分享: 1個文字1個故事

Charlotte_mom

我仔記中文字都幾弱, 記得K2時開始寫多左字, 我女細個, 俾咩佢就抄咩, 我仔學寫字就慘LOR! 係要續個字拆散一個個部分去教佢抄, 我果時好驚佢係學障, 好彩去到K3, 情況又改善左

到小一, 有默書, 簡直係惡夢, 我仔係要溫習足足一星期, 至可以記得到一課D字, 而記字途中亦唔係咁順利, 我明佢唔係懶, 係佢做唔到, 於是我開始作故仔令佢記得D字點寫(可幸佢睇字認字係非常OK的)

例如: "息", 我會同佢講, 呢個係小息既息, "自"己個"心"好想小息
"就", 東"京"既"大""尢"魚, "就"是最好食 (因為佢唔識個"尢"字, 所以要加多個差唔多樣既"大"字幫佢形象化)
"急", 條"魚"見到個叉好"心" 急
"蝴", 十隻蝴蝶, "十"個"口", 一齊去食"月"餅

諸如此類, 佢每次寫到呢D字故會唸唸有詞, 咁好幫到佢, 佢亦覺得有趣, 有時佢都會主動同我一齊去唸呢D口訣(好過鬧到拆天)

佢而家進步左好多, 我亦少左需要去整呢D口訣, 尋晚, 我發現原來佢自己都有用呢D方法去幫自己, 佢唔識個"獵"字, 我話, 打獵丫嘛, 所以有箭架, 之後臨訓, 佢自己講: 第一次叫隻獵狗去呢邊, 佢唔識, 第2次叫佢去呢邊, 佢又唔識, 第3次終於識喇, 我再作多D, 係呀, 第一次去呢邊唔識, 所以FIT左佢2下, 第2次去呢邊又唔識, 所以又FIT左佢2下, 第3次終於識, 所以唔駛FIT2下喇

然後大家哈哈哈, 佢又記多左個字了

希望呢個開心分享, 可以幫到各位

Capricorn2521

Very Positive ! Thanks for sharing.

我自己都覺得打罵吾係一個可常用的管教方法。因為小朋友吾係一點就明，家長的耐心和心思真不可少。

我小朋友仲係幼稚園K1階段，只係一頁寫一個字15次，暫時都冇乜問題。不過，當佢心情吾好，就成日ee哦哦，要東要西，要求多多，但又未至於大吵大鬧，我唯有左試右試，例如：吾理佢，順從佢，罵佢，開電視，開cd，解釋比佢聽，須然可以令佢暫時停止扭計，但係一陣間佢又故態復萌，都幾煩。我試過同佢講：男孩子吾喊架。佢話：我要女孩子。最近，我終於找到方法了，買了一張$10的mickey mouse貼紙(約20個)，問佢：你要吾要mickey mouse貼紙呀? 佢話要 (因為mickey mouse係佢嘅最愛)。我就話：要就吾可以喊，得吾得?，於是，佢就好開心，話：得! 。我請佢選擇一個貼紙，送比佢。於是佢成朝都好開心。

大家繼續努力呀！

[ 本帖最後由 Capricorn2521 於 11-6-2 16:30 編輯 ]

joyfulbb

Thanks for sharing

Charlotte_mom

我小朋友間學校, 係主張POSITIVE REINFORCEMENT, 賞多過罰
當佢地小一時, 會有"儲印仔", 滿左之後就有唔同獎賞, 有唔同方面既評估, 例如關愛方面, 禮貌方面
果時我都唸, 呃幼稚園學生就得姐, 小學生都唔彩你啦
點知佢地原來好TREASURE D 徽章, 好努力去儲印仔

呢D心機時間真係無SIDE, 最緊要小朋友HAPPY, 做咩都爽手D

共勉之

原帖由 Capricorn2521 於 11-6-2 11:21 AM 發表
Very Positive ! Thanks for sharing.

我自己都覺得打罵吾係一個可常用的管教方法。因為小朋友吾係一點就明，家長的耐心和心思真不可少。

我小朋友仲係幼稚園階段，只係一頁寫一個字15次，暫時都冇乜問題。不過，當佢心情 ...

methy

原帖由 Charlotte_mom 於 11-6-2 09:33 發表
我仔記中文字都幾弱, 記得K2時開始寫多左字, 我女細個, 俾咩佢就抄咩, 我仔學寫字就慘LOR! 係要續個字拆散一個個部分去教佢抄, 我果時好驚佢係學障, 好彩去到K3, 情況又改善左

到小一, 有默書, 簡直係惡夢, 我仔係 ...

你好有心機呀，我未敢想像阿仔入學會點，一諗起佢讀書既生涯．好漫長！

lamtsuiyee

你真的好有心思. 仲有幾個月我個仔就小一啦... 開始有D壓力.. 真的要學習怎樣多鼓勵...

原帖由 Charlotte_mom 於 11-6-2 09:33 發表
我仔記中文字都幾弱, 記得K2時開始寫多左字, 我女細個, 俾咩佢就抄咩, 我仔學寫字就慘LOR! 係要續個字拆散一個個部分去教佢抄, 我果時好驚佢係學障, 好彩去到K3, 情況又改善左

到小一, 有默書, 簡直係惡夢, 我仔係 ...

Charlotte_mom

可能就係怕自己小朋友跟唔上, 所以更加要做多d準備(打佢都無用架)
見招拆招, 終生學習, 一齊努力啦

rayjj88

妳好勁呀~呢d咪係記憶法的一種~

原帖由 Charlotte_mom 於 11-6-2 09:33 發表
我仔記中文字都幾弱, 記得K2時開始寫多左字, 我女細個, 俾咩佢就抄咩, 我仔學寫字就慘LOR! 係要續個字拆散一個個部分去教佢抄, 我果時好驚佢係學障, 好彩去到K3, 情況又改善左

到小一, 有默書, 簡直係惡夢, 我仔係 ...