優才書院家長分享站 (2011-2012年)

SumSumBB

原帖由 hinmo 於 11-9-28 22:33 發表
我問過英文老師Ms. Wong，佢話每一個學段会在raz-kid放5本故事書，一年有四個學段，即係在1st test, 1st exam, 2nd test, & 2nd exam左右時間，佢解釋為何不讓小朋友預覽多啲書，係因為升上G2後，raz-kid會計落Eng分。 ...

我仔好鍾意上Raz-kid睇書，但去年只在學期頭和暑假，才開放書架，太浪費這個網站了！
每學段只可睇五本書實在太少，五本書一陣就睇哂！

中天英

Raz Kids以前係可以任你睇幾多本書嘅，仲可以一路升le，果時大仔都同班書友，比賽邊個升le最快。
邊個有機會見倒MR Kenard，可以同佢受取吓，改番以前咁。

fumiko

好似要全班都完成ASSIGNMENT先開BOOKROOM.

NamB

早二日上現代網站,發現佢有個現代中國語文字典iphone app,入便有筆順,普/粵語發音,字義...
好方便.

edea

NamB:

US$3.99 ，但都係好實用。我心動中。

如果免費，教育局網站如下：
http://www.edbchinese.hk/lexlist_en/

[ 本帖最後由 edea 於 11-10-3 22:46 編輯 ]

NamB

US$3.99唔算貴,換算港幣都係$31.
食個麥當奴都要咁上下.
我仔仔而家先小一,用到三,四年真係超平.
一個portable device唔使下下開電腦,方便好多.

edea

<力量來自故事> 經濟日報 2011.09.29

... 年輕人不聽老人家說話，嫌他們長氣重複。政府搞舊區重建，也懶得解釋，反正老人家也聽不懂。於是一個個故事，隨舊區清拆、隨農地剷平建高鐵而消失在歲月中；但偏偏卻來了個收集故事的人——周綺薇（Maggie）。

周綺薇在深水埗長大，她爸爸的老車房在元州街，那裏於 04 年被政府劃為 K20-23 重建項目。政府派人落區與街坊開會，房協的人愈說，街坊愈覺無助。事後 Maggie 在其書《推土機前種花》寫道：「他（房協經理）說的每個字我都懂，但組合成一個句子後，我就不懂了。」連後生的都不懂，更何況是公公婆婆。Maggie 與義工們逐家逐戶拍門，了解老街坊情況，又幫他們讀信，結果卻聽了很多故事（或秘密），「他們每一個都足夠寫一本書！」書，雖然最後只寫了一本，但 Maggie 就經此深明「講故事的力量」。

清拆前，老街坊每談到激動處便潸然淚下，愁眉深鎖，Maggie見狀便說了個「薯條 vs 梅菜蒸肉餅」的主流文化入侵故事。大意是指故事可以有不同的版本
，你可以天天埋怨世人忘了梅菜蒸肉餅的美味，但我卻可以日日向喜歡吃薯條的人宣揚梅菜蒸肉餅之美好。Maggie 鼓勵街坊談舊日的生活，講最自豪的往事，結果力量就在你一言我一語間凝聚。隨後還舉辦了一個「說故事嘉年華」，圖畫故事貼滿興華街，街坊站在屬於自己的圖畫前拍照，個個笑咪咪的。「他們每一個
都好獨特，例如花王潘伯唔識字，但就好鍾意講政治，而且講得頭頭是道，而天台婆婆則窮了 20 年的心力去拾神像。其實你去到舊區，就會發現好多得意的街坊。」
Maggie 說。有出版社邀請 Maggie 寫書，於是她便把抗爭的經歷和街坊的故事寫下來，出版了她的第一本書《推土機前種花》，「我不懂中文輸入法，我是用手寫出來的！」

舊街坊四散，原地將建每個單位約值 300 萬元的住宅，但故事卻跟着 Maggie 走。Maggie 早幾年搬入石崗，鄰居多是當地農民。一天農民們收到信件，說政府
要收地起高鐵，大夥兒一知半解，Maggie 竟又再一次擔當解信的角色，又陪他們奔走抗議。一晚大夥兒圍坐在菜園村生活館，Maggie 說：「喂，不如今晚傾心事！」公公婆婆聽到「傾心事」已經哈哈笑，有位嬸嬸即刻分享打風賣菜的經歷，笑言賺到的錢多到兩個牛仔褲袋都裝不完。Maggie 靈機一動，在其兼職任教的理大夜校設計班上向同學們說：「你們常說做設計無意義，現在有改變世界的機會，你們要來嗎？」結果有 40 多名同學報名，花了半年時間製成《青苗上河圖》，畫中展示了石崗村落農地的全貌和各戶農民的故事，除了舉辦過展覽，還出版成圖冊。

