溫習溫到很激氣!!!

雲妮彭

IloveJJ 發表於 17-1-5 14:02
係呀！好多都話小學個底唔好，升中學又好難追……。其實，講真，小學/小一成績好，可以係預先學了，小學/ ...

其實我都好認同你既理念,小學階段唔需要補習,有需要既,家長自己跟返就可以了.
我唔贊成太早階段去補習係因為唔想小朋友做造成依賴既性格,讀書本來係自己既責任,
補習就會變成被動地讀書; 另外,我覺得小學課程原則上係好基礎的,只要小朋友留心聽書,
佢其實可以應付到,再唔係,家長幫一幫已經OK,何需要補習甘緊迫?!

初期我有掙扎過係咪需要送去補習社,因為跟功課太傷親子關係,太勞氣了...嘗試了3個月俾朋友跟功課之後,
都係自己跟進返...到阿囡小四開始已完全放手佢自己做功課,只係溫習時要催促和監察下,佢已經呈完2次分,
決定入一條龍中學.

好喇,依家到個仔小二,功課佢勉強自己完成,但甩漏+唔小心+字體其醜既問題好嚴重....真係死左好多細胞....
我其實都係睇讀書態度多於成績,原則係,只要盡力溫習,成績可以放其次...但通常小朋友都係態度散漫令父母激心多...
雖然見到分數低會發下忟憎,但又可以如何呢?!

Olympian

原帖由 IloveJJ 於 17-01-05 發表
係呀！好多都話小學個底唔好，升中學又好難追……。其實，講真，小學/小一成績好，可以係預先學了，小學/ ...

都係為左呈分試，想穩入band 1中學才補習吧！另想問下大家，考試前幾天要溫習幾多個鐘。我仔小二，我考前都係同佢溫一個半鐘左右，因佢超過一個半鐘就跌watt, 效率唔高。所以我要諗得好清楚要佢溫的範圍，不能多。咁...到左高小係咪唔可以咁快溫完呢？

heisonmama

miujoey,我和你遇到的情況一模一樣，有時想，既然學校都冇比壓力家長又只是小ㄧ，自己係咪更應該放手讓小朋友摸索下，從錯誤中學習呢! 其實有時檢討番自己教小朋友的方法都真係幾無趣味和刻板 ，小朋友有時仲反而講笑氹番我，教小朋友方面我老公確實做得比我好的。佢成日提我比D耐性聽下小朋友講乜先，例如，小朋友唔見文具，我就成日話佢大意，但實情是小朋友放學好趕，上完Art堂跑回課堂再趕校車，有D連圍裙都趕不及除...就咁就誤會了小朋友了...有時諗番自己六歲時都是一舊”飯”。

Rachelmummy2008

回覆 miujoey 的帖子

其他人的成績參考下就可以。
最緊要係同自己比較，有無進步，有無用心機去做好。

考試制度並非完全評估到所有子女的能力。

我囡朋友津小第一名，小小人兒每天就是為成績讀書，父母反而希望她不要太緊張呢！

retriever

miujoey 發表於 17-1-5 12:23
近排忙於溫習,因為過幾天就要考試, 小一生第一次的學校考試, 家長群組內不斷post出之前Test有那個同學叻有1 ...

唔好咁啦！ 你間已經係出名happy加一條龍，本來就係俾時間慢慢來。

之前壇內有版友講某校有人平均分99,其他人羡慕有多勁。

其實我覺得呢d追捧99 有 d唔正常。

retriever

IloveJJ 發表於 17-1-5 14:02
係呀！好多都話小學個底唔好，升中學又好難追……。其實，講真，小學/小一成績好，可以係預先學了，小學/ ...

係咪仔呢❓

可能其中一個係小學靠直昇機呀媽在旁監著谷。昇中上左太空出左大氣層，直昇機去唔到，無左支援就死得。。。

retriever

IloveJJ 發表於 17-1-5 17:02
「甩漏，唔小心，字體奇醜」我大仔都係呀！男仔咁樣，實在唔出奇，我都由佢小一哦到而家小四。我個教大學 ...

