德信

zaku51889

請問各位家長對德信幼稚園有咩印象呢?本人兒時曾經住過尖沙咀,都知道德信都係一間幾好嘅學校,但因成績太差,所以讀唔到,而家有咗小朋友,就好想佢讀,亦好幸運德信收咗我個仔,本來對德信無學生手冊同茶點供應,都無所謂(因為讀晶晶預備班時有嘅),可能每間學都唔同,但係今日就遇到啲唔係咁開心嘅事
事緣今朝返學時,有落雨同天氣涼涼地,個仔氣管唔好,所以幫佢着番件學校外套,諗住如果熱,老師會幫佢除落嚟,點知接仔放學時,見到個仔衣衫不整,好似被人蹂躪完咁,點解個仔會咁,外套唔除,仲要一隻袖摺高,一隻就無摺,(首先,我唔理課室有無冷氣,但操場就無泠氣,剩開風扇,小朋友郁郁吓就會發熱,老師都唔幫佢除,想熱死佢咩),最離譜係條褲,居然可以剩係着到pat pat 位置,連底褲都睇埋,我知道德信會俾小朋友自已去厠所,但唔係個個都識休褲,雖然兩個老師要對付廿零個小朋友會好辛苦好忙,但我個仔唔係隱形噃,廿零個小朋友,零零舍舍得我個仔着套校服成個乞衣仔咁,咁突出,老師都唔幫佢,講真句,如果我太太唔幫個仔着番好套校服,就咁拖出街,都影衰間學校呀,遇到咁情況,你叫我點信間學校,會照僱到我小朋友呢,
我唔理學校會唔會睇呢個網,又或者有啲家長會覺小事,總之就不吐不快!!
多謝!!!!

SoochowSee

如果係第一次遇到咁嘅情况，先唔好嬲住，有時老師真係會無注意到的，睇吓係咪仲有第二、第三次先，若果係就直接同老師講啦!

原帖由 zaku51889 於 09-9-30 01:42 發表
請問各位家長對德信幼稚園有咩印象呢?本人兒時曾經住過尖沙咀,都知道德信都係一間幾好嘅學校,但因成績太差,所以讀唔到,而家有咗小朋友,就好想佢讀,亦好幸運德信收咗我個仔,本來對德信無學生手冊同茶點供應, ...

zaku51889

原帖由 SoochowSee 於 09-9-30 11:13 發表
如果係第一次遇到咁嘅情况，先唔好嬲住，有時老師真係會無注意到的，睇吓係咪仲有第二、第三次先，若果係就直接同老師講啦!

唔該哂您,我明白點做架喇!!

chaubb

Hi zaku51889,

我個小朋友也是讀德信的,我和你想法一樣呀...點解學校沒有手冊(之前我個小朋友也是讀其也幼稚園),真的可能有個比較啦,根本不知他在學校學了什麼,只知道他每日回來就check他書包和問他老師有什麼講,其實學校鼓勵小朋友把老師的說話(做功課和帶什麼野)口述給家長聽,其實有時我覺得對k1來講真的可以嗎?我覺得這做法是好,因為要令小朋友負起讀書負責,但此方法只可以用在k2,k3身上,對剛入學k1來講就不可以...加上手冊都幾重要,是家長可以清楚可了解小朋友在學校學左咩?另外你講荼點,我就覺得沒有問題....因為學校有時不想咩飛, ...anyway....我個小朋友都轉校了.
另外想問下...你說晶晶...是否留下那間呀??那間ok嗎??因為我想比弟弟讀呀?

winnie_yiu

我的兩個小朋友也是德信幼稚園,已畢業並升上德小.所以對德信的情況也算清楚,以我所知,每星期都會有一張學習進度(A4)派發,家長便知道小朋友在校所學,以我的經驗,k1的小朋友也未必可以準確告訴你,他學過什麼.以前我問我的小朋友,通常佢哋也是~乜都唔知;但我後來用另一個方法,就是對着張學習進度,問佢喺唔喺學過乜乜,佢又話有!!

至於手冊,就到k3先有,仲要佢哋自己寫,習慣吓小學要自己寫手冊.因為以我所知,教署規定k1和k2的小朋友不能太早學寫字,因為會影响手仔肌肉的發育.

我知道德幼都訓練小朋友在學校唔好咁倚賴,自己做番自己d嘢,可能你會覺得佢哋k1唔做得d乜.佢哋可以自己去廁所,(有姐姐睇住)自己除衫放入書包等.我記得我以前亦有過類似情况,放學見到個仔衣衫不整,我當時直情發哂火,拉住佢揾校長,校長好冷靜,叫小朋友自己'休'好件衫,佢又識喎,我當時尷尬到不得了....所以,經驗之談,小明友識做好多嘢,不過屋企媽咪同姐姐服侍得太好了....有問題揾吓黃副校長,(校長好似忙d,但副校長就經常喺附近).

