希望學校做好

carna

你們有無發覺間學校愈來愈亂, 前幾日我先去左個仔既運動會, 發覺亂到一塌糊塗,都唔知個校長點搞既,咁都得既,唔知學生既成績點呢? 我個仔今年好似無功課拎番屋企做，家長日老師全部都話好，但我地發覺阿仔既成績表四年改左三次，都唔知根據甚麼準則？你地有冇意見呀?

symlsyml

Dear Carna,

I've decided to let my boy to study in VSA P1 on coming Sep, I am very glad to see your comments here; as there is quite a bite of time that no current parents has comment in BK, and I really want to have more understanding about this school.  
Can you please tell what year is your boy now?  Is it possible to talk to you directly?

Thank you in advance for your valuable info.

ANNIEYY

希望越大失望越大,我個仔讀左6年最初3年都還不錯,到今年我已死心决定轉校中學一定吾讀,冇功課,冇測驗,冇考試,成續表冇分數冇ABCDE級....都出到好学生就出奇.有自動自覺好学生一班三兩個囉!!!好可惜吾係我個仔>

[ 本帖最後由 ANNIEYY 於 11-4-25 01:16 編輯 ]

monkeyyeung2

No homework?  I was told that everyday has the school e-homework for Chinese, English and Math.

ANNIEYY

It is not e-homework is eclassroom所寫功課不是日日有,好似中文每曰做一個四字成語,造句同解譯.English就一至兩星期先做3個Spelling activities .Math重差有時做2 chapter ,有時一個月一次都冇.中默好D一個月都有2次<默十個四字成語>英文有幾個月冇默,以上係 Year 6 呀!!!!

symlsyml

Dear Annieyy,

Is it possible to talk to you directly?  It's almost the time I need to make decision for my boy to take this school or not.....need your kind help!

my email address is [email protected]

Thanks

hoboy

ANNIEYY,

有同感, 轉左新校長之後差左好多. 新成績表簡直不知所謂. 我個仔9月都會轉出面中學. 但細果件都唔知點算, 以佢依加既level, 跟本考唔到出面既好學校. 留係度又學唔到嘢咁. 但學費又係咁加.

[ 本帖最後由 hoboy 於 11-5-19 23:32 編輯 ]

KELSEYLI

can I have more details?

ANNIEYY

吾洗擔心用多小小時間做預備一定轉到,我個仔補習老師講有好多家長想轉,但接受吾到個小朋友入Band2,Band3既學校,所以繼續讀但其實早D轉早D比個小朋友知道乜野叫做讀書,吾係曰日返去玩求學係求分數,我個仔成日話老師講求學不是求分數,我叫佢問老師自己有冇分?冇分做到老師嗎?我個人覺得比小朋友讀得VAS既家長都吾係要求太高(不停有測驗默書考試),但現在係冇乜都冇最後學到乜冇囉!!!!

ktpleung

我是YEAR 3 的家長, 3年來都唔知學到乜? 就如 YEAR 3, 整個學期到現在中文默書不到十次, 每次八個詞語, 這兩次多一句句字咁大把, 話時話這個多月好似都冇默了, 數學仲差, 上學期先背乘數表, 整個學期未見個做數學功課, 亞女話 816 除 8 用一堂來解釋, 老師話好難喎, 英文成日剪貼D超簡單D生字, 浪費時間. 這只是一間高級托兒所, 明年要 HKD 8,436 / 每月, 但是值唔值呢 ?

ANNIEYY

形容得好好高級托兒所,值吾值$8436有D轉校家長會覺得值囉!!!因為六星級校舍,多西洋人老師,有保安,多校工,服務好,我相信香港揾吾到第二間.都係個句有小朋友讀得好好不過三兩個,如果低年班小朋友都係早早轉校吧!!!

ktpleung

一定轉, 只是星級校舍又有何用??? 小朋友已經不知道讀書的責任了, 連中文默書八個生字都唔讀, 話返學睇其他同學就得, 老師唔會鬧, 話下次唔好就得! 老師講唔得閒可以唔默書, 唔做功課都得, 家長 EMAIL 比佢知道就可以了??
仲離譄, YEAR 3, 已在學校講粗口 "XX老XXX" 唔衰唔講, 5月18日我到學校Learning Journey , 見到D同學很冇禮,冇品, 有家長在都大大聲聲冇禮同其也同學講嘢, 何況冇家長呢?

冇學識都算, 只怪自己當時貪一條龍, 唔洗煩, 由PN讀到現在, 我唔想我的小朋友連品德都沒有!!

ANNIEYY

上年老師最過份係默完書見到多人吾識,叫小朋友C左嗰頁過兩曰再默過,吾係默一課書呀!係8個四字成語炸!!!!Year5死未 維多利亞幼稚園係做得好好,冇想到小學會差到甘,中學又係好多嘢冇教,我分別有兩個朋友個仔同個女,前年讀完S3,S4之後去左英國,完全係乜都吾識話好多嘢VSA都冇教過,最後一有假就返香港揾人不停補左一年先叫做好D.之前係VSA係好成績IB有42分,另一個直到讀吾到 IB School,所以佢地都話VSA比既成績信吾過,叫我千奇吾好比個仔讀中學,吾洗錢都吾好讀,所以出年留位費我都冇比下定决心轉校派到邊間中學就讀,Band2,Band3都好過VSA,希望入到一間吾太差從頭再來

[ 本帖最後由 ANNIEYY 於 11-5-25 00:20 編輯 ]

hoboy

今年YEAR6係最後一年參加中一派位, 之後都要自己去考中學. 咁既成績, 唔焗住直升MYP都唔得.

