今日去cac做完評估....

milk323

我bb而家2歲半, 第一次見姑娘就話冇自閉, 係語言發展遲緩; 今日正式見醫生,醫生都係覺得佢有自閉feature, 轉介去兒童精神科睇多次....
醫生話佢最大問題係同人o既eye contact 好少, 唔鐘意同人溝通, 係要有所要求先會o黎搵你. 其實咁係咪真係好大問題呢? 其實佢o向屋企表現係ok的, 雖然係遲d (例如而家先開始講多d野, 最近先會主動搵你玩, 人地d b 可能一年前已經有呢個行為), 但係是有進步的. 我驚佢去兒童精神科開個file好似俾人mark左係有問題咁....

hcily

那醫生有沒有給你轉介服務?例如早期訓練或兼收?如果有，即醫生也認為孩子要接受訓練．見精神科醫生也不是壞事，因孩子長大後可能有其他問題，如一直有醫生跟進是好事．我兒子也是被轉介了去兒童精神科，因CAC醫生說他們可提供的服務有限，我可在精神科取得多一點資源，他們有臨床心理學家，兒子會有更好的照顧，我覺得一點問題也沒有．

milk323

醫生有轉介早期訓練。我都認同醫生話佢社交係弱D.所以我都排左隊。我睇返封兒童精神科轉介信都係寫佢有自閉FEATURE.唔係話判左佢自閉，所以當睇多個醫生攞多個意見－還是佢真係氹我開心，俾個希望我？我係怕佢响精神科開個FILE會俾人標籤左係有問題，佢大個左會覺得自卑OR第時影響佢搵學校各樣。我同屋企人都唔覺得佢自閉，係溝通發展得慢D,所以聽到醫生咁講真係有D唔開心。而家自閉的定義真係好寬呢，自我中心都算算閉，如果我細個時都有評估做，我肯定俾醫生話自閉。

iam

首先要搞清楚CAC同精神科係咩先....

1. CAC是衛生署的服務，對象是十二歲以下的兒童，處理體格、身心發展問題，團隊的醫生是兒童科醫生。
2. 精神科是醫管局的服務，對象不分年齡，而自閉症、過度活躍等屬兒童精神科範圍。

的確，在幼兒至兒童期間，兩者的服務是有少許重疊。

話說回頭，樓主的情況，精神科都唔係即刻排到比你的，分分鐘排到早期位都未到精神科。就算排到比你，如果細路仔仲細，就算精神科醫生都未必好confirm確診係咪自閉症的，so far，我聽過去過的家長說，精神科醫生都係同你傾下，如有嚴重些的問題，如睡眠失調呀，過度活躍呀，到大個少少就或者會開藥比你。（我未聽過CAC的醫生會開藥），有時又會比社交小組你玩下。（都唔係個個分區的社交組會辦得好，我聽聞），所以呢ｄ社交小組同E位的服務係無分別，只不過E位去到六歲，精神科的服務則去到大ｄ都仲得。

說到尾，如果小朋友仲細，精神科服務的支緩不多，連CAC做的小一前智能評估，醫管局的醫生也不會做。所以，除非要開精神科藥物，又或者CAC醫生唔比傷殘津貼你，你就可以試下問精神科醫生。

樓主可以自己想下。至於你話留了個record, 是真的會的，因為醫管局的病歷記錄是「通」的，第時就算小朋友大個了，入急症室，醫生都可看到佢在精神科有記錄的。

如果樓主可以排下隊，到排到時如果想唔睇，都得的，代價只不過是如想再看精神科醫生，就要再找醫生寫referral囉，其實任何註冊醫生都可寫，又或者再想入紙時，叫CAC試下再refer。至於你個心想得個「知」字，係咪自閉症，寧願你早點有訓練等小朋友，等佢再好點時再去見醫生來評估囉。

一個比喻作結：如果我會考考英文「肥」了，我應該是努力讀書，等明年再考。而不是馬上去考另一個TOEFL囉。當然，TOEFL都係另一個試可以測試英文，但不是改善英文的方法囉。

原帖由 milk323 於 09-12-11 06:53 發表
醫生有轉介早期訓練。我都認同醫生話佢社交係弱D.所以我都排左隊。我睇返封兒童精神科轉介信都係寫佢有自閉FEATURE.唔係話判左佢自閉，所以當睇多個醫生攞多個意見－還是佢真係氹我開心，俾個希望我？我係怕佢响精神科開個FI ...

Capricorn2521

唉.. 而家d大人有各種抑鬱症, 小朋友有自閉症同過度活躍症....咁d精神科醫護人員都好忙呢....

