本帖最後由 stseng 於 12-5-15 11:00 編輯
回復 sukitelfold 的帖子
做律師、醫生、言語治療師……等等故然要入到大學門檻先叫有申請資格, 但入到大學門檻也不一定如願以償可以成功入讀法律系、醫科等, 正如你所言:” 要成為言語治療師並不是這麼簡單,只有港大有相關課程 ,每年只收42個,超過400人爭入,”
一個人能否入大學受好多因素影響, 學校的教學成效、學生自身品性能力、家庭環境、家長付出的心血、資源、臨場考試表現……等
人生路漫漫, 核心問題系: 是否做不成律師、醫生、言語治療師等等, 甚至入不到大學就叫連基本過唔基本都達唔到就叫失敗或給社會帶來負擔? 每日街上所見來來往往甘多人, 當中好多人都冇大學學位, 難道他們也算得上連基本過唔基本都達唔到? 但他們不也是勤勤勉勉地工作去養活自己和家人為社會貢獻?
若然他日你自己小朋友入不到大學, 你會點睇佢呢? 他算不算失敗而叫你失望呢? 你是以入大學來評定小朋友或身邊的人嗎? 我相信不是的!
至於學校, 我同意入U率或公開試成績系一間學校既教與學的成效指標之一, 但只是” 指標之一” 而非决定性、唯一或首要指標, 更重要系佢造就了小朋友成為一個怎樣的人,呢間學校是否用心辦學、用心”育人”、幫小朋友去學做人 -- 一個有建全品格的人, 幫他建立正確價值觀、人生觀、獨立思考、樂學態度、自學、自理、自省能力o 就算入不到大學也不是世界末日, 只要小朋友擁有以上品質, 做家長又何愁小朋友將來不能自立, 做個充滿自信、喜樂又能關心、感染身邊人、對社會有貢獻的人呢?
”育人” 及“全人教育” 一詞在今天追逐達標、成績、入U率的世代似乎成了古文或虛有其表的招牌, 追求全人教育理念的家長甚至被標幟為清高/不切實際, 家長也就跟着潮流而捨本逐末了!
不少家長都視入U率及公開試成績為小朋友或一間學校的决定性、唯一或首要的教育成效指標, 怪不得--鷹王教育、現金教育、公文袋開到成巷成市了. 原來家長睇小朋友的教育系可以去到一個甘現實既層面. 悲哀嗎? 還是睇完後心中爆句"唓!"? |