小學教師行為不當又怕校長不受理可以點樣?

wschoi6149

1)      本人從小兒(小學三年級)及同班同學家長口中得知以下情況, 又怕校長不受理可以點樣?
  



*老師要求排隊喧嘩的同學跪在地上，向老師認錯及哀求老師准許在下一課堂時用電腦。
他甚至要求跪地學生 「伸脷」及 「扮小狗」，老師會用手撫摸學生的頭，照辨的學生便可用電腦。弄得其他學生哈哈大笑，如此身教實令下一代受害。


*有一次老師在帶領高年級學生參加音樂活動後並沒有時間進食午餐。回校後在帶領學生到達資訊科技室外時便以同學喧嘩為理由，全班被罰返回課室自修或做功課。而老師則在學生面前進食午餐，吃剩的骨頭就作弄學生問他們吃不吃。


*20/10/08在資訊科技堂上更掌摑同學面部。


*老師用手抽着學生証的帶令小朋友覺得自己是小狗。




[ 本帖最後由 wschoi6149 於 08-10-21 01:28 編輯 ]

justinnma

你問咗幾多個家長?最好問多幾個,有多d証據先. 如果老師真係做d咁既事,係好多學生見到,應該有好多人證.你先了解多些,再同校方講.

原帖由 wschoi6149 於 08-10-21 01:26 發表
1)      本人從小兒(小學三年級)及同班同學家長口中得知以下情況, 又怕校長不受理可以點樣?
  



*老師要求排隊喧嘩的同學跪在地上，向老師認錯及哀求老師准許在下一課堂時用電腦。
他甚至要求跪地學生 「伸 ...

ivory0915

我會同校長講。

808280

一定要比學校(校長)知,個老師心理都有問題,
點可以甘對小朋友, 如校長不受理,
就要post間學校名出來,等同校家長比壓力
個校長.

papa一個

原帖由 justinnma 於 08-10-21 07:09 發表
你問咗幾多個家長?最好問多幾個,有多d証據先. 如果老師真係做d咁既事,係好多學生見到,應該有好多人證.你先了解多些,再同校方講.

唔使再問啦, 自己小朋友加埋另一個家長, 都已經有兩個人啦, 最重要係你和子女間的互相信任, 而家佢向父母求助, 父母都唔即時回應行動, 小朋友以後都費時話你知.

仲有呢件事都好嚴重, 無論老師係玩下或者認真, 對小朋友心態都有好差既影響, 應該即時通知校長制止, 如果校長唔作任何行動, 要諗下轉校同公開學校名稱.

pak_sang

I will trust it if I see it.

csc_y

我會想: 小朋友所言的, 是否真的百分百真確呢?
有時, 不是不信自己仔女, 只是想肯定事情的真實性. 無謂冤枉人.
其實這亦保護緊自己仔女.
如果事情不是這樣的, 老師可能會對小朋友及家長有個壞印象, 覺得你太寵壞子女.
加上, 因未肯定而錯怪了老師, 老師心中亦不好受, 自己錯怪老師亦不舒服.

我會先問下其他家長, 知唔知道有此事發生.
待確實此事後才告訴校長.
校長不受理, 搵家長教師會.

citadel

原帖由 wschoi6149 於 08-10-21 01:26 發表
1)      本人從小兒(小學三年級)及同班同學家長口中得知以下情況, 又怕校長不受理可以點樣?
  

*老師要求排隊喧嘩的同學跪在地上，向老師認錯及哀求老師准許在下一課堂時用電腦。
他甚至要求跪地學生 「伸 ...

這種會令學生身心受創的做法完全違反教師的專業，如果向教署投訴又查明屬實，那個師不單會被開除，還會被沒收公積金...（指的是零零年前入職舊人，合約的新人只有強積金）！

若然屬實，通常事件的主角若非精神有問題，就是校方某某權貴的親信，以為可以有持無恐...

[ 本帖最後由 citadel 於 08-10-22 07:06 編輯 ]

wschoi6149

問題巳經confirm過幾位同班幾位小朋友，所以巳同學校反影咗。校方話比2日時間佢哋查吓先。真是有點無奈!

justinnma

點解無奈呢?查都要時間,你等下學校有咩答覆先. 照正校方会見當事人,老師&其他同學. 因為果d行為係全班都睇到的.就算乖既學生都唔会認同. 全班無飯食&以骨頭相辱就更多人会做証. 只是到底detials係點就真係要查清楚,我諗最好联絡到被掌摑的同學家長了解一Ｆ.

原帖由 wschoi6149 於 08-10-22 23:09 發表
問題巳經confirm過幾位同班幾位小朋友，所以巳同學校反影咗。校方話比2日時間佢哋查吓先。真是有點無奈!

papa一個

卒之都攪到上報紙啦,  北角官立小學出晒位啦.

而家上左報紙攪大左件事, 希望唔好影響到班學生, 我覺得如果家長及學校知道後, 立即處理, 咁事情發展會正面得多.

而家每拖多一日, 加埋報紙推波助瀾, 學生唔多唔少都會受到傷害, 仲有跟據報紙報導, 學校態度又太過曖昧, 甚至幫教師釋, 話係玩下講笑, 咁點可以令學生學到正面既價值觀?  

ps. 對justinnma 所言不敢茍同, 第一我地唔係警察, 學校有事唔係我地去查, 立即同學校傾(唔好當係投訴)先係我地家長既責任; 第二就算我唔係該校學生家長, 聽到咁既事, 都覺得個心好唔舒服, 作為該校學生家校, 我覺得"無奈" 已經係冷靜既表現.

justinnma

原帖由 papa一個 於 08-10-23 08:35 發表
卒之都攪到上報紙啦,  北角官立小學出晒位啦.

而家上左報紙攪大左件事, 希望唔好影響到班學生, 我覺得如果家長及學校知道後, 立即處理, 咁事情發展會正面得多.

而家每拖多一日, 加埋報紙推波助瀾, 學生唔多唔少都 ...

第一,我話查要時間是指校方,不是叫家長自己去查,事態嚴重當然要投訴,但你不能期望一投訴校方不查就站在家長or教師那邊.
第二,我認為要多向其他同學及家長了解,是因為樓主話"怕校長不受理",學校偏幫犯錯教師偶有聽到.要針對此問題,家長若有充份證據,到時學校就無得抵賴.我明白當時人会好嬲,就算對班上其他同學亦有不良影響,但要勝券在握,處事便不能魯莽.

wschoi6149

Ans: 英皇道(原本是上午校) 那間

wschoi6149

係個亞Sir帶高班去睇音樂表演後回校不夠時間食飯，
又要再上細仔堂(小三)便以學生嘈為借口不上電腦課ｏ並在課室吃飯並問對住老師枱的學生吃不吃他吐出的骨頭。離晒譜 :;pppp: (學生已吃飯啦!)

報章比了壓力教處及學校，巧合孫公上電台，
事件剛上報就被人問起....學校仲大壓力...
所以處理得甘快。否則仲有排拖....

希望事情已告一段落，多謝各位意見。
~~~~~~~~~~~~~~~~~~

原帖由 justinnma 於 08-10-23 03:49 發表
點解無奈呢?查都要時間,你等下學校有咩答覆先. 照正校方会見當事人,老師&其他同學. 因為果d行為係全班都睇到的.就算乖既學生都唔会認同. 全班無飯食&以骨頭相辱就更多人会做証. 只是到底detials係點就真係要查清楚, ...

[ 本帖最後由 wschoi6149 於 08-10-25 00:09 編輯 ]