過來人, 妳們有經驗可分享一下嗎?

Joe媽媽

細仔12月出世. 1-2年級都是(85-95分)總平均分,3年級80分左右, 四年級重死, 上學期78分. 今次大考總平均分得70! 那樣成績如可入讀 band 1 中學?? 點算好?! 越高年班問題越嚴重! 原校重讀就沒可能的了, 因為不是不合格, 學校跟本不會批准給妳留班! 妳們會如何做? 如何幫一幫他呢? 坐視不理嗎? 轉校重讀小四嗎? 不再理他, 升到五年班就無彎轉的了, 一定要死讀上去! 還是原校照升小五, 給他補習???? 妳們會如何做?

數學比賽全級頭三名, 但數學考試得"70分"問妳點死!? 我不開心了兩天  想下想下又流眼淚了, 他考試我請半日假跟他溫書, 考試之前三個星期開始閉關...

成日給老師記手冊, 叫他做page 21, 他又做了page 27. 要他罰抄又可以抄錯內容! 妳話係咪底能! 個C6又坐視不理, 佢話妳想點米點囉......

妳們明白我有幾唔開心嗎?

Sindy

原文章由 Joe媽媽 於 08-6-22 16:38 發表
細仔12月出世. 1-2年級都是(85-95分)總平均分,3年級80分左右, 四年級重死, 上學期78分. 今次大考總平均分得70! 那樣成績如可入讀 band 1 中學?? 點算好?! 越高年班問題越嚴重! 原校重讀就沒可能的了, 因為不是不合格 ...

最重要睇下佢有咩問題......中文同英文點樣?因為要底子的,數學及其他科都仲可以跟緊d補鑊........中英都有問題既話,我覺得重讀你真係可以督到佢既話就有用,唔係都係浪費時間

vespa

我都好明白做媽咪嘅心情, 不過唔使唔開心, 有時考試呢家野都有D講彩數, 我聽亞女講以前有個同學仔考試成頁漏左答都係咁... 又或者今期試題零舍深都未定, 不如你問返亞仔, 其他同學仔D成績點(當然係平時同佢差唔多成績個幾個), 如果都係低左, 可能真係今次份卷深左D...

其實平時亞仔學習態度係點先值得留意, 考試偶有失手在所難免...
一二年班成績好都係歸功亞媽, 再大個D就要靠亞仔自己啦...

Joe媽媽

原文章由 vespa 於 08-6-23 11:31 發表
我都好明白做媽咪嘅心情, 不過唔使唔開心, 有時考試呢家野都有D講彩數, 我聽亞女講以前有個同學仔考試成頁漏左答都係咁... 又或者今期試題零舍深都未定, 不如你問返亞仔, 其他同學仔D成績點(當然係平時同佢差唔多成 ...

只有他一人成績低了那麼多? 中/ 英文是閱讀理解不理解. 作文又東拉西扯. 數學是大意. 只得常識有 84分, 普通話 87分. 但呈分不計的嘛.
不讀多一次小四打好過底, 升上中學點算?

Joe媽媽

原文章由 Sindy 於 08-6-23 02:16 發表



最重要睇下佢有咩問題......中文同英文點樣?因為要底子的,數學及其他科都仲可以跟緊d補鑊........中英都有問題既話,我覺得重讀你真係可以督到佢既話就有用,唔係都係浪費時間 ...

但不給他重讀, 照升小五, 會唔會想督都唔掂? 沒有時間了, 一定要請人補習了.

他是粗心大意之大頭蝦, 罰抄都可以抄錯, 想給他讀多一年, 等他定性一點才去呈分, 當然成績不好, 其他學校都未必會收你, 但我都要想辦法做一些東西嘛

ngkwaiyee

原文章由 Joe媽媽 於 08-6-23 13:35 發表


但不給他重讀, 照升小五, 會唔會想督都唔掂? 沒有時間了, 一定要請人補習了.

他是粗心大意之大頭蝦, 罰抄都可以抄錯, 想給他讀多一年, 等他定性一點才去呈分, 當然成績不好, 其他學校都未必會收你, 但我都要想辦 ...

