有咩方法可以計數計得準呢?

lillymarie

我個仔小三啦, 開始學到4位數加減就C啦
成日將加變成減, 計計下又唔記得咗進/借位
將D數字由橫式抄去直式, 或者將答案由直式抄去橫式時, 成日抄錯
做5題, 錯2題.....

請問大家有咩方法可以改善佢運算的問題呢?

808280

為有做多d數,正所謂功多藝熟.

conniengor

Hi lillymarie,

我個女都係咁喎,成日無進位, 减數又無扣借住, 都唔知點算g3啦!
学左3年珠心算潻, 都係咁!

TomDog

我女女都係, 計10位以上會忘記進／退位, 我而家都試緊叫佢寫低/用手指記住, 雖然佢話老師唔鐘意, 應該用心算, 但我認為做草稿幫助計算不是錯。

有好多時佢係因為無心機所以唔專心, 我叫佢邊唸邊做, 無咁容易遊魂。佢係度唱大戲咁唱出黎, 我都唔理啦, as long as she gets things done。

pui5867

這是因為基礎打得不穏之固,可能問題出在二年級,這是有很多家長會忽略的,我建議先從合十開始學,然後學習加法,熟練後才可計減,並需教授女子處理進退位,

pooh仔

估唔到在這裡找到"同道中人", 我仔仔亦是小三, 你所講既問題完全一樣, 簡直似孖生兄弟.
問題正正是佢地粗心大意, 諗住快快做完便算. 在今個暑假我assigned exercise (p.3 運算題) 比佢做, 佢可以全部錯晒 (正是你所講的都有或更甚), 可以一道題改4-5次先至啱. 簡直火都來, 鏟到佢上天.
但現在情況已改善咗好多,準確達90%以上, 因我常常同佢講你唔好貪快, 要睇清楚. 有冇抄錯數字、符號、進位、借位、答案, 唔好多手加多一點(即進位借位用的標記)...,  要經常數佢d唔小心,一籮籮話佢知.令佢潛移墨化.
要佢熟練20以內的加減, 唔係做多d3位數,4位數,5位數等, 而是計熟20以內的數. 如: 17-9, 17-6, 15-7, 15-6, 14-9.....等.
我仔仔最弱是"0"的借位數, 如:5000-1678, 佢經常唔知要借完再借, 所以常常計多咗.  

原帖由 lillymarie 於 08-10-10 12:18 發表
我個仔小三啦, 開始學到4位數加減就C啦
成日將加變成減, 計計下又唔記得咗進/借位
將D數字由橫式抄去直式, 或者將答案由直式抄去橫式時, 成日抄錯
做5題, 錯2題.....

請問大家有咩方法可以改善佢運算的問題呢? ...

lillymarie

原來阿仔的問題, 咁多人都有.....
佢係學校做數, 心算4題, 錯哂, 第5題用直式計先啱
最近張工作紙, 10題錯8題, 好在改正時, 終有1題可以自己計啱, 唔使我提, 都叫有進步.
可能佢真係基礎唔穏, 好多謝各位的意見, 我會試下同佢練習計心算, 希望可以幫到佢改善啦