如何教孩子背英文字 (默書用)?

grace_xian

仔仔媽咪:

有你咁用心教佢, 我諗點都有些效果啦,
就算佢上場失准, 都係緊張造成, 迟下多啲訓練佢, 累積經驗, 一定會睇到佢進步架

你仔仔有乜嘢特殊問題? 係咪專注力唔够果啲呀?

原帖由 ~仔仔媽咪~ 於 08-9-29 17:54 發表
係喎~~~大家D野好多都一樣添~~~nice to meet you~~我都相信我地會好啱傾~~不過我真係好少入黎教育王國呢樹傾架~~始終我仔有特殊問題,有好多野我都係靠自己去度橋諗計仔去教個仔多...英文呢家野我都係啱啱個 ...

grace_xian

仲有無媽媽教小朋友的默書經驗分享下

yylrso

多謝各位媽媽的分享
本人有兩個小朋友放學後就上補習班做功課, 大仔P.4一向都唔鍾意英文, 細女P.1中文同數學都無問題, 只係英文, 佢一默書我就好驚 要花好多時間同佢串字, 而不是一般的串字係要用講故事既形式. 每次默書都10句, 每一個英文字都要講故事佢先記得. 死記都記唔到. 到教試既時候我都唔知點算.
請問各位媽媽有無好方法指教一下.

阿西

原帖由 yuenwa 於 08-9-27 21:18 發表
如今朝我和她串 Today, 我就問她to好似有乜音, 她想到好像T 的ta 音, 她便估到 today的第一個字母是T.  如此類推, 小朋友多練習, 便不覺背串英文字好悶, 亦會大膽嘗試串不懂的字.

c火，可能我家人係拼音白痴，個to字點會associate到個ta音呢﹖我自己聯想唔到，我試過咁樣考個仔，佢一look木咁望住我。字母既phonics sound點讀我地識，但無聯想力呀

pattyw

拆字背、一邊寫一邊抄等方法都試過
但效果都係一般，感覺係要小朋友有興趣先得，但大多數溫得個幾個字就心散

重要學校每星期默英、中2科
而ga已講緊今個月23/24號小測
實在太快，剛剛先適應p.1學習、上課既節奏

Fion_Chan

我都係用拆字，但就唔係我拆，叫阿仔拆，用唔同顏色筆分開唔同既部份，有D似玩，佢都鍾意的。如果時間許可，可以比佢用唔同顏色字母貼紙添，一定鐘意，但搵字母花時間，要借D意霸佔佢遊戲時間才可以，一定唔可以默書前一晚咁做，個晚一定大家都心急。佢自己做的字卡會比較有感情，肯望下。
至於點拆，多數分音節拆，但就唔一定，有時幫個字形狀分高低(即 h, l, 同 a, e, 同 g, p 有唔同高低)都會。
但最緊要唔好心急，通常默書範圍一星期前就有，我第一天就試默，之後一堆唔識既字，就做字卡，每日溫兩三個，5日都溫到十幾個生字，最後一晚再抽默幾句phrase會輕鬆d。如果呢一晚重係有字唔識，我就唔強求了(細仔就係咁)。

grace_xian

fion-chan:

唔同顏色字母貼紙係哪裡買, 普通文具鋪有賣嗎?
呢個方法我諗小朋友唔會覺得悶, 咁就真的解決了他唔肯串字的問題
謝謝你~

原帖由 Fion_Chan 於 08-10-6 14:05 發表
我都係用拆字，但就唔係我拆，叫阿仔拆，用唔同顏色筆分開唔同既部份，有D似玩，佢都鍾意的。如果時間許可，可以比佢用唔同顏色字母貼紙添，一定鐘意，但搵字母花時間，要借D意霸佔佢遊戲時間才可以，一定唔可以默書前一晚咁做，個晚一定大 ...

~仔仔媽咪~

我仔啱啱派番默書簿番黎, 終於有分睇喇!唔再係零蛋,都有三十分~!!!雖則都係唔合格,但至少我仔都終於行出第一步!有分仲要唔係個位數字已經算係咁!

我仔本身有自閉傾向+過度活躍專注力不足+學習障礙+動作協調障礙.依家好D喇,食住葯咁番學至少都定D,今年D老師都讚佢讚多咗,都話佢進步咗,至少有時上堂都唔駛幫佢,佢自己都會自動自覺咁拎書出黎,而唔係全程發夢.