其實又唔使重讀咁嚴重......
如果班主任認為佢升唔到小五都會建議你重讀啦,
如果想佢成績好d想重讀小四,
咁如果到時小五成績都係唔好又重讀?!
到時升中既時候咪一樣睇到佢"冧"過班....
不如幫佢補下習,最好係補習社,
可能有同班同學一齊補,咁咪唔驚佢抄錯功課囉,
或者可以同班主任傾下,叫佢搵個同學仔幫手睇下佢本家課冊囉...
我個仔直情唔抄功課,日日都打比同學仔問,
但仍然成日欠功課 ....
當佢升到小五,學校會話比佢知升中有幾緊要,
d同學開始好緊張,佢又可能會上心d呢...
我果仔小三時夠攞過全港奧數比賽優異獎啦,
佢地係聰明,但係懶....後尾我地係咁不停解釋比佢聽有幾重要,
比d信心佢,而且要比佢知道父母都會幫佢技持佢,
最終都考到心儀英中.......
所以你都要努力啊

connie1214

如果是我的話, 我會由得佢升, 暑假後, 思想
各方面可能都大個D, 識想D, 另一方面, 搵人
幫佢補下習, 應該問題不大

I_sister

其實你不要太沮喪,畢竟還有整整兩年才升中,
可以慢慢來,找出常犯的問題再對症下藥....
依我數年替小朋友上門補習的經驗看,
本地學校的數學科(令你最無奈的一科)課程
有兩個最大的關口,
第一是小四、五開始學抽象的數學如方程式,
第二是中四、五的會考課程,
你的孩子現在正正在第一個關口徘徊,
解決了他便可勇往直前一段頗長的時間,
我認為,數學是可以操練的,不妨找些練習給他,
或者要求每週末都額外(在學校功課以外)
做四五頁數,一定有幫助....
另外,既然學校規定只有不及格的同學才須留班,
即是他們有信心你的孩子是絕對有能力升班,
你又為何看輕他呢?
況且重讀不等如會進步,
我以前有同學重讀了兩年(讀了那課程三遍)
也是考全級最尾....

fafa10322

原文章由 Joe媽媽 於 08-6-22 16:38 發表
細仔12月出世. 1-2年級都是(85-95分)總平均分,3年級80分左右, 四年級重死, 上學期78分. 今次大考總平均分得70! 那樣成績如可入讀 band 1 中學?? 點算好?! 越高年班問題越嚴重! 原校重讀就沒可能的了, 因為不是不合格 ...

Joe媽你別太担心。呢個時候你更加須要鎮定d分析問題，只有你才最了解他啊！如果你都六神無主.....咁仲有邊個幫到個仔呢？
第一：你仔12月出世，是細仔組，差不多是全班最細，是嗎？(呢樣好重要)
第二：四年班or五年班才重讀，分別不大，各有好壞。最重要安撫呀仔ge內心。
第三：越高年班就越睇到基本功做得好唔好！(情形就似起樓咁。)照情况睇........你仔的補習老師及學習時间有需要重新調配了！
至於數學科..其實不太難，...首先搞清楚.........1-4年班就搞好加減乘除,..........到5,6年班就應用題(即多文字的題目)...........多數小朋友(尤其坐唔定果d仔)一見到多字ge題目即時沉曬(其實識計架但總是怕了它)所以........呢d基本功一定要搞好先！
第四：試吓比阿囝食d魚油丸 or 其他supplment，有d幫助架！
第五：如果你仔是粗心大意及坐唔定，咁考試期间勿讓他吃零食及太多味精的食物(例如公仔麵)。信我，，全部都是本人經驗之談，我仔的問題跟你仔完全一模一樣！so,,,,,你的心情...我絕對明白！

littleyan

問題好易解決,就是補習,不是去補習社,而是找一些有教子女經驗的家長,(當然要有辦睇,她的子女是名到前茅),她的子女最好是學校的師兄師姐啦,因為可以做past paper及縮窄温習範圍和時間.

ngkwaiyee

原文章由 littleyan 於 08-6-24 14:41 發表
問題好易解決,就是補習,不是去補習社,而是找一些有教子女經驗的家長,(當然要有辦睇,她的子女是名到前茅),她的子女最好是學校的師兄師姐啦,因為可以做past paper及縮窄温習範圍和時間. ...

em....咁好難搵喎....
如果係都教左自己仔女先啦,仲得閒理人咩.....

Pulmma

唔好話你升中有e d 問題, 我個囡讀初小, 學校有一條龍直升, 我都一樣有e d 煩惱

平時成績ok, 默書, 功課交齊, 上年考試數學得40分, 嚇得我個心停咗咁呀, 原來佢有成6頁紙冇做~~~~

我問佢點解咁, 連老師都打來問我點解咁

我個囡答: 我見到份卷成13頁, 見到都唔開胃, 唔想做law

結果, 老師罰佢留堂補做, 結果係9x分, 但係老師話公平起見, 補做的唔計, 結果個年數學的分數真係唔敢見人啊~~~~~

ZZdaphne

原文章由 Pulmma 於 08-6-24 17:30 發表
唔好話你升中有e d 問題, 我個囡讀初小, 學校有一條龍直升, 我都一樣有e d 煩惱

平時成績ok, 默書, 功課交齊, 上年考試數學得40分, 嚇得我個心停咗咁呀, 原來佢有成6頁紙冇做~~~~

我問佢點解咁, 連老師都打來問我點解咁

我個囡答: 我見到份卷成13頁, 見到都唔開胃, 唔想做law

你千金好有性格

Pulmma

有性格?!?!?!