現在科技進步，經濟發達，生育率低，港人生活節奏快，每事盡善盡美，好到最好，精神緊張。時代不同了...

原帖由 milk323 於 09-12-11 06:53 發表
醫生有轉介早期訓練。我都認同醫生話佢社交係弱D.所以我都排左隊。我睇返封兒童精神科轉介信都係寫佢有自閉FEATURE.唔係話判左佢自閉，所以當睇多個醫生攞多個意見－還是佢真係氹我開心，俾個希望我？我係怕佢响精神科開個FI ...

milk323

咁真係, 分分鐘排得隊o黎佢都"進化"左lu, 因為醫生都話起碼排成年. 排左到無事最多唔睇, 有事就唔駛重新排過咁law. 至於訓練佢爸爸都讚成早d開始, 所以而家會睇下其他基構d服務, 希望早d develope佢同人溝通的意欲.
今日都有問過老師, 老師都話佢比初初返學係有進步, 只不過係比同年小朋友慢. 人地d bb 1 年前開始講太空話, 佢就最近開始講, 仲好多下tim,同埋會主動講, 唔係醫生講o個種"要大人提先同你講野, 冇亞唔會主動搵你". 所以佢係開始得遲, 但係見到有進步的, 要耐心d. 希望佢快d追到啦, 如果唔係in 幼稚園時就煩lu...

原帖由 iam 於 09-12-11 09:33 發表
首先要搞清楚CAC同精神科係咩先....

1. CAC是衛生署的服務，對象是十二歲以下的兒童，處理體格、身心發展問題，團隊的醫生是兒童科醫生。
2. 精神科是醫管局的服務，對象不分年齡，而自閉症、過度活躍等屬兒童精神科範圍。

...

我係女仔

我昨天早上都去左尤德做評估見醫生呀, 你去邊間呀

KwanLui

原帖由 milk323 於 09-12-10 19:38 發表
我bb而家2歲半, 第一次見姑娘就話冇自閉, 係語言發展遲緩; 今日正式見醫生,醫生都係覺得佢有自閉feature, 轉介去兒童精神科睇多次....
醫生話佢最大問題係同人o既eye contact 好少, 唔鐘意同人溝通, 係要有所要求先 ...

1) 油麻地兒童精神科 - 排la, 我地今年9月都見左.
    My baby was asserted by CAC that 有傾向marginally case when he was 27 months old. 終於今年9月排到油麻地精神科 (45 month old). My son is the case that 排果時係seems worse, but 見到精神科已經improve a lot.

2) 精神科見你的都係臨床心理學家, 自已比$私家做起碼千千声or even過萬都有, 有政府free service点解吾用.

3) 之前i saw some BK mammys no good experiance in 見精神科E生 coz 浪費time wor. But Mine is good wor, doctor interviewed my baby for over an hour and seems details wor..

4) Label 標纖 - 你吾講, 邊個知. Like my baby, He started his normal kinder when he was 2 and now is 4, my baby will go to normal P.1 coz my elder son is P.1. now. (我地2歲都係排左E位, S位 and YMT 精神科la). 如果佢能力達標, 辺個可以阻止佢上正常小1, 相反, 如果佢真係有潛在問題而因為ma or dad的吾接受, 令佢錯過訓練的黃金時間就害左佗佢la....

我都係一個曾經彷徨的mama....

hellokitty1011

我同我個仔最近都見左政府的兒童精神科, 係上個月見左醫生, 今個月再見姑娘, so far感覺都好好, 佢地仲會因應小朋友的能力同強弱項去安排個別或者小組訓練, 真的覺得佢地比到的服務真的好好, 起碼可以用一個超合理的價錢, 同小朋友比多d密集式的訓練, 不過而家聽聞排政府的兒童精神科, 都要排到2010年尾啦, 政府應該撥多d資源係這方面.

我最初聽要去"政府的兒童精神科"真的跟好多人一樣, 點解我個仔要去呀? 會否比人標籤左 ? 不過我之後都聽好多人講, 佢地比的講座一定要去, 真的好有用, 於是最後我都係覺得愈早比訓練佢地, 小朋友早d有進步多d, 最好係可以係小一轉回普通學校, 家長的擔心會小d.

iam

about pt 4

精神科係under醫管局的, 醫管局的記錄是中央的, 就算第時因為第二種病看醫管局的醫生, 都會知道佢以前看過精神科的病歷。

咁我唔知會唔會影響投保啦, 要問下保險agent. (有時保險公司可以向醫管局申請report的。)

