大角咀天主教小學(海帆道)家長會

小孩子的天空

lam2hei:

我個仔只是好彩,maths又唔洗點温,又有老師讀題目,我有了上一次test的經驗後,咪叫佢唔好訓覺law(上次佢訓到老師叫佢先起身)

lam2hei

Bowiema & 小孩的天空,
我參加了家長教師會的活動--
圍棋(A), 如果人多參加要
抽籤, 你地有冇參加? 睇下見唔見到你地
切磋一下!

有鑑於上次音樂會報告, 勞煩日後有特別project(尤以
唔駛寫手冊嗰種), 可否大家在此remind一下!

謝!

lam2hei

小孩子的天空,
佢maths咁好, 你帶佢去街市或超市買餸, 一定
唔會比人呃! 我個女d數
唔店! 我要同佢加倍努力!

Bowiema

lam2hei,

我無參加呀!! 因為好多時sat都有其他野要做. 你有無參加親子合唱團呀?? 我同小孩子的天空都希參加. 今個sunday要返校唱了.

好呀!!以後有special project, 大家互通消息la.....

lam2hei

Bowiema,
親子合唱團? 我無參加喎! 係咪
教會攪架?

Bowiema

lam2hei,

係學校攪ga, 每月有一個星期日會返學校唱歌, 分享下, 校長既hubby都會黎. 唱完仲會比佢地係操場任玩, 校長hubby會同小朋友踢波tim. 時間:11am - 1:30pm

lam2hei

Bowiema,

如要參加, 係咪之前要
報名? Walk in 可以麻? 同麻
係咪每個月最係的
一個星期日?
係操場任玩...咁除了踼波, 仲有乜野
玩? thank you!

今個星期, 佢地無乜
功課, 我地真係好
舒服輕鬆呢!

Bowiema

lam2hei,

我係之前既通告報名, 不過你可以打去學校問下.
除咗踢波外, 仲可以玩sport 堂可以玩既野. eg, 豆袋, 跳繩, 排球....

係呀!! 今個week好舒服, 不過我諗下個week又來料lak....

sandyaloha

Hello everybody!
我是Sandy,兒子讀1B,好開心係到識到大家,今個星期日的親子合唱團會唔會出席?
考完試有沒有同仔女輕鬆一下?好快下學期開始了,返左半個學期,習慣了小學生活沒有?我從沒想過原來而家的小一一啲都唔簡單,即使你好勤力好勤力,都好難取得100分,因為啲試卷中包含好多唔會預計到的問題,小朋友的臨場反應都好緊要。
我的兒子並不是十分勤力的孩子,但佢對自己好有要求,好似從第一次測驗中佢有少少緊張(包括我自已),有些科目差少少至取得100分,佢就好唔開心(可能幼稚園的100分比較易攞),我用了很多時間解釋給他聴,拿不到100分不要緊,只要盡了力便可以了。自此之後,第二次測驗明顯輕鬆了,而且成績反而有了進步。我不想孩子由小一便感到壓力,好希望他能輕鬆面對,好好享受這兩年,到三年級開始就真的不能鬆懈,到時再發力都未遲。
不知各位有何高見?我知有些家長小一已經開始"谷"啲小朋友,會唔會太早一點呢?我只得一個小朋友,沒有什麼教仔經驗,有時可能太"理想化"現實中不知能否行得通?現在只拿我的兒子做"試驗品"。

Bowiema

Hi, sandyaloha,

明天既親子合唱團, 我同小孩子的天空都會返去ga. 你會返去嗎?? 我地點樣可以相認呢??

其實平時我間唔中都有送仔仔返學才返工, 如果你都有, 大家又可以見面閒談一下.

係呀!現在既小一真係唔簡單, 真係要好比心機, 時間同方法去教佢地. 我仲有一個細既(現在讀緊K1), 所以時間真係要分配得好好.