原帖由 grace_xian 於 08-9-30 11:17 發表
仔仔媽咪:

有你咁用心教佢, 我諗點都有些效果啦,
就算佢上場失准, 都係緊張造成, 迟下多啲訓練佢, 累積經驗, 一定會睇到佢進步架

你仔仔有乜嘢特殊問題? 係咪專注力唔够果啲呀?
...

joey仔媽媽

我曾經比仔跟外國人學拼音，除了可以學到拼音之餘，又可以聽多d英文，不過到一年班時，英文比較多又深，所以經常忘記，於是我又幫他報明愛的記憶專注力班，唔知是否適應了小學的課程一或真的有些幫助，因為到了下學期他的串字和記憶都明顯有進步

irenec

我認為小朋友由細開始比佢認識併音, 對上左小學默書的而且確有好大幫助

olkan

我之前聽過一個記憶講座, 講師教了一記憶法, 但我覺得只可給P1或P2的小朋友暫記.

方法是把字串幻化成故事, 有禁特別攪到禁古怪. 通常幼稚園時, 老師已教a for apple, b for boy......等

如: snack - 就會變成有1條蛇(s)個鼻哥(n)塞住個蘋果(a)見倒一隻(c)咬住條匙(k)

grace_xian

仔仔媽咪:

恭喜你, 都算係邁出了第一步, 加油哇~
辛苦了, 重陽登高望遠可以輕鬆下自己同仔仔的情緒,
relax la !

原帖由 ~仔仔媽咪~ 於 08-10-7 12:39 發表
我仔啱啱派番默書簿番黎, 終於有分睇喇!唔再係零蛋,都有三十分~!!!雖則都係唔合格,但至少我仔都終於行出第一步!有分仲要唔係個位數字已經算係咁!

我仔本身有自閉傾向+過度活躍專注力不足+學習障礙+動作協 ...

grace_xian

olkan:

呢個記憶課程比我覺得好似仲要記多啲嘢,
anyway, 小朋友一定要知道nose係鼻的第一個字母, 唉,
希望坊間會有好的既記憶課程比我哋父母參考下啦

原帖由 olkan 於 08-10-7 17:38 發表
我之前聽過一個記憶講座, 講師教了一記憶法, 但我覺得只可給P1或P2的小朋友暫記.

方法是把字串幻化成故事, 有禁特別攪到禁古怪. 通常幼稚園時, 老師已教a for apple, b for boy......等

如: snack - 就會變成有1條 ...

grace_xian

joey仔媽媽:
可否講多啲呢個記憶專注力班係學啲乜呢?

多謝分享~

原帖由 joey仔媽媽 於 08-10-7 16:25 發表
我曾經比仔跟外國人學拼音，除了可以學到拼音之餘，又可以聽多d英文，不過到一年班時，英文比較多又深，所以經常忘記，於是我又幫他報明愛的記憶專注力班，唔知是否適應了小學的課程一或真的有些幫助，因為到了下學期他的串字和記憶 ...

echan767

我覺得你可以用d有趣d嘅方法教孩子背英文字。

~仔仔媽咪~

都係既~~至少見到我仔有進步,已經好開心~~~

原帖由 grace_xian 於 08-10-7 18:03 發表
仔仔媽咪:

恭喜你, 都算係邁出了第一步, 加油哇~
辛苦了, 重陽登高望遠可以輕鬆下自己同仔仔的情緒,
relax la !

joeyjoeycc

我個仔串英文等於叫我去死 (唔係佢),
因為佢係星期二 dict,但我仔仔已經係小三9歲,但串20個英文都要串左5小時先識晒,但仲要係一定要睇住佢,因為有時我去左廁所 or 煮飯,佢就會開電視,響個廳到跳 (都唔知佢跳咩),又攞d玩具出黎玩,個心都唔知去左邊,叫佢幫手拎野,又話手痛,好累,我都懷疑佢好似(仔仔媽咪)個小朋友甘,我都想同佢去 check吓

Giant

阿仔小一, 講到默英文, 我就係 , 溫咗足足2日, 只得4個生字ok, 其餘4個要提吓佢至串到; 句子就更加唔駛講...
最慘係叫佢抄、讀了50次, 放下筆叫佢試吓默... 都係唔識;
試過利(有), 都冇符;
從日常生活中覺得佢記憶是冇問題的, 問題係佢根本唔肯去記, 都想搵d有趣味性的方法希望引起佢興趣。
已報了phonic班, 但因只上了第2堂, 唔知有冇幫助, 各位媽咪, 有方法可提供給我一試嗎？

[ 本帖最後由 Giant 於 08-10-8 15:05 編輯 ]