同意仔係大大意架。

你好似兩條仔❓ 唔卦得睇得開d...

babywoman

回覆 Olympian 的帖子

我仔學校，只有兩次考試入成績表，所以，每次考試 都幾多。

我地一般考前一個月派考試範圍，最遲考前兩星期一定要溫，否則唔夠時間。長假期後一星期 考，所以，聖誕假期幾乎用來溫書。下星期開始考，呢個星期就每晚執啲之前溫咗但未熟嘅，及仲有啲未溫嘅。反而考前就冇溫咁多時間，最近幾日都係溫唔夠一個鐘，每晚930上牀，多休息。

有啲人，考前幾日先溫，係唔得架，如我仔。

小四仔，暫時仲算合作，因為小一時成績唔好，俾同桌笑，所以跌過才知。
不過，仍要叫先去溫書，唔知幾時先識自動自覺。

雲妮彭

IloveJJ 發表於 17-1-5 17:02
「甩漏，唔小心，字體奇醜」我大仔都係呀！男仔咁樣，實在唔出奇，我都由佢小一哦到而家小四。我個教大學 ...

"字體醜"影響既唔單止係外觀,仲影響埋分數.禽日派數學測驗卷,真係EQ既大考驗, 61分!
佢個"錐體"既體字,下面"月"寫成"日",結果兩題都因為甘而無分!
跟住成版時鐘,因為劃得差而0分.........溫習時識既野,測驗時又唔識...

可能佢對時間既觀念未清晰,所以測時又混亂...我個仔又係0寫成6,6又似0,
3同5, C寫得唔夠彎........睇佢D功課真係好想嘔.......

我都明白,態度勝過分數,分數只係學習既過程,道理真係明架,但一睇到呢D錯位,
真係好勞氣,忍唔住話佢..同佢講,字唔需要靚,但必須清楚整齊.......講到口水都乾,
佢依然故我!!

我決定下學期報書法班俾佢!!

下星期二就開始考試...........又係EQ大考驗既時候喇!

雲妮彭

IloveJJ 發表於 17-1-5 17:12
呢樣都係因人而異喎。首先，要睇佢本身平日識幾多?仲有，睇下佢記得幾多。如何佢平時識，記性又唔差。咁考 ...

"臨急抱佛腳"真係唔係人人都得,我自己都唔得.
我要提前預備,慢慢繼步去溫習,方法同你類似.
例如考試前一至兩個星期(六日),每日開始分早,午兩段時間,
早上溫2-3個鐘,又每1個鐘休10-15分鐘,
午飯出去食,HEA下,玩下公園,返來下午又溫1-2個鐘,
夜晚就自由活動,HEA....一日溫習時間就完成.

一至三年班,可以唔使太緊迫,
到呈分前後開始緊張了...

Olympian

原帖由 IloveJJ 於 17-01-05 發表
呢樣都係因人而異喎。首先，要睇佢本身平日識幾多?仲有，睇下佢記得幾多。如何佢平時識，記性又唔差。咁考 ...

我都係攤長溫。考試期間每天限溫1.5小時，其實係我比自己的target。唔想個仔咁辛苦或大壓力，唔係6年好難捱。平時也會在他精神好和心情好的時候溫一些。不過唔知高小仲可唔可以keep到考前溫咁短時間啫。

我個仔又係畫鐘，畫角都要練的，非常論盡。字醜更加唔洗講...過到骨就算了。

bobbob

IloveJJ 發表於 17-1-5 14:02
到高中，津小嗰個名列前茅，英小嗰個反而讀得很吃力。點解呢？就係因為他們响小學時，用咗不同的方法來考到第五。

可唔可以講吓佢哋分別用咗乜嘢方法讀書呢？

haihaimom

IloveJJ 發表於 17-1-5 14:02
係呀！好多都話小學個底唔好，升中學又好難追……。其實，講真，小學/小一成績好，可以係預先學了，小學/ ...

我同意你個講法，我有朋友小一仔仔成績差堆佢上操卷班，的確係可以改善短期分數，但長遠真係得不償失。面對公開試要知已知彼，操卷係必須，呈分試去操卷我都理解，但初小就去操卷班我真係無言，開班嗰個都好無良。個小朋友上到中學就唔可以再用嗰種技巧去取分，真係唔知點算。基礎知識唔紮實，日後點操都冇用。