去到小一面試中段的心情 - 小一選校 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小一選校 › 去到小一面試中段的心情

發新帖

樓主: 超能爸爸	go 去到小一面試中段的心情 [複製鏈接]

Rank: 6 Rank: 6


	8442

41^#

發表於 22-3-14 10:49 |只看該作者

超能爸爸發表於 22-3-10 17:42
回覆 hkhk8888 的帖子

暫時留咗2間私小學位。

直私其實都係target同一type小朋友...

怕羞唔表達, 識百科全書都無用.似乎你應該小朋友訓練社交多過學術.

又所以, 你見到果d話自己十間八間收左, 唔洗灰心, 佢只係果一type既小朋友, 唔代表以後一定成功升中.

Rank: 5 Rank: 5


	2072

42^#

發表於 22-3-14 11:36 |只看該作者

回覆 bananaGi 的帖子

謝謝你意見。
其實都有訓練佢自信心和溝通能力，上年面見時應該ok，不過佢只因為聽話跟我講的去做，唔係由心而發，同好smart啲小朋友距離應該依然好大。

上個月屋企Zoom in，佢冇咗去一間新學校的興奮，變得好驚，in時喊咁口(我始終唔理解點解佢會咁)。

不過，呢個就係佢吖嘛，每個人性格優缺點也不同，我諗通咗架啦，佢唔需要去做另一個人，做返自己，唔計interview，我覺得佢做返自己會係一個唔錯的小朋友。

Rank: 5 Rank: 5


	2379

43^#

發表於 22-3-14 15:15 |只看該作者

回覆 miujoey 的帖子

我兒子也是非常怕醜被動，但學習能力其實不錯的孩子。今年熱門直私全reject,現留位了兩間次熱門私校。我仍在思考以他的性格讀那種學校比較適合，因以我觀察他上課外活動的表現，在其他較talkative孩子面前，不但沒有鼓勵他多說，反而令他更退縮、更害怕比下去。所以我暫時偏向選擇傳統教學好似比較適合他。

見你提到新派直資也適合這類孩子，介不介意透露你孩子讀的是哪間？

Rank: 5 Rank: 5


	2072

44^#

發表於 22-3-14 17:46 |只看該作者

回覆 sephine97 的帖子

我很明白你的兒子因為和我兒子一樣
有時越諗住幫佢社交佢就越明顯退縮

呢個情景只有你和我才明白所以我都由佢了

Rank: 5 Rank: 5


	3721

45^#

發表於 22-3-14 19:52 |只看該作者

sephine97 發表於 22-3-14 15:15
回覆 miujoey 的帖子

我兒子也是非常怕醜被動，但學習能力其實不錯的孩子。今年熱門直私全reject,現留位了 ...

你說得很好，我小朋友都是一樣學術好但怕醜被動，去咗新派直資並沒有令佢改變，反而仲因為他是思考型而被比下去，相反現在去到傳統學校仲可以令他發揮所長。我覺得最主要嘅係同學仔嘅分別。新派學校嘅活躍學生較傳統學校多。

我諗家長為小朋友揀學校，應該從佢哋嘅性格出發。有時家長以為揀間新派學校給孩子，希望改變到性格，但呢樣嘢係天生，小朋友唔想變家長亦唔能夠強求。

Rank: 3 Rank: 3


	193

46^#

發表於 22-3-16 01:50 |只看該作者

回覆樓主:

明白你心情
我也經歷過，只有二線offer
我也質疑過，但很快就話比自己聽，呢個考驗未必適合我小朋友

呢個考小過程，一啲組織能力比較強同表現淡定既小朋友有優勢，學術我覺得真係其次
有家長話主要係家長發功，同小朋友態度，我覺得小朋友性格都有影響。當然有家長可能會話小朋友性格咪由家長影響而來，但我相信有啲係天生，就算要改，都要啲時間

無論如何，小朋友係獨一無二，嗰二十分鐘，我覺得老師未必睇到哂每個小朋友既潛能。只要家長肯定同相信小朋友，無論讀邊間學校，都會發光發亮。
祝你仔仔入到合適既小學！

Rank: 5 Rank: 5


	4668

47^#

發表於 22-3-17 14:05 |只看該作者

https://www.baby-kingdom.com/forum.php?mod=forumdisplay&fid=9
買唔到 Hermes，無奈！買 Chanel Dior Gucci 頂住當先

其實用住 Chanel 先都唔錯，只要有恆心配貨，同 SA 溝通方法得宜
遲早會買到 Hermes...

Rank: 3 Rank: 3


	300

48^#

發表於 22-3-22 23:47 |只看該作者

回覆超能爸爸的帖子

I feel you bro!
我都係過來人，亦經歷同一場面。我係高主教舊生，諗住個仔求其in吓都入到... 耐何Zoom in 佢一粒聲都冇出過，咁當然衰咗。最慘係zoom in之後佢一字不漏咁同我哋答返晒interview入面嘅答案… 果吓真係灰咗，佢唔係唔識，純粹係當時太緊張太內向答唔出。之後其他學校嘅interview都係差唔多，佢自己in果啲好小小，係細聲啲但係起碼都有答，要求我哋兩公婆同場果啲直頭由頭到尾dead air，果十幾二十分鐘嘅zoom簡直係人間地獄。