至於衛生署CAC, 好似未話有中央記錄(?)。

原帖由 KwanLui 於 09-12-15 17:30 發表


1) 油麻地兒童精神科 - 排la, 我地今年9月都見左.
    My baby was asserted by CAC that 有傾向marginally case when he was 27 months old. 終於今年9月排到油麻地精神科 (45 month old). My son is the case th ...

iam

yes, 我聽過家長講油麻地精神科的「售後服務」(社交小組)係辦得最好的。不過如果已有社署服務(E/I/S), 私人服務, 又無必要特登去參加精神科的社交小組, 有點repeated service。

原帖由 KwanLui 於 09-12-15 17:30 發表


1) 油麻地兒童精神科 - 排la, 我地今年9月都見左.
    My baby was asserted by CAC that 有傾向marginally case when he was 27 months old. 終於今年9月排到油麻地精神科 (45 month old). My son is the case th ...

[ 本帖最後由 iam 於 09-12-16 09:34 編輯 ]

KwanLui

原帖由 iam 於 09-12-16 09:33 發表
yes, 我聽過家長講油麻地精神科的「售後服務」(社交小組)係辦得最好的。不過如果已有社署服務(E/I/S), 私人服務, 又無必要特登去參加精神科的社交小組, 有點repeated service。


...

我地coming1月又返去review la, 9月先見完. baby's Heep Hong 既導師話禁快又見, may be 係想幫阿仔close file la. Because 第1次見已話佢not bad and only a bit weak in eye contact (當然比E生揸住佢2歲時的CAC assertment 的 file, 仲係好好多tim la, 都等到成4歲先見). 如果係禁, 以baby case 又向來標纖呢! 相反, 如佢的情況係吾好, 都冇得避架啦! 當然經济許可就彈性d啦, 知以my baby 見2次臨床心理學家-私家都已洗好多$ la, 我寧願留比仔仔做training ar.

我係女仔

咩精神科有社交小組既咩?
咁我如果排到s位, 咁可唔可以參加架?

iam

正如前文所說, 醫管局的精神科服務及政府的CAC服務是兩條隊, 在學前時期是有點重覆的。

S位也是政府的服務(社署), 理論上你當然可以參加both啦。

不過, 我又覺得, 無必要又唔駛上咁多個小組。因為醫管局的服務都要office hours啦, 如果已有S位, 又無必要要請假去上些社交小組。而且上小組係好靠分班分得好唔好, 同埋導師要長期一點時間跟, 所以要看那些精神科的社交小組怎樣分班囉, 呢個我就唔清楚。

講開又講, 醫管局也有服務是個別的OT, ST, PT, 但好像去年已經不容許與社署的E/I/S service重覆。

而且, 醫管局的服務都要視乎區域的, 我so far聽聞係油麻地辦得最好。

原帖由 我係女仔 於 09-12-18 01:58 發表
咩精神科有社交小組既咩?
咁我如果排到s位, 咁可唔可以參加架?

ychan

我今日先去兒童精神科排期,要排到2012年呀 陰公.

ychan

請問如果CAC個醫生唔幫我個囡嘅傷殘津貼續期,我係唔係到時要搵兒童科果邊個社工再幫我問醫生??請問個程序係點呢??thanks

原帖由 iam 於 09-12-11 09:33 發表
首先要搞清楚CAC同精神科係咩先....

1. CAC是衛生署的服務，對象是十二歲以下的兒童，處理體格、身心發展問題，團隊的醫生是兒童科醫生。
2. 精神科是醫管局的服務，對象不分年齡，而自閉症、過度活躍等屬兒童精神科範圍。

...

我係女仔

傷殘津貼其實可以拿幾耐架?

iam

兒童科個邊的社工? 你指是兒童精神科?

我聽過有些CAC醫生係唔批傷殘津貼, 問精神科醫生就批。你可以看精神科醫生時，直接問下佢可唔可以寫紙比你申請/續傷殘津貼。

傷殘津貼一定要由醫生決定的，同埋有好多因素（醫生本身手鬆手緊、政治氣候）等，我估，你先問社工都無用，佢一定唔幫到多少，一定要先見醫生。

原帖由 ychan 於 09-12-18 23:47 發表
請問如果CAC個醫生唔幫我個囡嘅傷殘津貼續期,我係唔係到時要搵兒童科果邊個社工再幫我問醫生??請問個程序係點呢??thanks

iam

醫生會給予一個年期的，所以．．．要看醫生而定。

原帖由 我係女仔 於 09-12-20 00:30 發表
傷殘津貼其實可以拿幾耐架?

KwanLui

通常1年1年禁批, 我之前係同CAC 果边E生apply, but 社工提叫我下次續期 要油麻地兒童精神科 e生批la because case is now followed by them la.