灣仔區中學

Milkky

我呢排都無覺好瞓, 越諗就越慌越亂!

我決定下星期六去鄧鏡波交表! 交左表就唔會再心掛掛兼少諗其他野, 自己可以做既野都已經做晒, 其他野已經無得自己控制! 到統一派位果時先再煩過!

[ 本帖最後由 Milkky 於 11-1-6 13:38 編輯 ]

easiness

我呢排都瞓得唔好, 成日諗揀邊間好!
鄧鏡波一定會去交表, 不過等埋星期六家老師時, 順便問埋意見, 請問交表同時是否需要同一時間交埋其他資料(如: 證書和校長推薦信)?  謝謝!

原帖由 Milkky 於 11-1-6 13:35 發表
我呢排都無覺好瞓, 越諗就越慌越亂!

我決定下星期六去鄧鏡波交表! 交左表就唔會再心掛掛兼少諗其他野, 自己可以做既野都已經做晒, 其他野已經無得自己控制! 到統一派位果時先再煩過! ...

Milkky

我會交表時交埋d成績表和cert copy, 佢張表好簡單, 都無要填成績/獎項d野, 所以我會交埋portfolio去!
仲有成績表要附有評語, 但我囝成績表都無評語呢part, 係咪照交左去至算?

[ 本帖最後由 Milkky 於 11-1-11 13:23 編輯 ]

cmkirene

我個仔屬於Band 1尾至Band2頭，想自行收生時入申請表，機會大嗎﹖

easiness

我諗係, 因為我仔間學校, 上學期成績係無評語, 衹有下學期份成績表先有評語!

Milkky

已要求學校補封評語! 見左老師你決定左自行報邊兩間未?

power1883

唔好亂信人，北角協同中學和玫瑰崗係100%band3！你係band2生，點解要揀band3學校？

第2選擇可選校風較好band2中學，民生屬band1，去年已升格，建議柴灣劉永生，屬2頭，成績一般，校風出名好。聖貞德屬band2，都可選，但近年成績和校風都跌左！

[ 本帖最後由 power1883 於 11-1-12 14:43 編輯 ]

easiness

攞成績嗰日係爸爸同阿仔見老師, 衹有五分鐘時間, 所以講完呢次考試成績同平時上堂啲野, 都無講過其他, 衹係叫家長們可以平時時間打俾老師問!

其實我心儀係選鄧鏡波, 不過佢地自行分配收生準則比重: 學業成績 (小五及小六中英數成績)都佔 40%--50% ! 阿仔第一次呈分失手, 好大機會連 interview 都無, 所以而家都好煩惱! 除左鄧鏡波, 我有諗過顯理同聖貞德!

[ 本帖最後由 easiness 於 11-1-12 20:22 編輯 ]

easiness

有媽咪講劉永生校風好, 但應該唔易入!
聖貞德因為係男校, 少左女生爭, 應該會易啲! 不過都知近年成績同校風都跌左, 但還可以嗎?

原帖由 power1883 於 11-1-12 14:40 發表
唔好亂信人，北角協同中學和玫瑰崗係100%band3！你係band2生，點解要揀band3學校？

第2選擇可選校風較好band2中學，民生屬band1，去年已升格，建議柴灣劉永生，屬2頭，成績一般，校風出名好。聖貞德屬band2，都可選，但近年成績和校風都跌左 ...

Milkky

以亞囝成績, 如果自行報B3成功機會好大! 所以我點都博下B2, 而且老師都有一樣建議, 所以有D信心去博! 自行博唔到咪博統一羅!

ireneyklo

我路過，我覺得如果你心儀鄧鏡波，你可以博完自行再博統一，如果唔得去學校叩門都有d分加吓，我仔仔當年都是叩門入的，到現在我都覺得學校給我想像中好，而且學校都幾嚴，每個學期都會出份表給家長，講仔仔有沒有加分or減分(無交功課&欠帶書)，希望你仔仔可以入到心儀的學校。

原帖由 Milkky 於 11-1-13 13:52 發表
以亞囝成績, 如果自行報B3成功機會好大! 所以我點都博下B2, 而且老師都有一樣建議, 所以有D信心去博! 自行博唔到咪博統一羅!

easiness

請問鄧鏡波交表時是否同時需要交埋證書或獎狀? 謝謝!

cmkirene

我到香港鄧鏡波書院交表時，他們將所有的個人資料及copy of certificate 都收哂，我諗你要帶齊所有文件。

Milkky

你未去交表!? 我交表時用file filing晒d 成績和cert copy,申請表,履歷表, 佢地check完, 全部收晒!

[ 本帖最後由 Milkky 於 11-1-18 13:25 編輯 ]

Milkky

多謝你既經驗分享, 當時你是否都係首選鄧鏡波?
我自行只交左鄧鏡波一間咋, 上星期六去交左表, 但果日去到都唔見有好多學生交表! 我都希望自行唔入統一時會入啦, 不過我都有定叩門既心理準備!

[ 本帖最後由 Milkky 於 11-1-18 13:42 編輯 ]

easiness

謝謝你! 今天交表時我都有交埋所有證書copy, 佢地都有收!

easiness

今天終於去左鄧鏡波交表, 見到學生正在上運動堂, 他們都很專心上課, 而且學生們都很乖!

之後再去顯理交表, 雖然學生們正在上課, 但剛巧有位女同學因為家長有事, 未能回課接送, 老師們即以關心詢問學生能否獨自回家, 並查問回家後有無家人陪伴, 之後又叫學生回家後要致電回校"報到"! 感覺上老師們盡責, 所以兩間學校都很喜歡!

[ 本帖最後由 easiness 於 11-1-18 23:58 編輯 ]

ireneyklo

因仔仔小學是讀st. jo，所以當時我選鄧鏡波是第二，而不是首選，但後來統一時派了去玫瑰岡，所以即時去鄧鏡波取申請表(記住要帶出世紙)。
另外仔仔叩門時要考中、英、數&口試，口試用英文和普通話/廣東話。希望可以幫到你。

原帖由 Milkky 於 11-1-18 13:28 發表
多謝你既經驗分享, 當時你是否都係首選鄧鏡波?
我自行只交左鄧鏡波一間咋, 上星期六去交左表, 但果日去到都唔見有好多學生交表! 我都希望自行唔入統一時會入啦, 不過我都有定叩門既心理準備! ...

wongkaka

今日交左維官, 原本班主任叫我地可以博下king's, 話亞仔handle到英文, 但亞仔好多要求1)唔想咁大壓力 2)唔要男校

佢識有街坊哥哥讀緊話唔錯, 我自己亦有兩個朋友在維官畢業, 佢地話間學校好好, 老師好有心機同埋關心小朋友, 今日去交表時d老師都好NICE, 同埋我見佢地網上介紹每級有一班英文班, 若亞仔英文能力真的好的話, 佢亦有機會接觸好多英文

佢的成績 : 中英數及操行都是b, 只有奧數拿個銅獎, 所以諗過冇特別多功績, 唔想同人爭浪費安全CHANCE

同埋我反而覺得仔仔入到一間中庸學校, 佢讀得輕鬆又可以有好成績, 老師有多D時間關心小朋友, 他們自然信心大D, 同埋若真的成績好, 學校會比多時資源培育佢

[ 本帖最後由 wongkaka 於 11-1-19 04:11 編輯 ]

ydoris

點解而家D學生吾鐘意讀男校OR女校?我阿女又話吾想讀女校.我一於小理,自行放一d BAND1尾,統一放何東係頭..最多去培橋叩門...