如何提高津校小朋友英文水平

1998Ruby1998

回覆 CCCM 的帖子

我有時候見到徵老師帖寫到明話要「教大學生」／「讀教育系」，我都有少少詫異，因為班成績好嘅學生從來都唔會讀教大或者教育（一睇教大 DSE 收生平均分數就略知一二）。我果屆基本上冇人讀教大同教育，有料嘅都一定讀神科。一講教書就一臉嫌棄話「教書雖然係鐵飯碗，但係一日到晚對住班學生好攰，如果有學生唔合格又要照肺。」我同阿媽講話我想讀語言系，佢仲話我浪費生命時間金錢，讀 Econ 或者 Business Management 仲好。
其實係香港如果唔讀國際學校的話，真係好難堅持 Happy School Theory，當人人裝備自己仔女嘅時候，少數變成多數，呢股歪風就會變得自然正常，一直蔓延，就睇你幾時屈服。教育制度改左又如何，人心先係要改嘅地方。

brother4

。。。今個月有三個學生再不能。。。好可惜!是期望相差太多?

greentea000

回覆 1998Ruby1998 的帖子

我AL有1個同學揀語言系，仲係成績好唔錯既，之後聽其他同學講佢做左口語翻譯，收入好高，唔比醫生差！

你加油！

judy

我有時候見到徵老師帖寫到明話要「教大學生」／「讀教育系」，我都有少少詫異，因為班成績好嘅學生從來都唔會讀教大或者教育（一睇教大 DSE 收生平均分數就略知一二）。我果屆基本上冇人讀教大同教育，有料嘅都一定讀神科。一講教書就一臉嫌棄話「教書雖然係鐵飯碗，但係一日到晚對住班學生好攰，如果有學生唔合格又要照肺。」我同阿媽講話我想讀語言系，佢仲話我浪費生命時間金錢，讀 Econ 或者 Business Management 仲好。

我讀中學時，教師全是大學生，當時的大學生，大約top5%之内吧，比起現在那些讀神科的成績仲好。就算今時今日，本港中學教師的水準也唔講得笑。香港中小學教育在世界上亨有盛名，前段時間有報告分析本港成功原因，其中一個就本港教師人工高，吸引優秀人才。現時入職28000，40歲上下的教師不用升職，也有65000左右。加上穩定多假，教師一職一啲都唔失禮。

教師一職吸引不到青少年的原因很多，教師一般都較樸素、喜歡訴苦、没有月暈效應。教院的設立，又令成績較次的一批名正言順成為教師，教協又一徹頭徹尾的工會組織，搞到教師cheap晒。現在是劣弊逐良弊，這是香港之不幸。

judy

無錯，做老師受人敬重，人工又好，咁大量老師一定有人係有志投身教育。  

不是有志投身教育就是好教師，如果以此定義，以前的中學教師相信極少是志投身教育的；現在的小學教師相信全係"有志投身教育"的了。

要增加教師的吸引力，不是加人工、不是停考TSA，不是增加資源。而是要提高要求，例如大學專科畢業，再加上一年教育文憑。總之，要令教師變得專業，而不是象現在一樣"有志投身教育"的就可以。

MrBeast

brother4 發表於 17-3-10 13:38
身教好重要，不是在圖書俾小孩子自己來，家長多看英文書，咁小孩子感同身受，多看英文。。
...

110% agree.  有次朋友介紹《what money cant buy》，小朋友見到本書就問有什麼是＄買不到，每事都是只要有恆心⋯⋯

judy

只可以講今時唔同往日, 而家老師壓力都好大, 家長學生可以係Boss, 放工重要改卷備課, 帶課外活動, 訓練學生

我唔係太信(或太明白)依家壓力大過以前呢啲嘢。

只可以說以前人人是超人。

greentea000

AL時有幾堂職業輔導，有sell護士、教院，教院仲拎埋表，但主動要表既得幾個。

拎表既係成績普通，教院算係好出路，或者成績稍好，教院係後備。

唔拎既除左成績更好+有其他確實目標，仲有成績唔錯又連後備都唔考慮教院既：
1.育人道德壓力大大
2.假期多只係假象，做過學生都知假期幾多補課
3.管太多，學生拍拖、家庭問題、自殺都要理


以前無咁多自殺係真既，hea做自然咩工都無壓力。

lui

judy 發表於 17-3-10 16:56
我讀中學時，教師全是大學生，當時的大學生，大約top5%之内吧，比起現在那些讀神科的成績仲好。就算今時 ...

老師工作時間長，早7晚5。其實我認識的人做教師的也是成績好。AL四條A.IB over 38份等...教師責任大，反而教post graduate 自資課程可能軽鬆d.

言歸正傳，在津校英文要做到聽講讀寫起，父母在起步要扶持，盡快找出小孩喜愛的主題，看書加audio book. 大d加埋畫面。
喜愛閲讀，其實之後真的可以溫少科，什至兩科。

Iloveoldseafood

我仔雖然讀英幼，表面有優勢，小一讀英小，學校教得深小一用小二書，結果小二追唔上，小三自然流失轉校。佢能用流利英文與外國人溝通，但閱讀理解唔掂，英文唔係我們母語，迫唔黎，睇多d英文書，先識多d生字有幫助。

samsam123321

lui 發表於 17-3-10 23:21
老師工作時間長，早7晚5。其實我認識的人做教師的也是成績好。AL四條A.IB over 38份等...教師責任大，反而 ...