你知唔知我個晚塊臉有幾黑!!!!!

Joe媽媽

原文章由 fafa10322 於 08-6-23 20:56 發表

Joe媽你別太担心。呢個時候你更加須要鎮定d分析問題，只有你才最了解他啊！如果你都六神無主.....咁仲有邊個幫到個仔呢？
第一：你仔12月出世，是細仔組，差不多是全班最細，是嗎？(呢樣好重要)
第二：四年班or五年班才重讀，分別不大，各 ...

那麼妳讚成留班嗎?

他介意只得"70分", 他預算有85分以上的. 所以他都不開心. 成績是其次. 他最差反而是寫漏手冊, 所以做漏功課...是自顧能力不足, 經常要人從旁提點, 但妳提點他時, 他又說知啦, 知啦, 但轉頭又忙記了. 忙帶書, 忙帶牧童笛, 忙帶...
又因人家教, 不要補回帶給他, 好等老師罵他, 記名. 但他又不放在心, 又不怕老師罵, 又不怕被人記名, 所以手冊老是給人記名

dad1234

原文章由 Joe媽媽 於 08-6-26 00:09 發表


那麼妳讚成留班嗎?

他介意只得"70分", 他預算有85分以上的. 所以他都不開心. 成績是其次. 他最差反而是寫漏手冊, 所以做漏功課...是自顧能力不足, 經常要人從旁提點, 但妳提點他時, 他又說知啦, 知啦, 但轉頭又 ...

知啦,知啦~係口頭禪,同知唔知係無關系

fafa10322

原文章由 Joe媽媽 於 08-6-26 00:09 發表


那麼妳讚成留班嗎?

他介意只得"70分", 他預算有85分以上的. 所以他都不開心. 成績是其次. 他最差反而是寫漏手冊, 所以做漏功課...是自顧能力不足, 經常要人從旁提點, 但妳提點他時, 他又說知啦, 知啦, 但轉頭又 ...

唉吔............一模一樣呀！當年又系激得我要死。又鬧又*tum*...每件事都要重覆十次八次........但最終都係漏呢樣嗰樣.....唉！本 手冊日日都係欠乜欠物。我完全投降......系果刻我諗過比佢留班.....but.....學校唔比,................痛定思痛........與其日日系咁激心、流淚......於是我重新調配自己的模式......就系日日睇住張時间表同阿囝一齊執書包、check功課、上網or致电給同學問功課、..(但係就唔再開聲鬧佢，只係合埋口，不停地做)過左一排，蝦！....呵阿囝就ok啦，樣樣自動波，唔使咁勞氣了！
照睇你仔的情形是.......自己都想做好...but.有心無力！...........你坐下來跟他詳細研究留班的問題........問他意見.....分析好壞....讓他知道....無論結論怎樣....你都會支持他、幫他渡過困難
的時期(而不是他alone去面對困難)....看看能否改善少少.......
再唔得先考慮留班，反正你仔是細仔組，讀多年問題都唔太大！
我常用這句來remind自己........牽孩子的手、同奔成長路！

ngkwaiyee

原文章由 Joe媽媽 於 08-6-26 00:09 發表


那麼妳讚成留班嗎?

他介意只得"70分", 他預算有85分以上的. 所以他都不開心. 成績是其次. 他最差反而是寫漏手冊, 所以做漏功課...是自顧能力不足, 經常要人從旁提點, 但妳提點他時, 他又說知啦, 知啦, 但轉頭又 ...

同我個仔一模一樣,最終班主任都怕左佢,搵同學幫佢跟手冊,
後尾跟跟下又冇左回事,最終都係用番fafa10322既方法,
打比同學問功課,其實直至而家阿仔讀中一,情況都係咁上下,
中學既班主任都係用返小學既方法,搵人check佢手冊,
放學係教員室門口做功課,佢又唔怕肉酸喎....
唔好話功課,連通告而家都唔使比我簽,
前排考試叫佢搵書就嫌你煩,又話惦又話識晒又話冇得溫,
仲預計自己考4x,而家派返黎,科科都係6x-7x ,
我明白小五小六成績係好緊要,
只要你激發到佢既鬥心,知道而家係關鍵時刻,
比佢知道你會同佢一齊努力,一定會有進步!!!

judywan

唉！一模一樣，樣樣都要提，你急佢唔急。。。。。。。。

xokitty

我個仔補習那處, 有西人學英語的, 那裡有個小朋友佢都是, 小一成績90幾, 小二80幾, 到小三得番70幾, 老師要佢去check下, 佢媽媽帶佢去check 回來是 踿界, 過度活躍, 所以佢的成績會越來越差, 你不如再留意下佢, 是否有其他問題