有感而發，現在讀英藝的家長入来傾下

readymama

Klw 個間都係著重學術。 佢地每日有1 至 2 份 colouring bring home 功課。 當然小朋友係學校做晒就唔駛bring home.  學校有好多姨姨照顧小朋友去toilet.  所以toilet train up 都係多得佢地。 佢地每星期有1 或2 次早晨晨操，又跳又唱，小朋友好high 架。我個女上佢地英普，屋企我地都只講廣東話，番學之後佢自己成日講普通話同英文。

kyramom

原帖由 readymama 於 13-08-30 發表
Klw 個間都係著重學術。 佢地每日有1 至 2 份 colouring bring home 功課。 當然小朋友係學校做晒就唔駛bri ...

Readymama, 請問小孩在校是否從不同個主題學習，還是好像小學分科目去學? 謝謝分享!

ZoeZita

各位好, 我2個女都係今年大埔既新生. 大女讀緊K1國際班, 細女11月入讀PN國際班.

係 bk 中, 英藝既評價的確麻麻, 但當我考慮左好耐, 最後都將大女由安xx轉來英藝. 我估好多 bk mama 都覺得我呢個係好錯既決定.....始終係bk中, 安xx既comments 係一面倒比英藝好既. 但我相信每人要求唔同, 安xx係學術上比唔到我要既野. 但英藝可以.  所以抱住樣樣自己跟足d, 睇實d既心態拎勇氣出來轉校!

而家大女返左差唔多一個月學, 可能我一心無期望咁入去, 反而各方面都令我有驚喜.
1. 學術: so jar 唔算太深, 而每日有1-2份功課. 我女頭1星期每日用成個鐘先做完, 但好快就習慣左, 日日15mins內做曬, 仲同我講好鍾意做功課, 好好玩. 呢樣令我好安慰!!! 希望 keep 住呢個自動波做功課既習慣.
2. 校車: 呢樣係令我最驚喜既. 同之前學校比, 而家既校車姨姨 & 司機態度真係100分. 日日婆婆接送放學都話校車姨姨 & 司機好有禮貌. 有時因天雨關係遲左, 學校會早5-10mins打電話比我, 通知我遲d 先帶小朋友落去, 唔洗落住雨等車.
3. 老師: so far 收過鬼佬老師一個電話, 同我講我女係學校既情況. 可能無其他學校咁密, 但我都滿意 ga la. 而且係亞女口中, 得知老師會主動同佢地玩, 亞女都話好鍾意佢班既老師, 又話好鍾意返學, 我相信老師們對佢係好既.

當然學校唔係樣樣野都好好, 都有我覺得要改善既地方. e.g. 我初初完全唔知邊 d 係要做既功課? 老師無講過, 又無通告, 只係靠女自己話我知要做乜. k1小朋友講既野有多可靠呢??? 但夜晚又打唔到電話問老師, 只有信亞女啦.........最後當然有出錯啦...........如果手冊寫左 or 有通告講解應該好好多!! 可能呢d 就係bk mama 講admin 上做得唔好啦!!!

分享住咁多先. 希望大家既仔女都有快樂既幼稚園生活!!!

dragonwarrior

聽到呢位媽媽的女兒咁開心返學，我希望我仔入到啦!細仔，真係冇乜學校收


想回應下你話學校可以改善既地方，其實佢地係特登唔寫手冊的! My niece 讀民X K1開始，功課同要帶D乜，全靠個小朋友返黎講, train 自理能力!當然會漏啦，所以佢地有 mama whatsapp group,互補不足嘛!

ZoeZita

當未讀時聽到學校有咁多-ve news 真係唔想比女讀,做父母既點會唔緊張呀？! 但係大埔, 只有英藝比到我想要既野, 我又唔想兩個女山長水遠去其他地區返學, 只有同自己講自己睇緊 d 啦! 品行方面,家教更加重要! 最後都硬著頭皮一試。但老實講, 如果有得揀, 我當時都唔會揀英藝 .......

但而家返左一個月,的確令我滿意, 令我無後悔轉校! 希望往後既日子都一樣好! 當然學校經歷過近期既事後, 絕對需要吸取教訓, 努力改進!

floralee212

我仔畢左業升小一，看了小一的課本後，我地今届d mama 異口同声地慶幸在幼稚園，一早已把學術的底子打好了才上小一。不致於擔心小一學習不適應。

ZoeZita

呢個就係我當初轉校既最大目的, 聽你咁講, 安樂好多!
請問你小朋友讀直資/私校/派位學校？
可否分享你地今年各同學既考學校成績呢？謝!

floralee212

之前有一間外區私小backup但不是首選校，因有了妹妹出世後改變策略，留在原區等大抽獎，抽不中心水校，最後叩門原區熱門校成功。以我知其它同學有陳守仁、培橋等，遲d校內會贴派位出来。

ZoeZita

回復 floralee212 的帖子

我估係返大埔叩門, 英藝既成功率應該較高. 聽講2間舊墟都鍾意收英藝.