保良局唐乃勤初中書院交流區

noel2010

你又好啦!很自律。
上次大測, 仔仔已經沒有温書, 今次考試他要我放手,我自已接受唔到考試連書都沒有看過。放假便要放假, 考試期間就要好好休息。
他話上堂有聽便不用温,要信佢。比佢試吓。
每早返學都見女同學攞書边行边溫。男和女有很大分別。
但求全級名次進步或保持已對我有交待。

Kiufyma

對,男和女真的有很大分別.不過如果下次測驗你囝囝提出自己溫,不如試試放手讓他自己溫,因為父母不能跟到他們到高中,況且測驗應該比考試佔分較少,但要跟他約定成績必須較前進步.否則父母不能不管(唬嚇他吧了,其實要管也不能管多久.....)

noel2010

kiufyma

我的兒子不是自已溫, 而是全部都沒有溫。加上他沒有任何補習。我怎不心急呢! 平日小測他不肯講測驗範圍給我知,佢話考平日上堂的東西,唔比我理。但我知他多數是全班最高分之一, 除中文科永不合格外。考試玩足我多晚,只有我拿住本書追住佢望一眼,最後連眼尾都唔望。我已經放低咗不會高分數。幸好全級名次OK,望有溫習時可大有進步。現在得到的分數便是他平日上堂學到的東西。

有很多測默可以早早知道或評估他們的能力, 他又沒有壓力, 對這些懶蟲都是件好事。

noel2010

chansuifong

中三入唔到莊中,真的是去了別的中學, 因為高中全英上課,這班學生能力不足以用全英讀高中,去了中中吧。

中學的默書範圍很少,暫時默書都是很淺,是日常用開的生字,多數小學已讀了,反而比小學輕鬆。多小測原本是有壓力, 但原來不佔太多分,比他們當一種温習, 試過一星期四小測兩默書,多到理唔到, 平均毎科兩星期一次。但總好過考試時一次過溫吧。

Kiufyma

Noel2010,

有些天資聰敏的人,上課吸收的知識確能應付考試,就像我姐姐的兒子,永遠對考試及測驗都吊兒郎當,他真的很聰明,記得上次與他一起去日本,一大串的日本商店電話號碼,他只看一次,便能輕鬆的輸入GPS,但對讀書就愛理不理.今年中四,姐姐說終於見他在考試前略為溫習,成績已經是全班第五,如果他肯再用功一點,一定非同凡響.

囡囡曾經跟我說,好彩平日有很多不同的小測,所以她不用考試前才臨急抱佛腳,還可以跟我們出街呢!

tkkmama

各位好. .近日同班升中媽咪提起尼間學校.. 所以到而家先搵料.  .. 不過有心都唔會怕遲掛.. 印象中年年派位都有尼間出現在NT1區表.. 雖然收到風話今年好多學校要CUT班, 但仍希望有機會揀唐中啦..
睇左成十頁你地既對話.. 學校大致情況亦已了解.. 不過仍有以下疑問:
1. 初中級中. .. 第一屆升莊預既.. 係F幾呀?
2. 我見佢每級有成七八班學生.. 莊預雖然話會同唐中駁一條龍者.. 又會唔會到時先來講價只收六成咁呢??如果係咁.. 好易要搵IVY位去讀書架..
3. 我女只係在普通小學既B2頭.. 唔知仲有冇機會派入來呢??

Kiufyma

舊年九月唐中中三畢業的學生已經開始過去莊預上課做中四生,那些成績不達標的便要在唐中留級.莊預承諾只要學生達升班標準便能順利直升,而升班標準就是各主科必須合格. 囡囡剛剛考完試,感覺要在各主科取得高分並不容易,相信主要是配合莊預的要求.而在開學初期,曾有機會與剛升上莊預讀中四的學生家長見面,她們都大讚那邊的讀書風氣很好,小朋友也被感染了,因為無論下課或小息的時候,到處都可以看到同學們在溫習(當中很多是中六及中七的同學).

