點算好呢?

appleyma

仔仔快4歲升K2, 3歲3個月時評為懷疑自閉傾向,正輪侯E位,自己在協康有買服務給他做訓練,他唔望人,叫他幾次才回應,有社交障礙,語言表達比同齡慢,但認知和讀寫沒問題,自理能力一般,要人叫才會做,唔叫一定唔會做,我是全職媽媽,將所有時間都花在他身上,全心全意去教導他,起初見他有少少進步,真的很高興!
  但他一日一日長大,自閉的特徵越來越明顯,自言自語,重複的問問題,遊魂.......最慘是開始有固執行為,之前很少的,見他的情況一日一日的差我很難過,我能力範圍內的方法已做晒,怎樣教他都沒有用,唔好都算喇,點會還差落去,我真係唔知點算好,你地可唔可以教我怎樣做?

apple~y

幼稚園老師點講??
知唔知e位仲要等多久有位??
唔好灰心
"我能力範圍內的方法已做晒,怎樣教他都沒有用,唔好都算喇,點會還差落去,"
呢句說話我真係感身受

pocoyo123

唔好放棄, 試下打去評估中心, 同社工講小朋友情況差左, 睇下佢可唔可以再評估, 或有其他安排比你, 當年我小朋友也是在兩歲到4歲后有倒退情況, 現在6歲已追番, 你可試試

Ronnie1213

除了買服務給仔仔, 還可以參加家長班, 如努力試課程. 在家多做訓練. 相信一定有進步, 不要灰心! quote]原帖由 appleyma 於 11-8-31 14:32 發表

仔仔快4歲升K2, 3歲3個月時評為懷疑自閉傾向,正輪侯E位,自己在協康有買服務給他做訓練,他唔望人,叫他幾次才回應,有社交障礙,語言表達比同齡慢,但認知和讀寫沒問題,自理能力一般,要人叫才會做,唔叫一定唔會 ... [/quote]

appleyma

謝謝各位媽媽的回應,今日仔仔開學,接放學時見他淚痕還未乾,唉......希望他快點適應番學校生活!
他讀K.1時,老師說他坐不定,有社交障礙及表達能力差些,後來,坐不定的情況好了又沒有騷擾他人,加上在cac 評估時醫生說他認知沒問題,可以在原校讀!
其實暑假時我沒有鬆懈,給他編定生活時間表,定時定侯安排他做訓練和學習,從不間斷,但換來是他多了自言自語及逰雲.....他好像去了另一處,我比以前要好辛苦好辛苦才可以叫他回來,現在專注差左,還影響了學習!
其實8月頭我打電話番cac問姑娘意見,睇下可唔可以約期番去見醫生,但她好求其回應就算,都係要靠自己!最近自己成日偷偷地哭,又怕比老爺奶奶見到,哭完又要再努力過,現在只希望仔仔唔好再差落去,用時間慢慢去幫他!

apple~y

0甘情況你打番cac再同姑娘講要見醫生
因為你小朋友可能有須要入s位,push 0下
當然都要睇你接唔接受到s位

我0地小朋友應該差不多大
好似我個case,之前都係排e位
番幼稚園見進步得太少,
而且老師話"repeat 一年k1都無用'呢句說話當年真係好打擊我,感覺好似判0左死刑0甘,我都喊0左幾日幾夜
0甘我先生打番去cac,初初個社工都好求其回應就算,我先生咪鬧爆佢人0地老師話repeat 都無用',又講到我情緒唔好,怕我做傻事,講到誇張0的
跟住個社工怕0左我0地咪叫我寫封信比醫生
講0下小朋友情況
最後過0左2個月後見0左醫生
其實都係見0下,是是但但0甘無點評估
都係主要問我係幼稚園情況,之後就轉s位
好彩係大派位前,攪掂0左
小朋友現在剛開學,暫時都跟得幾好

其實我都無同屋企人講,只係話轉第2間幼稚園番,老人家唔會明白
知道0左又擔心,日日打電話問
自己又要解釋再解釋,所以唔想0甘
你心情我真係好理解,明白

仲有我覺得奇怪你小朋友0甘情況,
學校點解比他升k2
我個仔之間幼稚園都話能力暫時唔可以升班

[ 本帖最後由 apple~y 於 11-9-2 10:48 編輯 ]

conconma

I totally understand your feeling, and you are not alone...actually my son's case is even worse, his autism level is mid not mild, also with IQ problem, + ADHD, doctor said he might has high chance to take medicine when he is 6.  And, he has high level of heavy metal found in his body, he did the chelation for 1 year, but the lead still cannot be removed...Dear apple, hold on...you see your son's improvements, you see his trying, u need to be patient and not to get disappointed.  There is no miracle cured for autism.  My boy's development is 2 years lagging behing the same age. U know what i am sadden when i look at other 5 years-old boys and compare to my boy acting like baby 3 years old. But i believe in my boy...Apple, just hold on to what u already saw, he is improving every year!!

[ 本帖最後由 conconma 於 11-9-2 11:38 編輯 ]

anan3388

見到越來越多特徵既時候，個下真係好痛。自己都經歷過，因為那個時候，心知已不能不面對現實，不能再用：或者佢發展到呢？黎呃自己。
行過呢段路後，希望你唔好放棄，有些a仔長大些亦會進步，要裝備好自已，見招拆招，拆唔哂，減少少都好。呢個世界明白自閉症既人唔多，所以做父母最少可以做既，係接納佢，明白佢，令佢無咁孤單。呢樣係我自己放得好重的。知道講易行難，祝你可以捱過去，你亦有好多同路人的，加油！

另，仔仔有無感統訓練？或你可試試幫唔幫到？另，除感統問題，自閉徵狀亦可理解為逃避的行為，找出逃避的原因也有幫助的。例如我仔在無聊時最常自言自語，又或多人嘈雜又特多，有時我會俾野佢做住等佢唔得閒，或等佢明佢要做乜而佢又做到，就會少d咁樣。不過只係少d, 環境一複雜些佢都會咁。

appleyma

其實我都覺得他感統都有少少問題, 到十月會有職業治療, 加上佢有d過度活躍, 平時我照顧佢都好辛苦, 希望職業治療幫到佢, 近排見佢專注力差左, 平時教佢學野佢都肯學, 但近月暑期教佢真係好辛苦, 少少野都分散左佢注意力, 有無媽咪有同樣問題, 我想帶佢睇精神科醫生, 有無媽咪有資料可以給到我呀?或者有無食緊藥小朋友的媽咪可以分享下~