我又冇聽過老師叫小朋友C左嗰頁過兩曰再默過. 係YEAR6既老師?

VSA比較適合一些主動學習和自律既小朋友. 否則都好難會學到嘢. 而且要睇下好唔好彩跟到好老師. 有部份老師係好嚴格和要求高既, 小朋友就學到嘢喇

ANNIEYY

去年Year5老師,同意老師非常重要,最慘我個仔都好似冇跟過好老師,

ktpleung

默書事件太誇張了!!

但我三年都未見過好老師, 英文功課全部是RAZ-KID, 讀完再讀, 今個星期又讀YEAR 1 那些, 數學又做MATHLETICS, 上次功課做周界, 梯形只得三條邊長, 相信初中先識得計, 用INTERNET 的功課都算, 起碼自己檢查一下可用嗎?

成績表要改都唔出奇, 因此, 我小朋友那份都有其他同學的成續表啦, 你話學校的行政多好??

因為再唔走人, 一定要讀中學, BAND 2 OR BAND 3 都要走, 超失望

ANNIEYY

越講越傷心覺得自己帶個仔行錯路,最初入學簡介會話小一到小三冇考試測驗小功課,係為左小朋友開心返學自然學到嘢!小四先開始加考試測驗都未遲,學費就可能會加小小因為租人地方,不過深灣校舍起好搬入去就吾洗加因為自己地方,到頭來越讀越小中文冇書,math人地4本佢用2本,英文吾知教乜,有樣加就學費囉!!!!

ktpleung

我初時都以為維多利亞幼稚園做得好好, 但眼見大的是這樣, 細的立即轉考其他幼稚園, 因為有學券又要小一大抽獎, 冇又要抽, 但相比之下, 原來維記也是一般, 細的分得很清楚星期幾要做什麼功課, 學校定期派發教學主題, 老師校長超有愛心...., 維記那些, 如果你稍後特出就好D, 我記得大那件, 如果你朗誦好, DANCE 好, 就會叫你去表演, 比賽, 次次學校表演排頭位, 其他 D 一定最後, 細那間就不會了, 排舞時個個有機會, 應比每個小朋友相同的參予!! K2 的知識都比 YEAR 3 學 UOI 好, 又有何用??

講返 YEAR 3 啦, 其實我在學校也聽 D 家長話不滿, 不過她們不會投訴, 有個家長提出叫其他家長聯署致函校長採用內地中文課本, 該名家長反比學校投訴 ( 因為現在自行編寫的中文課本太差了 ), 我又聽到其他家長說, DAY 1 你哋入維記就知道是什麼學校, 你哋都是想小朋友開心, 一早就要預咗 D 嘢要自己跟, 所以現在也自己跟, 工也不做了, 返屋企温書, 不過是比他考其他小學, 由下學期已開始備準, 現在稍為好 DD !! 不過, 講真其他小學見到維記的成績表都唔想收!!  真是金玉其外, 敗絮其中!! 9月 P1 的家長真的要考慮清楚, 放棄留位費同2個按金也值得!!

ANNIEYY

其實初頭都OK小四都有測驗考試,成績表都有分數睇吓,但中文就好淺英文就只係講同聽Grammar完全吾識,math都正常,所以我個仔小四下學期開始補Grammar,小五開始就死啦每況愈下再補Math,小五學期尾曾經想轉滬江小學揾朋友比左個仔D成績(每年都考Trinity同Cambridge)女校長,心想同會滬江希望有D机會讀小六,女校長好好人話佢好清楚VSA太自由啦!每日返學太開心自由自在左五年衣家一吓止要個小朋友改變哂佢會好慘,學習方面英文當然無容置疑一定好,但係中文就會跟吾上,而math又係中數,佢比左兩個建意我,1 重讀小五等小朋友慢慢學習適應,2 係VSA讀完小六再轉中學用一年時間做準備,因為佢話個仔都有11,12歲都有自己思想講清楚轉校原因,做好心理預備學好D中文,一定好過突然轉個不同環境領個仔難以適應,最後我用第2個由個陣開始補中文,現在一至五每曰都揾老師上門補中英數,由其今年math教得真係好慢只係出面4成左右一半都冇,如果VSA做返好DD就吾洗甘啦!!!!錢洗左都算!時間同學習態度先慘!!!

ktpleung

時間真是很重要, 現在根本覺得返學是浪費時間, 不如在家中做下 EXERCISE, 仲要做埋 D 一個星期才比一份 D 無謂功課!! 現在等攞張不知所謂的成績表就走人!!

不單學費貴, 補習費仲貴!!

慘!!