安琪校服

yesasiamama

我遇到一間態度超差既校服店, 就係荃灣既安琪校服, 呢間係學校提供的校服商之一, 10月中訂咗冬季校服, 原本話11月6日有得攞, 後來又話要到11月13日先有, 咁訂咗就諗住算啦. 點知今個星期開始凍, 咁我噚日就打去學校, 問下佢地有無得提早派校服, 學校就話要問下校服商.

我自己等唔切, 主動打去安琪度問, 睇下有無俾我自己落去攞, 點知接聽電話個女人超無禮貌, 佢初初話唔關佢地事, 係學校遲咗俾訂貨單佢地(佢講啫), 咁就算啦, 我再問一次, 我可唔可以自己去攞, 個女人就發爛渣喇, 佢話如果個個都係咁上去攞, 佢地咪好唔得閒????

仲抵死既係, 佢話d貨已經擺係度, 要睇下佢地得唔得閒送. 做生意既野都係為顧客打開方便之門啫, 我地身為家長, 見到個仔咁凍都仲著住條短褲, 好心痛架. 如果早知佢地係咁, 我就唔係佢度訂啦. 佢地d態度好似d生意唔憂做咁, 而家市道咁差, 加上咁既服務態度, 都唔明點解呢間公司仲可以生存到.

蘇蘇

路過八下...你小朋友係咪讀天主教學校的??? 因為..我的情況跟你一樣..6號改13號.  所以呀仔今天都要著住夏季校服先, 好彩呢個星期有兩天是著運動衫, 而我之前又在另一間校服商買了運動衫, 今天又暖番一點, 問呀仔, 佢都話 ok 的, 係落樓果陣凍一下, 回校就已暖番好多.

我今個星期初都有打過去安琪問, 不過就係一個男人, 唔知係咪好多人都有打去, 佢好快已經講左唔可以自己上去攞, 因為已經 pack 好晒入晒箱, 一定要等 13號送到學校, 不過佢既態度就 ok 的, 無你遇到的女人咁差.

原帖由 yesasiamama 於 08-11-11 13:35 發表
我遇到一間態度超差既校服店, 就係荃灣既安琪校服, 呢間係學校提供的校服商之一, 10月中訂咗冬季校服, 原本話11月6日有得攞, 後來又話要到11月13日先有, 咁訂咗就諗住算啦. 點知今個星期開始凍, 咁我噚日就打去學校, ...

kim0530

你講嗰女人,我老公到遇過.我小朋友讀主恩小學,也是同一個供應商.我到聽過間公司態度係極差,所以叫老公上去拿衫,禁個女人摷唔到,點知嗰惡婆話:摷唔到,聽日咪再嚟囉.嘩!洗唔洗禁串, 我到唔明我哋間學校今年采用佢.好多主恩家長對安琪:不滿.

ivory0915

安琪 is very famous, with their BAD services.  However, why they could still be the school uniform supplier is that they pay a lot of $$ to school (said that those $$ are donated to school for development fund).  This is not a secret .

Kennisliu107

原帖由 yesasiamama 於 08-11-11 13:35 發表
我遇到一間態度超差既校服店, 就係荃灣既安琪校服, 呢間係學校提供的校服商之一, 10月中訂咗冬季校服, 原本話11月6日有得攞, 後來又話要到11月13日先有, 咁訂咗就諗住算啦. 點知今個星期開始凍, 咁我噚日就打去學校, ...

Same case as "主恩小學無良加冷血的校服供應商".  Pls see the following suggestion.

http://forum.edu-kingdom.com/viewthread.php?tid=1683127