我pm我既mobile phone no. 比你, 如果你明天返去, 可以call下我.
  

sandyaloha

Bowiema,
多謝你的回應,唔好意思,我29日冇check pm,所以冇聯絡你,你是全職媽咪?我也pm我的mobile phone no比你,得閒交流吓。
今日校長抱住嗰個係咪你個細仔?佢好鬼cute,又唔怕羞。

sandyaloha

Bowiema, lam2hei & 小孩的天空,
明日我放假,會返學校睇佢地升旗,和老師傾下計,你地會唔會返去?睇下會唔會相遇?

Bowiema

Hi, sandyaloha,

係呀! 今日校長抱住果個係我個細仔呀!
我係working mum, 不過返工既時間好stable, 5日工, 返9:30am而且唔駛ot, 夠鐘就可以走人. 老闆份人都好understand, 好似考試時佢唔想我連續請甘多假, 比我下午帶阿仔返公司做exercise, 溫書.
明天未決定送唔送阿仔返學, 不過我多數friday都會送. 小孩子的天空就日日都會自己送阿仔返學, 因為佢無坐校車既.
得閒多d上黎chat下啦! 大家交流, 交流.

sandyaloha

Hi Hi,Bowiema,
我都係啱啱至做返野,只是part-time返9到1點,因為時間好fit我,又可以照顧到個仔,所以至返番工,我唔想咁早就退休,遲多兩年會做返full-time,生活迫人,搵埋搵埋咪又係為個仔。

你有冇join學校啲課外活動?我個仔參加左書畫班同劍橋小院士,上學期join左英語戲劇,個仔話得個玩冇野學,好無聊,我同佢講:「得,冇問題,難得你話冇野學,就比啲有野學比你歎。」

我個仔的興趣好多,一時話呢樣,一時話嗰樣,總知樣樣都啱,佢竟然同我講話學晒五日,但老師話最多參加兩樣,佢至心息。

lam2hei

Hello Sandy,

我個女係1D班. 好高興係到見到你!
check pm please.

噚日, 你地玩得
開心! 今日起, 又要
忙碌了!

今個星期三, 我會跟學校去
老人院, 唔係你地會否去?

Bowiema

Sandy,
我仔仔只報咗圍棋, 因為小提琴同英文我都在外邊學. 上學期阿仔學跆拳遁, 但佢話唔鍾意要換衫, 又愛上咗圍棋(佢每朝返學都走咗去玩圍棋), 所以放棄咗跆拳道.

lam2hei,
係咪家教會舉行既活動?? 點樣可以參加ga??

小孩子的天空,
點解昨天唔見你返gei??

lam2hei

Bowiema,

係家教會既活動. 我係上星期五收到
陳主任的電話, 因我曾織圍巾給
老人家. 所以佢問我有冇時間同興趣參加.
會同高年班學生一起係學校出發及解散.
地方係上水, 時間係今個星期三(1:00pm-3:30pm).
如你有興趣, 我幫你問佢.

Bowiema

lam2hei,

今次唔得lak, wed下午有會開, 唔可以請假. 下次再有請再通知一下.

Thanks.

lam2hei

Bowiema,

ok!

sandyaloha

Hi Hi,
又係我,Sandy是也!

lam2hei我今朝見到你老公,佢着住件長褸好鬼型仔。我都有織頸巾比啲老人家,不過嗰日可能去唔到,因為新經理上任,唔知可唔可以早走,我將我啲愛心交托埋比你,等你探訪佢地時傳比佢地。Check pm please.

Bowiema,我今朝返學唔知邊個係小孩子的天空,搵日要認識吓佢。今日有個同學仔來同我講,話1C班有個小朋友想識我個仔,我估嗰個應該係你個仔,但我個仔今日要去小童軍,所以緣慳一面,我同嗰個同學仔講,明天再搵佢,代我個仔同你個仔講聲sorry!

仲有,想請教吓Bowiema,點樣可以upload啲相上來?我試過upload啲相上來,但唔成功,得閒教吓我,Thank you so much!
:  :