PN 茶點收費你點睇?

errorlips

Hi,

剛剛收到學校的通告, pn可以安排茶點服務, 不過我就唔想join....

茶點收費比較貴計起來都要$16一日, 再加上都唔知d食物合唔合小朋友的胃口, 不過唔知??如果唔join會唔會唔係幾好, 請問大家有咩意見, 可唔可以比d意見我呀?

另外請問高年班的媽咪, 你們有無join茶點, 同埋知唔知食d咩食物?

rosebud

原帖由 errorlips 於 10-8-22 10:11 發表
Hi,

剛剛收到學校的通告, pn可以安排茶點服務, 不過我就唔想join....

茶點收費比較貴計起來都要$16一日, 再加上都唔知d食物合唔合小朋友的胃口, 不過唔知??如果唔join會唔會唔係幾好, 請問大家有咩意見, 可唔可以 ...

我囡k1， 我有join ，因為想佢同其他小朋友食一樣嘅野，又唔想日日自己諗食咩，好耐之前聽過ｄ媽咪話會有個ｌｉｓｔ睇小朋友食了乜野，唔知有冇聽錯。

目前為止，知小朋友食過餅．包．飲了橙汁．維他奶．水。　

Carman1112

學校會提供熱食, 好似通粉、米粉, 呢d我地唔可以整定俾小朋友帶返學校食, 我覺得冬天食熱食會好d, 我早上已經好趕, 如果仲要整埋野俾小朋友帶返學食, 一定好唔得閒。

mokstick

我仔都係k1,都有join,又有飽又有餅又有粉等熱食,幾好呀,學校俾得都應該健康,最大問題係,5好搵著自己嚟搞,自己預備,反而可能食嚟食去都係個d...我寧願俾多幾夠水好過...

Carman1112

我個囡返am既, 頭先打電話返去, 佢話今日有維他奶飲, 都幾好呀！

蚊蚊PIG

原本我無JOIN 茶點，不過睇完本開學guide有寫不同種類既食物(e.g. 麥皮、通粉等)，最後都補番茶點費。

仲有我驚阿囡見"隔離飯香"，見老師派食物俾其他小朋友唔派俾自己，以為老師唔鍾意佢。哈哈!

上星期五我去接阿囡放學，問班主任阿囡既食茶點情況，原來阿囡鍾意食學校既迷你腸仔飽、腿蛋飽，至於檸檬餅就唔係好食，老師派兩塊，佢自己退番一餅俾老師，話"食唔哂"喎!

老師話今個星期放正常時間後，應該會開始供應熱食，一星期一次。:)

小鄧

小兒已經畢業, 3年裡,有2年半join學校茶點, 原因我是在職mama, 冇時間再攪食咩, 用錢解決, 同樣想法是跟大圍一齊食。到k3上學期, 仔仔主動要求要自己帶, 唔想食學校的, 但已經交左錢,結果下學期自己帶,仔仔好開心可以自己想食咩就帶咩, 但其實不外乎餅或包等乾糧及清水, 只係因為可以自己有選擇囉。