溫習溫到很激氣!!!

洋蔥頭媽咪

benjuli 發表於 17-1-8 18:44
其實怎樣培養良好學習態度?
當玩就幾耐都得,但一温習就脾氣來,温完一個鐘,放去玩一陣又收唔番個心,事事怕難 ...

我從小教導兒子，讀書時讀書，遊戲時遊戲，玩可以玩到癲，但讀書/做功課就要專心，要認真不能hea做，因為讀書係為你自己而非為父母 (呢樣嘢一定要令小朋友明白），如果為應酬我而做，就不如唔好做，因為孩子只須要對自己負責，當然小朋友只要盡左力，就算結果如何我都唔會怪佢，鼓勵佢有問題要主動去問。能夠主動學習，做事認真同負責，我認為已算係良好學習態度。對待唔同年紀嘅小朋友處理方法都唔同。樓主小朋友幾大？如屬初小或以下要溫習一個鐘其實都幾辛苦，或者嘗試多些讓小朋友一同制定溫習時間/方式，再由家長協助實行，可能會比家長一味督住佢狂溫來得見效。舉例，我兒小一初初默書，生字十個，我會問佢（你想分三日溫3/3/4個?定二日每日溫5/5個?甚至分四日溫?)，溫好就陪佢玩，多讓小朋友參與意見，過程中亦可以訓練佢學習時間管理，小朋友唔會因家長講兩句就能做倒，但家長要有耐性，用多啲方法，多讚賞給于肯定，孩子就會合作好多。我兒小三起已全放手了。加油。

benjuli

原帖由 洋蔥頭媽咪 於 17-01-07 發表
小一啫唔駛太緊張，你太大反應會嚇怕小朋友架，初小分數是其次，培養良好學習態度最為重要，鼓勵小朋友自己 ...

其實怎樣培養良好學習態度?
當玩就幾耐都得,但一温習就脾氣來,温完一個鐘,放去玩一陣又收唔番個心,事事怕難和麻煩

scyauchris

回覆 洋蔥頭媽咪 的帖子

完全正確, 要有良好態度。

miujoey

回覆 洋蔥頭媽咪 的帖子

洋蔥頭媽咪

miujoey 發表於 17-1-5 12:23
近排忙於溫習,因為過幾天就要考試, 小一生第一次的學校考試, 家長群組內不斷post出之前Test有那個同學叻有1 ...

小一啫唔駛太緊張，你太大反應會嚇怕小朋友架，初小分數是其次，培養良好學習態度最為重要，鼓勵小朋友自己做好功課，有唔明白嘅地方要主動去問，弱項幫佢打好根基，孩子就會慢慢進步。初小高分冇乜大不了，上到高小只要態度好能力夠，孩子好容易就會跑出，越高年級越見真章，基礎打得好升中都唔駛怕。

scyauchris

回覆 little_yolky 的帖子

一陣唔痴你就知慘, 佢地話變就變, 你好真珍現在。

little_yolky

scyauchris 發表於 17-1-6 15:20
回覆 IloveJJ 的帖子

我都唔喜歡阿囡考前先讀, 好似上次考前一兩天就病, 所以我成日叫佢唔好last mins 温 ...

反而我大女一向好主動溫習, 但升咗上小四之後, 唔知做乜鬼成日纏住我, 要我教佢作文幫佢溫書。真係好鬼煩, 俾我一腳伸開佢, 叫佢自己諗辦法。

bobbob

IloveJJ 發表於 17-1-6 14:37
你指小學時?還是現在高中?

都講吓啦

scyauchris

回覆 IloveJJ 的帖子

我都唔喜歡阿囡考前先讀, 好似上次考前一兩天就病, 所以我成日叫佢唔好last mins 温。不過小四, 佢係唔比我理佢温書d野, 最近不再痴住我瞓。我囡學習態度soso, 我提佢又話我煩, 女仔早熟都好麻煩。

kksushi

回覆 jessiejy 的帖子

我地都吾敢行呢步呀! 因為輸吾起呀,  一次測/考衰左就好大件事架啦............

MASAYA

IloveJJ 發表於 17-1-6 14:37
你指小學時?還是現在高中?

應該係指小學時

haihaimom

IloveJJ 發表於 17-1-5 14:02
係呀！好多都話小學個底唔好，升中學又好難追……。其實，講真，小學/小一成績好，可以係預先學了，小學/ ...

我同意你個講法，我有朋友小一仔仔成績差堆佢上操卷班，的確係可以改善短期分數，但長遠真係得不償失。面對公開試要知已知彼，操卷係必須，呈分試去操卷我都理解，但初小就去操卷班我真係無言，開班嗰個都好無良。個小朋友上到中學就唔可以再用嗰種技巧去取分，真係唔知點算。基礎知識唔紮實，日後點操都冇用。

bobbob

IloveJJ 發表於 17-1-5 14:02
到高中，津小嗰個名列前茅，英小嗰個反而讀得很吃力。點解呢？就係因為他們响小學時，用咗不同的方法來考到第五。

可唔可以講吓佢哋分別用咗乜嘢方法讀書呢？

Olympian

原帖由 IloveJJ 於 17-01-05 發表
呢樣都係因人而異喎。首先，要睇佢本身平日識幾多?仲有，睇下佢記得幾多。如何佢平時識，記性又唔差。咁考 ...

我都係攤長溫。考試期間每天限溫1.5小時，其實係我比自己的target。唔想個仔咁辛苦或大壓力，唔係6年好難捱。平時也會在他精神好和心情好的時候溫一些。不過唔知高小仲可唔可以keep到考前溫咁短時間啫。

我個仔又係畫鐘，畫角都要練的，非常論盡。字醜更加唔洗講...過到骨就算了。