- 在線時間
- 88 小時
- 最後登錄
- 19-12-3
- 國民生產力
- 4
- 附加生產力
- 1806
- 貢獻生產力
- 0
- 註冊時間
- 06-1-11
- 閱讀權限
- 10
- 帖子
- 1075
- 主題
- 17
- 精華
- 0
- 積分
- 2885
- UID
- 69705
 
|
引用：如果出年4月有位,你覺得我比唔比佢去讀s位
原帖由 szenana 於 14-11-26 發表
如果出年4月有位,你覺得我比唔比佢去讀s位好,因為而家呢間e位無野比我仔返屋企做,同埋我仔返緊k2,佢班主任 ...
屯門堂同樂興如果你分別參觀過，就會發現屯門堂整體學生能力高點，屯門堂S位主張訓練配合生活，我仔入體障組，讀主流課程，7人一班，老師可因應小朋友個別需要，調整進度，唔似正常主流學校大圍一齊上，跟唔跟到進度，老師都無可能理到。
我仔入左屯門堂，有返自信，治療師老師全部都做左好耐，但仍然好有熱誠，令我仔各方面都進步左好多，因為教會關係，會比機會小朋友出外表演，又多課程比家長參加，安排好多戶外活動，學點教小朋友。
我仔腳力日日有物理治療師拉筋，又有個別堂，有姐姐根據治療師指示，日日同佢上落樓梯，呢d正常學校無可能有既服務。今年開始學搓筆，職業治療師一對一教佢，我在旁學，佢智力正常，已經認哂英文字，中文字都識好多，係手肌差寫唔到，如果係主流邊有人理，你只能死命迫佢寫，佢寫唔到，大家拍台收場。但S位呢到，老師配合治療師建議，課堂比手肌訓練阿仔，用空間輔助令阿仔寫到字，令佢開心到日日主動做功課，仲要我影印多幾張比佢做。我可以話你知，絕對無入錯S位，無入錯屯門堂。
至於上小學，你知道香港教育制度，讀邊間幼稚園同讀邊間小學係無關係，只係靠計分+運氣。你到時可按個仔情況選擇讀主流定特殊小學（要醫生評估左得先讀得）。今年S位畢業既自閉証學校都分別去左不同既主流，同我仔一同上水療班既體障學長都選擇去了主流，最近聯絡，都適應得唔錯。
我一直覺得6歲前可以去資源多既特殊學校（個名唔好聽）執靚小朋友，功效一定好過大個先黎追。肉酸d講，特殊資源好多，$3XX一個月，返星期一至五全日，平靚正呀。
入唔入S位，當然係父母決定+小朋友需要喇。
 |
|
發表於 14-11-25 10:32