直頭係荀工拉

1998Ruby1998

回覆 greentea000 的帖子

我見到自己學校班老師都好慘，我學校老師流失率一年嚴重過一年，試過一年入 8 個新老師，三年內走剩 1 個。我學校有 3 大炒魷原因：1. 學生投訴，2. 任教班別成績最差，3. 同學生行得太埋／關係太好。我中三遇過一個好好嘅數學老師，不過佢因為對我好好，肯留低學校到 7 點幾教我做數學作業，畀同學發現佢改卷對我鬆手過其他人，所以畀人投訴走左。
以前就算老師教得唔好，家長學生比較少投訴，依家老師教得唔好／改卷慢少少都畀人投訴，我中二數學老師換過兩次，都係因為有一個同學個阿媽日日夜夜投訴教得唔好，我見到校長捉左老師去照肺，結果一個月後走人。仲有老師以前可以好惡咁鬧學生，但係依家家長對教育重視左好多，投訴率都高左。以前學生讀書成績差、行為唔好，老師可以喪鬧（我小學老師當住所有人面鬧過我冇資格讀 band 1，應該讀 band 3，換轉好多依家嘅父母，一定投訴），讀書唔好就叫佢地出去搵工考牌等等。

而且工作量都越來越大，甚至暑假都要返學校同學生補課溫書，我老師因為冇家庭冇負擔毒男一個，所以可以陪班學生玩，換轉好多年輕老師，邊肯暑假日日返？

當然，有一部分老師真係按部就班得好明顯，不過首先要教書滿 7 年、自己教果班本身係叻同埋著緊成績。

只能夠話，教育制度同方式改變太快，老師思維同教書模式未必跟得上。

不過其實好多老師教書第一年都好有心機，不過歲月洗禮同埋見證殘酷現實之後，就好容易變。我曾經有一個好好心機教我中文嘅老師，佢第一年入來做我班主任，佢知我中文弱同埋中英夾雜問題好嚴重，所以佢特登要我留低學校練口語（講一隻英文就罰抄果個中文應對詞語 10 次）、作文、閱讀，所以果年中文成績最好，佢都對學生好有耐性同善良，所以我好罕有咁對一個中文老師咁順服。不過幾年後聽班初中講，佢變左好多。

Sorry 樓主，本來講英文講講下離題去左講老師。

CALVEN

1998Ruby1998 發表於 17-3-12 08:01
回覆 greentea000 的帖子

我見到自己學校班老師都好慘，我學校老師流失率一年嚴重過一年，試過一年入 8 個 ...

Sorry,你提到位好老師對你改卷鬆手D，我唔認同佢係好老師！

wan_sosin

1998Ruby1998 發表於 17-3-12 08:01
回覆 greentea000 的帖子

我見到自己學校班老師都好慘，我學校老師流失率一年嚴重過一年，試過一年入 8 個 ...

我讀中四嗰年，我哋一班同學以班名義寫信比校長去投訴一位老師教得差，影響我哋成績，校長將封信交返比個老師，佢當然唔高興亦無改善，但至少我哋學識嘗試表達意見。而家學生有父母出頭，唔洗自己去爭取。

蝦米豬

Iloveoldseafood 發表於 17-3-11 11:48
我仔雖然讀英幼，表面有優勢，小一讀英小，學校教得深小一用小二書，結果小二追唔上，小三自然流失轉校。佢 ...

追不上不是英文科，而是其他用英文教的術科嗎? 他的母語是廣東話嗎?

1998Ruby1998

回覆 CALVEN 的帖子

因為如果我數學唔夠分，我一定選唔到對我有利嘅選修科 combination，所以有一兩個 careless 位冇扣到我分（每個 careless 扣 3-5 分，好多架），淨係圈起，要我改正。
睇你點睇「好」呢個定義，我對「好」呢個定義係佢會明白我處境，幫我一把。有 d 人會覺得如果呢個老師要幫就應該要揸正嚟做，但係我覺得呢個反而係害咗我。數學唔夠分，我一定會畀人編去讀中史、西史班，我中三中史、西史係咁多科裡面最低分，低過物理（然而我物理都係得 56 分），我讀呢兩科選修科，絕對係一種折磨。可能你會覺得既然我考到咁嘅成績，讀返中史、西史係我應該承受嘅後果，但係我就覺得佢當時肯放過我，我好感激佢咁做。冇佢，我唔會讀到今日呢個大學學位。

CALVEN

1998Ruby1998 發表於 17-3-12 15:25
回覆 CALVEN 的帖子

因為如果我數學唔夠分，我一定選唔到對我有利嘅選修科 combination，所以有一兩個 car ...

你是既得利益者咪話佢好囉我覺得佢連基本職業操守都無，抵俾其他人投訴。

1998Ruby1998

回覆 CALVEN 的帖子

咁我又冇話佢唔抵畀人投訴，只不過係覺得老師呢份工難做

greentea000

1998Ruby1998 發表於 17-3-12 16:15
回覆 CALVEN 的帖子

咁我又冇話佢唔抵畀人投訴，只不過係覺得老師呢份工難做 ...

你如果有心，可以自己做好先。