至於收生方面,舊年學校資料是1.4,所以應該有band2生,但今年情況會是怎樣,相信就要看今年申請學生的人數及質素而定.

tkkmama

原帖由 Kiufyma 於 11-1-20 12:52 發表
舊年九月唐中中三畢業的學生已經開始過去莊預上課做中四生,那些成績不達標的便要在唐中留級.莊預承諾只要學生達升班標準便能順利直升,而升班標準就是各主科必須合格. 囡囡剛剛考完試,感覺要在各主科取得高分並不容易 ...

謝謝..又了解唐中深少少啦..

Kiufyma

對不起,PM了我的家長,因不知道怎樣查閱個人的PM,所以最近才回覆你們,希望我的資料能幫到你們.

June6625

保良局唐乃勤初中書院面試

有冇人知道保良局唐乃勤初中書院面試內容或形式. 因星期六3月19日要面試. 請賜教!

noel2010

去年只是用英語對話,很輕鬆。他同老師傾平日用face book內容。沒有考多項目了。

tkkmama

各位好, NT1 仲有十個唐中位, 萬幸萬幸..  
我估都要非首選不可, 而家又諗緊高中交通.
各位家長熟唔熟德貞呀???又係得幾個位.

janet_yk_ting

原帖由 tkkmama 於 11-4-17 07:37 發表
各位好, NT1 仲有十個唐中位, 萬幸萬幸..  
我估都要非首選不可, 而家又諗緊高中交通.
各位家長熟唔熟德貞呀???又係得幾個位.

NT1係咩？請問如何得知唐中淨番幾多位？

tkkmama

原帖由 janet_yk_ting 於 11-4-20 09:49 發表


NT1係咩？請問如何得知唐中淨番幾多位？

NT1係葵青區, 今年CUT班CUT過龍, 米俾左幾間SSP既中學我地揀咯, 唐中十個, 德貞四個咯. 尼個數係屆屆不同架嘛.. 唔關係米淨返事架. 你小朋友派位未架??

Mcandy

請問唐中是否一間好學校, 有說是band 2, 如果band 1 生, 是否應選擇此校? 請幫忙.

有沒有家長的小朋友在此校讀書? 女兒老師叫我不要選此校, 叫我選band 1 女校, 不知如何好, 請指教

sillything

我仔讀緊F.1,又未必係BAND1.
但我個人覺得學校一D都唔差,老師同家長,學生三方面溝通得好好,又有公益活動,校規好嚴.

janet_yk_ting

原帖由 tkkmama 於 11-4-22 08:15 發表


NT1係葵青區, 今年CUT班CUT過龍, 米俾左幾間SSP既中學我地揀咯, 唐中十個, 德貞四個咯. 尼個數係屆屆不同架嘛.. 唔關係米淨返事架. 你小朋友派位未架?? ...

我個女今年P.5，不過間小學係跨區保良局直資英小，唐中經常都有派學校資料比阿女間小學，感覺唐中正在不斷增值，由band 3 到而家升到band 1 尾/band 2頭，對保良局辦學有信心，阿女間小學今年P.6係第一屆未有任何派中學成績，不過起第一年無人"hau"到而家争崩頭就可想而知，所以如果阿女揀唐中都應該會有優先。

Kiufyma

唐中校長已向有關當局申請2012年的中文科會全普通話教學而普通話堂就將改為法文堂,並宣佈由2011年九月起正式成為EMI學校. 我個人覺得,她絕不能與歷史悠久的英文中學相比,但絕不比一些新興的直資中學差.

Emouse

原帖由 Kiufyma 於 11-4-26 14:10 發表
唐中校長已向有關當局申請2012年的中文科會全普通話教學而普通話堂就將改為法文堂,並宣佈由2011年九月起正式成為EMI學校. 我個人覺得,她絕不能與歷史悠久的英文中學相比,但絕不比一些新興的直資中學差. ...

多謝Kiufyma消息。 希望唐中能成為EMI與我們小朋友一起成長。