觀塘區/附近區升中選校

fionayan30

我個仔讀緊樂華天主教今年升小六,成績一直唔理想(英數一直都唔合格,中常其他都係平平),佢冇參加任何課外活動(因為我要返工,唔放心,怕佢自己會周圍去,平日放學比佢返補習班,但冇咩幫助=__=)佢到目前黎講都好彩唔壞囉,仲幾小朋友...放假多數玩遊戲機同跟我地行街等,但就唔多溫習囉!
明年要升中,我十分迷茫,我唔知點好...
我應該點揀選校,我知佢成績唔得,所以我十分注重校風!
請大家幫忙比意見選校,有咩可能性/合適學校介紹?我要點填選?(最好詳加說明)
另一方面,有邊間係唔會放學生外出午餐(好重要,因為我好擔心佢會學壞!)
請大家幫下手,(如果有學生提供意見亦歡迎,因為可能會更了解及經驗之談), 謝謝!

[ 本文章最後由 fionayan30 於 08-8-10 13:34 編輯 ]

papership

原文章由 fionayan30 於 08-7-26 21:01 發表
我個仔讀緊樂華天主教今年升小六,成績一直唔理想(英數一直都唔合格廿三十左右,中常就70-80左右,其他都係平平,操行B~C),佢冇參加任何課外活動(因為我要返工,唔放心,怕佢自己會周圍去,平日放學比佢返補習班,但冇咩幫助 ...

觀塘區大部分中學都係比較舊,校舍重細過d新建小學,因地分細多數都會容許學生出外食飯,不過有時出外食飯,又奇係剛剛升上中學,真係幾令家長擔心,我見過在藍田區兩間好出名的男校,女校,d學生出外食飯個個都乖仔乖女,唔需要擔心,但亦見過在觀塘有幾間學校d學生,一d就三五成羣在球場煲煙,一d就打機打到要飛的士回校,如果你話午膳時間要留校食飯的話,我知到你仔仔學校隔離個間,褔建中學就要學生在學校食飯,需然間學校就(左左地,你亦可以話係愛國),但無可否認間學校在這6,7內(之前唔係好咁)d校風真係唔錯wor,都可以考慮

Viman

請問係知道St. Joseph 的校風好嗎?