故事來到這裏，可還沒有完結的意思，Maggie 於本月辭去小學美術科教師的工作，每星期抽 3 至 4 天來明愛醫院當義工，專責聽老人家講故事。「我特別喜歡與老人家傾計，我好鍾意聽到混雜着口音的廣東話。」Maggie 本是你和我這樣的普通人，但卻做着不平凡的事。她穿梭於病床之間，收集老人家的故事，有時老人家無精神，便輪到她說故事，「他們每人的經歷都承載很多智慧。」或許不久將來，Maggie 會以說故事的形式，呈現公公婆婆的往事。

欄名:我在行動
撰文:周倩炘


[ 本帖最後由 edea 於 11-10-12 22:02 編輯 ]

中天英

雖然周老師無教過我兩個仔，但係我都聽聞佢係一個好老師，小朋友都好鐘意佢。

祝願周老師响佢人生新嘅一頁，有美好嘅體會。

muichujamie

Maggie係我以前同學，舊年註冊果時見到佢先知原來佢喺優才教書，佢以前都好有愛心架，我以為今年開學可以同佢相認，點知走左。
可能我個女同佢無緣啦!

原帖由 edea 於 11-10-12 22:00 發表
經濟日報 2011.09.29

... 年輕人不聽老人家說話，嫌他們長氣重複。政府搞舊區重建，也懶得解釋，反正老人家也聽不懂。於是一個個故事，隨舊區清拆、隨農地剷平建高鐵而消失在歲月中；但偏偏卻來了個收集故事的人——周綺薇 ...

edea

原帖由 muichujamie 於 11-10-13 01:04 發表
Maggie係我以前同學，舊年註冊果時見到佢先知原來佢喺優才教書，佢以前都好有愛心架，我以為今年開學可以同佢相認，點知走左。
可能我個女同佢無緣啦!


...

周老師走左係學校既損失, 周老師好有愛心, 小女有幸讀佢班有佢做過班主任, 後來縱使周老師冇再做班主任, 都偶爾會約小朋友一齊食午飯, 傾下計, 臨走前都特地去見多佢地一次, 我好感動, 一個好有heart既老師, 應嚴時會嚴厲, 應慈愛時慈愛, 佢唔係本住打份工而己既心態, 而係真心對小朋友好, 做家長會知道.

周老師離開學校, 但我願她會海濶天空, 生活得好, 找到她的理想.

iamderek

從今年開始，在半日課的日子（包括評估），學生也要在學校午膳，有冇人知道原因？

中天英

原帖由 iamderek 於 11-10-13 11:22 發表
從今年開始，在半日課的日子（包括評估），學生也要在學校午膳，有冇人知道原因？

陳主任响開學前果個家長會講，話有好多家長要求，就算返半曰，都想小朋友食完飯先返屋企咁話。

hinmo

Raz-kids 終於有新書睇，可以繼續儲分買嘢啦！大家登入後，tick the 'bookroom'就可以了。

muichujamie

yes, 呀女今晚睇左好耐呀!

原帖由 hinmo 於 11-10-21 17:49 發表
Raz-kids 終於有新書睇，可以繼續儲分買嘢啦！大家登入後，tick the 'bookroom'就可以了。

iamderek

原帖由 中天英 於 11-10-13 19:32 發表

陳主任响開學前果個家長會講，話有好多家長要求，就算返半曰，都想小朋友食完飯先返屋企咁話。

之前miss咗添，謝謝。

hinmo

唉!嘜個test温吓温吓好似咁多範圍嫁!

symlsyml

亞仔話常識好多都唔識做! 唉...

huba

My son also said it's difficult. It's good that he did not give up and tried to answer.

原帖由 symlsyml 於 1/11/2011 17:57 發表
亞仔話常識好多都唔識做! 唉...

[ 本帖最後由 huba 於 11-11-2 07:42 編輯 ]

hinmo

亞仔話常識OK啦，点知今日回來俾我睇test嘅分........嘩！真係好低分，是合格多少少ge！

muichujamie

我好想快D睇下份卷....
聽阿女講，我都覺得幾深! 好似無得溫習.... 可能佢地未慣啦!

原帖由 hinmo 於 11-11-2 23:59 發表
亞仔話常識OK啦，点知今日回來俾我睇test嘅分........嘩！真係好低分，是合格多少少ge！