仲有,如果有時間,不妨做多d家長義工,咁你就會見到小朋友在校的情況.可以做早上15分鐘的故事姨姨,我又試過睇k1的小朋友燒烤,佢哋喺自己燒自己食(我喺幫吓拮吓嘢,睇吓火咁).

所以有不快,同老師或校長傾吓,唔好咁嬲住.

我又覺得德幼算幾有heart,起碼冇好似一d揾錢學校,收足你12個月學費,而家仲係唔係一年10個月學費呢?
我的小朋友同佢d同學仔都好鐘意呢間學校,有d仲喊哂話唔想畢業,因為掛住老師....我的小朋友升上小學,仲偷偷同幼稚園打招呼(因為喺隔離).....升上小學成班都好開心,好似個大家庭咁,升中派位又算唔錯,年年都有廿幾個入九華....升小學就算唔入德小,我的小朋友d同學仔都有入油天,st.mary....德信同德望係友校,以前可以幫d女同學攞表,而家唔知仲有冇.

你亦可以睇吓德小d post,有時又有d幼稚園嘢,睇吓佢哋升上小學開唔開心等等......

以上純屬個人見解,請多多指教,大家分享吓!

zaku51889

原帖由 chaubb 於 09-10-1 08:19 發表
Hi zaku51889,

我個小朋友也是讀德信的,我和你想法一樣呀...點解學校沒有手冊(之前我個小朋友也是讀其也幼稚園),真的可能有個比較啦,根本不知他在學校學了什麼,只知道他每日回來就check他書包和問他老師有什麼講,其 ...

咪係囉,我個仔識講嘢呀,但仲有啲bb口音,同埋好多嘢仲未表達到,點樣將學校情況話俾家長聽呢?不過,今日响樓下撞到同事,原來佢個仔响德信讀小2,佢話校風都唔差,其實學校想d靚仔獨立d,佢個讀到而家仲好鐘意返學添,至於手冊,我尋晚睇到個仔書包入面有張紙,我同事講,呢張紙就d細路由第1至第5週所學過嘅內容!
其實我都諗過轉校,你小朋友轉咗邊間呢?ok嘛?
樓下晶晶都係一般lor,貪佢夠近,不過d功課頗深,同埋小1派位都幾好,但係好似無乜小朋友讀

zaku51889

原帖由 winnie_yiu 於 09-10-2 14:11 發表
我的兩個小朋友也是德信幼稚園,已畢業並升上德小.所以對德信的情況也算清楚,以我所知,每星期都會有一張學習進度(A4)派發,家長便知道小朋友在校所學,以我的經驗,k1的小朋友也未必可以準確告訴你,他學過什麼.以前我問 ...

好多謝你嘅意見同埋分享你嘅經驗呀,我睇完之後,安心好多!

chaubb

佢轉左劍鳴啦....希望他ok啦....好次我個小朋友第一日返學,個班主任都主動打來講下他的情況,但相比德信就真的沒有呀....都是我自己打去問下他,另外次中我覺得他的教具和玩具太舊,點都好...他學校咁耐一定有他的好處的...但可能我暫時未知道的,
哦....留下那間功課很深呀...真的估唔到呀...

zaku51889

[quote]原帖由 chaubb 於 09-10-5 00:20 發表
佢轉左劍鳴啦....希望他ok啦....好次我個小朋友第一日返學,個班主任都主動打來講下他的情況,但相比德信就真的沒有呀....都是我自己打去問下他,另外次中我覺得他的教具和玩具太舊,點都好...他學校咁耐一定有他的好處 ... [/quo


係啦,德信要接放學時,有嘢先話你知,你想問問題就要等d靚仔走哂先得,同樓下晶晶一樣,好在德信响10月中有家長會,到時就有排問!
我細個响尖沙咀住時,已經知德信幾好,都成30幾年喇,舊都好出奇,我老婆見過學校用d真嘅舊電話做玩具,都好吖環保嘛!
晶晶功課深,都係人地話我知,但我個仔讀預備班時,已經有好多功課做,如果我同你都係住同一條邨,都可以試試嘅

Lasangles

德幼真係好小有家長談論. 好辛苦先搵到有POST講. 我本人好注重德育. 知道D間學校亦都好著重德行及自理能力. 但學術方面真係唔太清楚.

唔知有無家長可否提供這些呢?