之後抽獎得第二志願，盡吓人事去叩返第一志願同少量私校。兩年前我地叩門係face to face, 叩門家長分開in，又俾佢叩到！校長仲話同我仔仔傾得好開心添 🤣

我地最後發現仔仔用英文interview會有信心好多（但係我哋一家喺屋企唔係特別講英文㗎喎，連工人姐姐都係講廣東話嘅印印），而咁啱我哋叩嘅都係英小，要用英文in，佢就搞掂咗。

老土啲講，好多嘢係整定嘅，小學面試遊戲有利一啲外向，多嘢講，有自信嘅小朋友，我相信呢啲係天生嘅，而唔好彩我仔仔唔係呢啲性格。但到最後仔仔都考到心儀學校，我相信有啱嘅場合，你嘅小朋友會展示到佢嘅優點，而啱嘅學校係會睇到呢啲優點因而取錄你小朋友嘅。

加油！

Rank: 3 Rank: 3


	230

49^#

發表於 22-3-23 10:14 |只看該作者

超能爸爸發表於 22-3-10 11:07
上年我嘅超能仔仔參加了9間學校面試，神校熱門學校考唔到，其實我都預咗，我未準備好充足，當時，我係主力 ...

這爸爸心態很好，很用心，仔仔真的很幸福。加油，相信自己小朋友

我小朋友是細B，當年考幼稚園幾乎全軍覆沒，只有一間收。佢性格內斂怕羞，不太合群不擅溝通，好多時佢就算識，甚至乎比同齡超越，都唔容易俾人發覺，因為佢會選擇唔答。考小學嘅時候我都好擔心，都幫佢報咗8-9間，神校一條龍當然拒諸門外，但令我意外的是，都有一些學校發現佢嘅優點，六年過去啦，佢亦都發展得不錯，性格都改善了，由當年的怕羞，變為善於表達，朋友亦多。當年的神校拒絕了申請，但中學部今天向他招手，他還比我想像的走得更遠，這也是對他的肯定。

所以你要繼續對小朋友信心，加油

Rank: 5 Rank: 5


	2072

50^#

發表於 22-3-23 22:21 |只看該作者

回覆 seaker 的帖子

謝謝你的鼓勵，無錯，我會選擇相信我的小朋友。

Rank: 5 Rank: 5


	2072

51^#

發表於 22-3-23 22:30 |只看該作者

回覆 vslc285 的帖子

謝謝你的分享。
我真係唔係偏心，雖然我真係唔認為佢叻，但我覺得佢係一個幾斯文、默默耕耘同認真的小朋友，其實呢啲原本係優點，唔知點解係香港式interview下就變成了缺點。

唔緊要啦，呢啲性格其實對佢成個人生比較重要。而家小學面試，只係人生一個微小階段，係我心目中，佢已經好了不起。

Rank: 5 Rank: 5


	2072

52^#

發表於 22-3-23 22:34 |只看該作者

回覆 Mirror123 的帖子

謝謝你的分享，你個小朋友好叻，係邊度跌低可以係嗰度起返身。
我個仔可能只係好學，我又唔覺得佢好叻到可以入神校嘅。只不過，我好多時都被佢嗰種不怕困難、屢敗屢戰的性格感動。或者，佢真係唔適合一線學校，不過，佢呢種態度，我己經好欣賞。

Rank: 5 Rank: 5


	3448

53^#

發表於 22-3-24 12:47 |只看該作者

回覆 Mirror123 的帖子

見到你留言，好感觸。我小朋友考k1時都係唔出聲，全部PC，GH ，同區內一線k rejected ，K1排隊插Lh直頭invitation 都收唔到。
2歲個時懷疑有speech delay,3歲第一日返學老師播歌，其他小朋友起身唱跳，佢只係坐係到唔出聲，k1老師對佢comment係安靜，乖，內向，soft spoken.我唔希望小朋友好似我小學咁無自信，無朋友，出黎講句野都口窒窒，唔望人，只有一張100分成績表，操行A係手，但個人唔開心，所以一心活動直私，project based。k1開始下左好多苦功去幫小朋友soft skill ，去左玩朗誦，作用不大，洗左好多學費，之後發現日常生活浸更好，soft skill，講到尾，只係日常待日接物而已，呢啲絕對唔係花幾堂train朗誦，上台表演幾分鐘可以俾到。
經過2年努力，今年小朋友改善好多，感恩傳統同活動一線都有offer俾小朋友。
我地面試時，有遇上各式各樣問題，但我地無放棄，每次都有諗辦法去幫小朋友改善，各位家長唔好放棄，只要有心栽培小朋友，小朋友總有開花結果一日💪🏻💪🏻

Rank: 3 Rank: 3


	257

54^#

發表於 22-3-24 18:35 |只看該作者

miujoey 發表於 22-3-12 18:23
看來超人仔仔本身嘅學習能力好強，但性格內向怕醜被動？這樣更加適合一些新派直資學校，我是過來人小朋 ...

請問仔仔入到邊間新派學校呀？可以pm 我嗎？

Rank: 5 Rank: 5


	1507

55^#

發表於 22-5-16 12:45 |只看該作者

睇完樓主分享, 真係好有感覺, 我仔都係咁類似咁嘅性格, 但佢甚至怕去嘗試
佢今年K2都準備考小, 我都唔抱有期望, 入到間唔差嘅津校我都安慰喇, 但希望我嚟緊喺過程中都可以好似你咁, 唔會迷失左, 懂得去欣賞佢
喺度都祝各位文靜內向小朋友都有發光發亮嘅一日~

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