區內TOP3既小學,亦即係我母校(有20分)
但我中意誇區小學多,
因怕大抽獎唔知去左邊, 所以入左我母校backup, ...

獅子狗

如果讀直資要面對日後種種的不明朗問題。
比我，我不會選擇直資。

小曳人

如果咁tight, 當然唔讀直資啦！何況你有間唔錯嘅喺手！想好d~6月再叩門囉！

GIPW

Same here.
行行出狀元。間間都是好學校。有的官校是十分之好。 多問一句，請問這直資有否學費減免？ 入了小學還有其他洗費，仲要中學及大學

小學階段除了學校，家庭教育巳也很重要。要培養他們讀書，考試的獨立性等等。.......

各位有心的媽媽.... 加油